مابعد الكسر الا جبر💗💎

10.

حلقة العاشرة "حلقة الأخيرة🔥"

.

.

.

لحمدالله نهيت اول عمل ليا بكل حُبّ ، تعلقت بالشخصيات وبكل تفاصيل رواية ، وشكراً علي دعمكن ليا ♥️🫶🏻، اسفه علي اي تأخير  صار بس الظروف كانن عكس رغباتي ، قراءة مُمتعة♥️✨.

.

.

.

يوسف>>

كنت نكرة التجاهل ، و اني نمشي ونسيب واحد بدون جواب علي كلامي بس سارة خلتني نعاملها هكي ، الف فكرة وفكرة في راسي .

خشيت لحوش باتي و كل الافكار جن مع بعضهن ، ذكريات طفولتي ،طلق امي ، طلق زوجة باتي ، وحتي موته.

جبت عمال و بدو صيانه ، و ما كنتش متريح ان معاملتنا تكون هكي ف رنيت عليها وكان صدري ضايق.

سارة : ايوه
يوسف: لعند امتي بنقعدو هكي
سارة : مش انت اللي تبي هكي؟.
يوسف: سارة ما تفهمش الامور علي كيفك انا كنت نراجي في الاعتذار منك او حتي رساله ، مش تعاتبي اخري
سارة :شعفت والله واسفه بس مش قادرة نتقبل الفكرة
يوسف : ولا انا اللي شفتيني من اول وقعت علي ورقه نزلت عندكم وقعدت نشتغل وضاغط روحي مابين عمل و رائد ،وبعد كم وكم عديت نشوف في امي ونهيت كل شيء وتم كل شيء ، و اول مانزلت شفتيني كيف قدامهم خطبتك رسمي كيف م درت لما عديت سافرت .
سارة: باهي انت ماتحبهش وهي؟
يوسف: انا مافش في قلبي بعدك ولا قبلك شنو تبي بعد هكي؟
سارة:نحبك يايوسف
يوسف ابتسم وكان له سنين يراجي في شيء هضا: وانا اكثر

كان اي كلمة تجي من ساره ليوسف كانت تخش قلبه علي طول وينسا ويكمل معاها رغم كل شيء الا يسيبها ويقعد بدونها ♥️.وقعد يوري فيها الاشكال و اتفقو علي الوان حوش وديكور وكانوا محتاجين هالمكالمة اكثر من اي شيء حكو هما الاثنين علي في قلبهم و اللي في خاطرهم ♥️.

"ادعن يابنات يجينا واحد زي يوسف😂♥️😔".

.

.

.

احمد>>

حياتي عبارة عن فوضي فوضي فوضي ، ولما نمشي خطوه نرد عشره ، قعدت نراجي في تغذيه لمار تكمل عشان نروح بيها.

دكتورة: استاذ هذينا الاوراق وتعال بيها بكرا عشان نركبولها تغذيه مره ثانيه ، وهذينا تحاليل .
احمد:منورة ، امتي تكمل تغذيه؟
دكتورة تضحك: ماعندكش صبر ربع ساعه وتطلع
احمد  ابتسم ورد مكانه .

لمار طلعت ، شفتها و جيتها نساند فيها ،صدتني
احمد:مش وقتها يالمار طيحي عليا تفجعيني عليك
لمار بصوت شبه مختفي : حول يا احمد
احمد مسكت وشبه حاضنها ونمشي بيها :بلاش عناد ، وقعدنا ساكتين
ركبت بهدوء للسيارة ، وحطت راسها علي قزاز بدون ما تحكي ، ولعت قران ،وقعدت نسوق وحاط عيني عليها ،وهي تمسح في دموعها بدون ما طلع صوت.