ظلام ، الشُرطة مُحاوطة المكان، ازدحام سيارات ، بر ، برد ، مطر ، صُراخ النساء ، دُموع الجد صالح ، صَدمة عقّاب والجدة منيرة ، أُنثى عالقة بالسيارة وصراخِها يُليّن الحجر من قُوته ، دِماء عَمها اللذي لفظ انفاسهُ الاخيرة بعد اشتعال النِيران بسيارته وبأثرها تم وفاة : "وجود بنت صالح " "سالم بن محمد " .
هذهِ الذكرى الشنيعة التي لازالت عالقة في ذهن الجد صالح اللذي كان شاهداً على الحادث ، وعالقة في ذهن عقّاب الذي كان المُتعلق بأبيه ، ولكن كان قدر الله اقوى .
تنهد الجد صالح وقال بدموعٍ تنهمر : الله يرحمكم ويجمعني فيكم .
دخلت الجدة منيرة وهي عارفه انه تذكر بنته واخوه وهي مو اقل منه : لا تعترض على حكم الله ي صالح ، كلنا بنموت يابعد هالروح ، لا تعترض على حكم ربك !
الجد صالح : ما اعترضت على حكم ربي لكن انا مشتاق لاخوي ومشتاق لبنتي الي م كان على فرحّها الا يومين راحت فلذة كبدي وراح رفيق عمري
الجدة منيرة الي بدت الغصه تجرحها بحلقها من تذكرت بنتها : تعوذ من ابليس وصل ركعتين ، والله اني مشتاقة لبنتي كثر شوقك لها ، لكن لو الدموع تفيد وترجع الميت كان بكينا كلنا عشان يرجعون ، هم الحين م يبون منك الا الدُعاء والرحمة .
الجد صالح : ابشري يانظر عيني
الجدة منيرة : اي وترا سعيد بن ظافر " خوي الجد صالح " ينتظرك برا لا تطول عليه .
طلعت والجد غسل وجهه وتعوذ من الشيطان وطلع مع خوية الي يعتبره اخوه سالم من قوة صداقتهم ببعض .
•
[ بيت خالد بن صالح ] :
خالد : سلطان جعلك معادني بقايل قم قم صل وتوجه لدوامك
لكن م فيه اي ردة فعل من سلطان الي بسابع نومه
خالد : مايبي له الا العقال .
وفعلاً توجه غرفته وجاب العقال ومحط سلطان الي فز من نومته متوجع ومنفجع بنفس الوقت
سلطان : علامك يُبه عسى م شر ؟
خالد : مابه شر ولا شي قم صل وروّح لدوامك
سلطان : بس ذي ؟
خالد : ايه اجل تبي تهز مصري ؟
سلطان الي بدأ يردد اغنية " حلاوة روح " ويهز :
أنا اللي كان شاغلني، واللي كان ألمني
إديتهم كل حاجة وهما استغنوا عني
وهما استغنوا عني +٣
بكرة الأيام تبين، من قاسي ومن حِنيّن
ماكمل الاغنيه الا وعقال ابوه متوسط ظهره وصرخ ابوه عليه : ياقليل الدين تغني وتهز اجل رح لا بارك الله فيك من ولد .
وطلع خالد من غرفه سلطان وشاف أنهار جالسه بالصاله وبدر مقابلها : هلا هلا بقلبي وبعيوني ، صح النوم يبنيّتي ، صليتي ؟
أنهار : هلا فيك يروحي انت ، وصح بدنك ، وعشان م تهاوشني زي سلطان صليت وضبطت لك القهوة الي تحبها ي اطلق أبو بالدنيا
خالد وهو موجه الكلام لبدر : لو ان ذريتي بنات ابرك منكم ي قليلين الدين والعقل .
بدر : شدعوه بعتني انا وسلطان عشان ام شوشة ذي ؟
خالد : اقول والله ي مقابلها انه احسن من مقابل وجيهكم .
بدر وهو يكش بوجه أنهار : م اقول الا مالت عليك سارقه ابوي مننا .
سلطان وهو طالع من دورة المياه وهو يكش بوجه أنهار مره ثانيه : مالت عليك مره ثانيه .
