အိမ်ပြန်ရောက်တော့ ရေချိုးအဝတ်စားလဲကာ လေးလံနေသော ခန္ဓာကိုယ်တစ်ခုလုံးကိုအိပ်ယာပေါ်ပစ်လှဲလိုက်သည်။
ဒီနေ့ ဘောမ်ဂယူတော်တော်အာရုံနောက်ခဲ့ရသည်မဟုတ်လား...
ရုတ်တရက်ကြီးပြောင်းလဲသွားသည့်ကောင်က ဘာတွေကြံစည်နေပြန်တယ်မသိ
ဒီကောင်နဲ့ကဘယ်နှစ်ဘဝကရန်ကြွေးလဲ
ဘောမ်ဂယူကိုယ်တိုင်မသိတော့
ဟူးးး
သက်ပြင်းရှည်ကြီးချကာ အိပ်ယာပေါ်မှထပြီး ငယ်ငယ်က ကစားစရာတွေသိမ်းထားသည့်ဗီရိုလေးနားသို့သွားလိုက်သည်။
ထိုနောက် ထိုဗီရိုလေးထဲမှ ဘောမ်ဂယူငယ်ငယ်တုန်းက အာပါး LAကပြန်လာတုန်းက လက်ဆောင်ဝယ်လာတဲ့ ကားလေးကိုထုတ်ကြည့်လိုက်မိသည်။
ထိုကားလေးရဲ့ ရှေ့ပိုင်းမှာ အနည်းငယ်ပိန်လို့
မီးသီးလေးတစ်ဖက်ပင်ပြုတ်လို့နေပြီဖြစ်သည်။
ကားလေးဒီလိုဖြစ်သွားရတဲ့အကြောင်းအရင်း တစ်ခြားသူတော့မဟုတ် ချွဲယောန်ဂျွန်ပင်
ငယ်ငယ်ကတည်းက မိဘများခင်မင်သလို ဘောမ်ဂယူ ထယ်ဟျွန်း ပြီးတော့ ယောန်ဂျွန်တို့က ကစားဖော်ကစားဖက်တွေသာဖြစ်သည်။
ငယ်ငယ်ကတည်း အသေရန်ဖြစ်ကြပေမယ့်
ယောန်ဂျွန်ကပဲ ဘောမ်ဂယူကိုအလျှော့ပေးနေကျ
သို့သော်ထိုနေ့က ဘောမ်ဂယူကားလေးကိုဆော့ချင်တာရော ကလေးဆိုတော့ကြွားချင်စောနဲ့ပါ ထုတ်လာခဲ့မိသည်။
" ဟေ့ကောင်တွေ ငါ့အာပါး ဝယ်ပေးတဲ့ကား လှတယ်မို့လား ?"
ဘောမ်ဂယူလက်ထဲက ကားလေးကိုမြင်တော့ သဲတွေနဲ့ကုန်းဆော့နေတဲ့ ယောန်ဂျွန်ရော ထယ်ဟျွန်းပါ မော့ကြည့်ကာ မျက်လုံးများဗလင်းဗလင်း ဖြစ်လို့သွားကြ၏။
"ငါကိုင်ကြည့်ချင်တယ် "
ယောန်ဂျွန်ဆီက အသံလေးဦးစွာထွက်လာ၏။
ဂန်ထယ်ဟျွန်းတို့ကတော့ ဆော့ချင်ပေမယ့် ဆရာကြီးစတိုင်နဲ့ အထာကိုင်တုန်း
"No, ငါ့အာပါးဝယ်ပေးတာ ....ငါပဲကိုင်မယ်"
"ဘောမ်ဂယူကလည်း ခဏပြပါဆို"
YOU ARE READING
LOVE FIGHT
Short Storyချွဲယောန်ဂျွန်ဆိုတာ အမြဲတမ်းငါ့ရဲ့ပြိုင်ဘက်ပဲ သူ့ကိုငါအမြဲနိုင်ရမယ်....
