مابعد الكسر الا جبر💗💎

8.

حلقة الثامنة🌱.

.

.

.

مر شهر و الشهر الثاني في العدد التنازلي انه ينتهي،
علي الاحداث اللي مرن علينا، كل شخص عاش الِـ مكتوبة له ، اما كان خدع والعيب عشان يوصل لمبتغاه ؟.

لمار رغم تشوهت سمعتها ومحد سمعها ولا قدرت تنطق بحرف استمرت حياتها كانت انسانه قد نفسها بس مزال السؤال ليش عدت الحوش احمد لو هي فعلاً مظلومه اكيد ما عدتش تسلم عليه او تحكي معاه في مكان شبها زي هذا ، شنو وراء مشيتها ،اذا كانت فعلاً بوجهة نظرها نظلمت وليش جوزت احمد بدون نقاش ولا مشاكل.

سارة رغم انانيتها في احمد وانهيارها تخطت بالسرعة فائقه ؟.
و نخطبت في شهر مفروض كان عرسها؟.
هل فعلاً قرت الرسائل و قرارت تنتقم او تخطيها كان رد فعل علي موضوع لا اكثر ولا اقل؟.

و رغم فريحة كانت تعرف الحقيقة باعت القصه هل كان غرض من وراء بيعتها للمار شيء اما كان خوف من خسارة معتز اللي قعد راجلها ؟.

ألف استفهام وتعجب ،و الحقيقة وحدة ما تغيرش ، و ما خفي كان اعظم.

.

.

.

بعد مرور شهرين علي جوازنا:

لمار>>

في مرور خمس سنين هذينا، كان كل شيء يمشي ب البطئ بيني وبين احمد ،رغم  ماعمرش شفت احمد يعامل فيا هكي ولا يعامل في سارة زي معاملته ليا توا ،كان احمد شخص ثاني ، كان في شهرين هذينا يحاول يثبت ان يحبني لذاتي كـ لمار فقط لا غير ، بس انا ما كنتش متقبلة فكرة اللي صار ومش متقبله بعادة عليا♥️.

"مابين خوفي من إنهاء خطوة ، و السير في خطوة جديدة،
وقعت وبشدة في قعر مخاوفي و أحببته مره اخري♥️".

كانت علاقتي مع حنان ويقين مستقرة وبالنسبة لمروة كيف حالتها لا جديد ، بس كانت تحاول تتقبلني رغم صعب عليها ،كانت راسمة شيء وطلعلها شيء ثاني لانها كانت مقربة لسارة وديما تجي و تود فيها ، او كان في شيء ثاني و داسته؟

لمار ،كنت نغني بصوت عالي ، و منسجمة : مرميه هدومه في الدولاب مرميه هدومه يانا يانا في الدولاب مرمية هدومه ، كيف ننساه و ننسا قدومه يانا يانا كيف ننساه.

احمد ، كنت منسجم معاها وهي مش فاطنه  خذيت تفاحة فطنتلي ؛و من قالك انسيني ، وانا و هدومي مرميات غير عبرينا😂😂.
لمار التفتت :امتي جيت؟
احمد:هي دبريلي احترت معاك يالمار،انا اللي نجيك ولا انتِ اللي تجيني؟
لمار: نحطلك اتغداء؟.
احمد:يستر الله ما نسمم
لمار بستفراز: لو تبي تسمم را سممت  من لما طيبت وانتِ مريض😘.
احمد: عليك استفزاز واحد يكره يبصر معاك
لمار وكأني طرشه و حطيت التباسي وقعمزت وبديت ناكل
احمد:عليك معامله كلاب
لمار وهي تأكل: احمد ربك انك في حوش علي اقل مش في شارع😙.
احمد حاول يتجنب كلام لمار : لنقانك ابدعتي في  بشاميل خيال بكل سلم يديك♥️.
لمار ابتسمت: اليوم نطلعوا نشرو شوي حاجات للحوش ونبي نعزم عميمة والبنات شنو رأيك؟.
احمد فرح:تمام علي خمسه نطلعوا.
لمار :اخر طلب.
احمد يضحك: يوم طلبات عالمي اطلبي 😂😂.
لمار:نعدو لماما
احمد :تعرفي اخر مره عدينا كيف طلعتي عليا و مابيتش تحكيلي شنو قالتلك ،ومرضتي مزالتي تبي تعدي؟
لمار: هذي امي تلزني وتضربني وتعيط عليا و نردلها لانه الواحد مرجعة لاهله والحضن امه.