مابعد الكسر الا جبر💗💎

5.

حلقه الخامسة

صلوا علي الرسول✨🫶🏻.

.

.

.

ركبت السيارة قبله ولحقني وخبط الباب بالقوة ووصلنا ولقيت ساكو اسود كبير و عرم شكاير

قعدت نبحت بستغراب هل فعلاً بنسافروا؟.
ونحنا الاثنين ومع بعضناً؟

وقاطع تفكيري وقال وهو متعصب وعروقه يبن يطلعن

احمد:تحاسبي روحك بطروحك هذينا تبيني ننجذب لك؟
مكياج وتهدرزي وتضحكي انتِ حرام فيكِ ضحكة
"وقرب مني ومسك يدي بالقوة"
مافششش وحده تشوه سمعتها عشان تأخذ اللي تبيه تي انتِ ارخص وحده شافتها عيني تي امك انجلطت منك ومن عمايلك اللي يسودن الوجة

"قعد يخبط ويفترش وانا نبحت فيه ببرود".

احمد:ما تبش تردي وتحكي معاكِ حق انا اصلاً اللي يديا في النار "ويقدم عليا ويحط يده علي حنكي"تعرفي لو بس نقدر نطلقك را طلقتك احمدي ربك في حد جابرني عليكِ وانا مسافر واعتبري روحك مسافره معايا نغيب اسبوع ثلاثه ماترنش ولا تفكري تطلعي من شقه.

وعدا وقعد يلم في دبشه وكسر كم كبايه وطلع وصكر باب بقوة وانا ما هزش في راسي شعره ولا شعرت بألم يدي وحنكي
عديت للمرايا شفت يدي و حنكي ملطعات مادرتش اي رد فعل خشيت و استلمت للنوم بدبشي.

.

.

.
عند يوسف وصاحبة رائد

رائد:تي وينك ليا يومين ماشفتش وجهك ولا ترن ولا شيء لو تخطب شنو دير فينا
يوسف يضحك:يا نعنجد تفكيرك بكل
رائد:شنجو عرب كندا😉.
يوسف:خرفي
رائد:امر واقع يا برو ماعندك عليش ترقالك وخالتك تعرف وشوف نصيب انت اسبوعين شهر حتسافر عشان تنهي موضوعك وتريح نهائي وتعيش حياتك و بلكي نصيبكم في بعضكم
يوسف:يارائد فوت موضوع لنقانه رقيتلي ونحس في روحي مضايق وحتي ظلمت روحي واجد وحتي قبل ما نظلم رندة وسارة
رائد:موضوع واعر يا صاحبي و ربي حيعوضك خير
يوسف:توصي بشيء؟
رائد:بايت عند خالتك؟
يوسف:اها وحتي نحكي معاها علي موضوعي في هاليومين و ربي يستر

.

.

.

في دولة مصر بالتحديد شرم الشيخ

عند احمد من بعد ما وصلوا لوجهتهم في سفر

احمد:تي خلاص امورنا لوز
صاحبة عدنان:حمد الله علي سلامتنا،تي اول مره تمشي معاناً هكي
احمد يعيط من فرحته:وووووه حاس روحي بنطير
عدنان:خوذ اجبد وانسي الهم واستمتع ياغالي
احمد بتوتر وخوف ان بوه يزرق عليه كيف كل مره بس كسر الخوف وخذا منه وقعدوا في عالم زمردة😂💗💭.

عدنان رفيق سؤ وولد عائلة مرموقه و عايش حياته بطول والعرض و غارق في الحرام من ساسه لراسه وكان بتاع تزوير وتهريب وبيع مخَـ*ـدرات وبعد بات احمد فطن للموضوع ان ولده خش في حاجات زي هكي شغله معاه في شغل
واحمد خسر كم مره باته في سوق وطيح بسطول باته ،
و باته اهم شيء سمعته في سوق طلقه وقاله اللي تبي اديره ديره اهم شيء بعيد علي شغلي وللمره الف بات احمد يختار شغله علي عيلته🙆‍♀️.