مابعد الكسر الا جبر💗💎

9.

حلقه التاسعة🌱✨.

.

.

.

اسفه جداً جداً علي تأخير😢🫶🏻.

.

.

.

اول ما ضي طلع ، احمد بدون مايرقد ولا يذوق طعم النوم ،ركب سيارته بتجاه المكان الوحيد الممكن يأخذ منه اجابه ، و اول شيء جاء في باله مكان عمل فريحة، وقعد يراجي ،و مرجاته علي فاضي لانها كانت ساعه سته ،قعد يراقب لعند ما قعدو يجو مواظفين ،و أول ماشاف سيارة راجل فريحة ،استعد ان ينزل اول مايعدي معتز اللي كان يعرفه كويس من كلام لمار وسارة عليه.

اول ما خشت نزلت وشفتها تحكي مع موظفات واستلمت رشيبشن ،رديت ولحقت معتز عدا لحوش هله وسلم علي بوه وخش وبعدها عدا مكان عمله.

بعد عرفت مكان عمله ، هديت علي مكان عمل فريحة.

فريحه هي و مطبسه:صباح الخير تفضل يا استاذ
احمد:صباح الانوار
فريحة رفعت راسها عشان كانت تعرف صاحب صوت زين:احمد!!!!.
احمد:سؤال واحد ونمشي
فريحه:احمد اطلع خير مانكلم امن
احمد:سؤال واحد يافريحة خير ما نكلم معتز ويحضر معانا نقاشنا لحقته لعند مكان عمله وحوش هله وهو توا في شغل ولبس بلوزة رصاصية بالابيض ، تخشي معايا للمكتب بالين ولا تعرفيني انا كيف هبل؟.
فريحة خذت مكتب صحبتها واستلمت مكانها صاحبتها لعند ماتجي فريحة :احكي بسرعه خير مايلزني المدير
احمد:شنو تعرفي خالدة؟
فريحة انصدمت:مانعرفهش
احمد يحكي وشاد علي سنونه:خالدة شنو تعرفيها
فريحة خافت من شكله وكان ناوي مشكلة:قصهه قديمه يا احمد و درت هكي عشان ساره
احمد:احكي كيف خلق ربي ، ما تستفزينش
فريحه تحكي بخوف:نحكي بس معش تجي هنا
احمد:احكيبييي يافريحه احكي
فريحة تنهدت:سارة كانت شاكة انك تخون فيها قبل ما تنخطبو، ، عرفت ان خالدة تحبك عن طريق مروة ،وكانت مروة تحكي بنيه صافيه وجرتها في كلام  وقالت ان خالده تحبك, وانت لا ،وثانيه انها تقرا طب كانت مروة تبعد في شبه عن خالده بس لبزت دنيا ،و سارة عرفت هنا في الاثنين مش وحده ، وحبت تخبطهن في بعضهن ،وقدرنا نوصلوا في خالدة ،وسارة خلتني نتواصل معاها و خالدة محوتك ما اقتنعت وبعدها تقابلت هي و سارة.

سارة:معش نبي احمد ، بس نبي نأخذ حقي منه.
خالدة:وشنو دخني انا ، جربت حظي وسدني
سارة:بدون غباء واستغباء عليا عارفه حركاتك زين وكيف خربتي بينهم قبل مايعرفني و توا نبي نفس طريقه انتِ بنت و تعرفي بعد تنجرحي كيف تحسي ياخالده خلينا نديرو فيه زي ما يدير فينا واسمعيني كويس  ،"واتفقن"، وفعلاً خالدة خربت بين لمار واحمد "و خالدة كانت تعرف لمار عن طريق النت ولمحتها مع احمد و لما احمد ما عطش وجه لخالدة خشت علي لمار وخربت بينهم و ردوا من جديد ، فـ بسهولة خالدة خربت الوضع بينهم مرة ثانيه لما اتفقت مع سارة "، وصفت الساحة لسارة و مش معروف شنصار بعدها .