مابعد الكسر الا جبر💗💎

بارت إضافي

بارت إضافي من ماضي🌱✨.

.

.

.

يوسف>>

كنت صغير مابين عيلتي واختفت في لمحه بصر ، كان باتي مابين عمتي جيهان وتهاني ومشاكلهن ,قرارت امي تسافر وتأخذني معاها بحكم هي اجنبية و مابين مشاكلهم قرارت تزور هلها وكانت حامل بيا ونولدت في كندا وحصلت جنسية ، بس بعدها ردوا لبعضهم وكثرن المشاكل بعد عمتي تهاني اجوزت ،وامي معش تحملت الوضع وسافرت وخلتني مع باتي بعد ماصار بينهم خلاف عليا .

قعدت مابين حوش باتي ومراته وعمتي جيهان وتهاني، كنت نشوف في امي ظلمتني ونكرها لانه قعدت ملطوط مابين هنا وغادي .

مشاكل و ضغط
تهاني و راجلها
جيهان مابين ومشاكل اختها و راجلها الواعر
باتي الغارق في مشاكل خواته وناسيني انا ومراته،وكانت كويسه معايا بس ما طولتش معانا وطلبت الطلاق كيف امي و عرفت هنا انهن عماتي سبب كل مشاكل لو يسيبن باتي حنعيشو بخير .

بس ما قدرش يسيب خواته لعند ما سلم روحه للي خالقه✨.

وقبل ما نتعود علي حياتي تغيرت من جديد ، وفي لمح البصر،تعودت علي اللي يرخوني رغم تمسكي بالشيء .

عشت عند جيهان بس راجلها قال " مايقعدش في حوشي واحد مش محرم علي بناتي شيليه عند اختك حوش كبير و فاضي لا عندها راجل ولا حد يقيدها وبعد جيهان ردت عليه ضربها كف وعدينا انا وجيهان عند خالتي تهاني بعد حرجت من راجلها ووراجلها خذا منها عويل ، ردت عشان عويلها و تعاركت مع تهاني و معش جتناً نهائي ولعند اليوم مش عارف سبب ،وقعدت عند تهاني وتعلقت بسارة .

.

.

.

سارة& يوسف♥️✨:

سارة:الف مبروك النجاح🥺.
يوسف ابتسم: يبارك فيك ياعمري
سارة:انا سنه جايه شهاده ومزال شهاده ثانوي قصه معش تبي تكمل علي اقل انت توا جامعه
يوسف:القرايا حلوه وبالذات انتِ عندك حلم وشاطره حتسلك صدقيني خلي الامور تمشي حتمشي
سارك ضحكت:انت كل حاجه عندك ساهله عايش في عالم الوردي ،عيش حياتي وبعدها تعال احكي
يوسف:عندك حق.

صكرت من سارة وجتني مكالمة دولية استغربت و رديت
يوسف:الو
هايدي:يوسف انا هايدي وخليك علي خط وعطيني فرصه
يوسف:فرصه شنو؟وبعد كم؟
هايدي:ماتبش تعطيني فرصه بس اقبل مني عرض عشان مستقبلك ياحبيبي
يوسف قعد بدون رد يسمع في عرض امه
هايدي: تجي علي كندا ،وتحصل اللغه وتقرا طيران وتقعد طيار انا عارفه حلمك طفوله ولعبتك قاعده عندي محتفظه بيها وعرفت انك نجحت وهذي فرصه العمر بما ان مافش عندكم تعال وحقق حلم طفولة وكل تكاليف مدفوعه ولو تبي تجيب خالتك وبنتها عادي علي مهم تقعد قريب مني🥺 ، قدامك اسبوع للتسجيل وسفر عطيني قرار في اسبوع هضا.