خالد : اقول ي أنهار اتركيك منهم ذولا المهبّل ، كيف دراستك ؟
أنهار : الحمدلله حلوه وماشية واختباراتي كلها حلوه الحمدلله
خالد : هذي العلوم اللي تسر الخاطر
أنهار : يُبه برسل لك اشياء جيبها معاك وانت جاي نصها من المكتبه ونصها من السوبر ماركت
خالد : لو تبين عيوني عطيتك ياها
أنهار : احبك ي افضل أبو بالدنيا
خالد : يلا انتبهي لنفسك ، وانتو " أشر ع بدر وسلطان " كلن على شغله مفهوم ؟
سلطان وبدر بوقت واحد : ابشر
طلع خالد ولحقوا ابوهم بدقايق .
طلعت أنهار لغرفتها تكلم وجدان
أنهار : وجداني كيفك اليوم ؟
وجدان : الحمدلله بخير وانتي كيفك ؟
أنهار : دوم يارب ، انا بخير مدامك طيبة
وجدان : تدومين لي وعساها دايمه يارب
أنهار : ولي ، اقول شرايك تجين بيت جدي صالح وننادي فيّ ورهف " اعز خوياتهم "
وجدان : تم تبين اجيب معاي شي ؟
أنهار : جيبي مفرحات وانا بضبط الجلسه ورا حوش جدي وبسوي معاي الفطاير الي تحبينها ، وفيّ ورهف قالو بيجيبون معاهم حلا وموالح ، ومنها نجلس الين اليل مدام فيه عزيمه صغيره عند جدي
وجدان : يلا اجل انا بقفل وبجهز الاغراض الي بجيبها وبجيب كم لبسه وننام عند جدي
أنهار : تمام ، انتبهي لنفسك يروحي
وجدان : من عيوني وانتِ بعد
أنهار : باي
راحت أنهار تجهز لها كم لبسه بحكم انها رايحه عند جدها وبتنام عندهم هي ووجدان ليومين ، وجهزت الاغراض الي بتجيبها وبتبدأ تسوي الفطاير .
•
[ بيت ثنيان بن صالح ] :
قفلت وجدان من أنهار واول م قامت دخلت امها معصبه عليها : وين تبين تروحين ؟
وجدان : بروح عند جدي وبنام عندهم ، وترا عند جدي صالح عزيمة وقال نروح كلنا ، وش رايك يجنتي ؟
لطيفة : اقول اقطعي واخسي وروحه والله م تروحين ! اجل تخططين من وراي عشان أنهاروه ؟ روحه مافيه مفهوم ؟
ثنيان كان يسمع كل شي وكان يعرف بمدى كُره لطيفه لأنهار وبنبرة حادة فيها غضب : وجدان حبيبي جهزي اغراضك وبنمر السوبر ماركت عشان تاخذين الي تبينه ، وانتي يالطيفة تبين تروحين حياك الله م تبين هذا بيتك معززه مكرمه فيه مفهوم ؟
لطيفة الي سوت نفسها م قالت شي وعطته نبرة البريئه : م قلت شي طيب تبي تروح لبنت عمها تروح وترجع ونومه م تنام اخاف عليها من عقاب " عقاب يعيش عند عمه صالح "
ثنيان بغضب : اقول انكتمي بس انا الامر الناهي بالبيت والي اقوله يمشي طرق
وجدان بخوف من عصبيه ابوها : ابوي ياروحي خلاص انتهى الموضوع لا تعصب عشاني
ثنيان الي هدأ وعشانه م يرفض لبنته طلب : يلا ي امي انتي خلصي انا انتظرك برا
وجدان : تمام يعيوني .
طلع ثنيان الي يغلي من العصبيه بسبب لطيفة ، دخل غرفه مشعل البارده : يمال الوجع وش ذي الغرفه
طفى المكيف الي كان بارد مره وقام يصحيه : مشعل قم يولد علامك نايم بذا البرد ؟ يولدي لا تمرض
مشعل : ابشر يبه من عيوني هذاني قمت
ثنيان : يلا وانزل تحت وافطر
مشعل : بلحقك يايبه
طلع ثنيان ورجع ينام مشعل وقام مخروش من صرخه ابوه بأسمه : مششششععللللللل جعلك الجدري
مشعل : لبيه لبيه هذاني البس ثوبي
ولا اخذ ثانيتين الا وهو نازل بأدب عند ابوه : سلام عليكم
لطيفة وثنيان ووجدان بصوت واحد : وعليكم السلام
مشعل : يمه باقي فيه فطور ؟
لطيفة : ايه فيه روح افطر
مشعل : تم
ثنيان : يلا ي وجدان لا نتأخر وانتي " اشر على لطيفة " تبين تجين العزيمه خلي مشعل يجيبك .
لطيفة م ردت وهي تستحقر ثنيان ووجدان
ركبت وجدان السياره ونطق ثنيان : وجدان ي امي انتي زعلتك بكلامها ولا ضايقتك ؟
وجدان : يايُبه يابعد روحي انت م عليك تعودت على كلامها ، مدامك معي تجبرني معاد ابي من الدنيا شي
ثنيان : طيب كم بتجلسين عند جدك ؟
وجدان : بجلس انا وأنهار يومين او ثلاثه
ثنيان : تمام يعيوني انتبهي لنفسك والحين انزلي وخذي الي تبينه وهاك الصرافه وانا بنتظرك
نزلت وجدان ولا اخذت ١٠ دقايق الا وهي مخلصه من السوبر ماركت : الله لا يهينك ي افضل ابو
ثنيان : ولا انتي ي امي ، واذا بغيتو شي دقي علي
وجدان : من عيوني
م اخذو وقت طويل عشان يوصلون بيت الجد صالح لانه قريب منهم : يلا ي يُبه انتبه لنفسك واحبك " ارسلت له بوسه بالهوا "
ضحك ثنيان : ابشري ياجنتي ابشري
ابتسمت وجدان ونزلت ولقيّت أنهار موجوده هي ورهف وفيّ وقالت : هااااي بنوتات م وحشتكم ؟
كلهم قامو يحضنونها وكلهم مشتاقين لبعض ، واخذو اخبار بعض ونطقت بعدها فيّ : تدرون ي بنات ان مسعده " بنت من بنات الحاره " متوعده في طيف " برضو من بنات الحاره والعدو اللدود لمسعده " شرقت وجدان بالقهوه وقالت بضحكه : وش مسويه طيف عشان تتوعد فيها ؟
فيّ : ف اليوم الي قبله قامو يجارون بعضهم بالكلام واشتد بينهم الكلام وتضاربو ولولا عقاب الي قام وفك بينهم كان طيف ميته
أنهار : يحليله عقاب دايم امام الامر الواقع
رهف : بس ي بنات ضحك عيال الحاره من مسعده يوم قامت ومسكت راس عقاب ولصقته بالجدار [ مسعده العضل حق الحاره وتعامل العباية معامله بشت ]
وجدان الي شوي وتموت من الضحك : تخيلت عقاب وهو بين يدينها تصفقه
رهف وفيّ وأنهار : ههههههههههههههههههههههههههههههههههههههههههههههههههههههه
وعقاب الي كان يسمع كل شي نطق : عقبال م تصفقك واتخيلك بين يدينها وانتي متصفقه عشان تتمنين ان عقاب يفك فيكم
وجدان الي عم السكوت فيهم هي وانهار ورهف وفيّ ووجه وجدان الي من كثر الاحمرار تحس بالحَر وهو برد اساساً وهي م صدقت على الله انه يطلع 🤣
دخلت الجدة منيرة عليهم : يامرحباً ببناتي مرحباً بفلذة كبدي
قامو وهم مشتاقين لها كلهم وحضنوها
الجدة منيرة : ياجعني م افقدكم يابعد دنيتي انتو
كلهم حبو فوق راسها وقالت وجدان : كيفك ياجدة وكيف جدي ؟
الجدة منيرة : بخير الحمد لله كلنا طيبين ي امي انتي انتو كيفكم وكيف امهاتكم
كلهم نطقو بـ : بخير الحمدلله
قامت الجدة منيرة وقالت : اذا خلصتو الحقوني المطبخ عشان نبدأ ونخلص بوقت قياسي ، وانتي ي رهف روحي لامك وقولي لها منيرة تقول تجين للعشاء
رهف : ابشري ي جده
دخلت الجدة منيرة المطبخ ولحقوها وجدان وفيّ وأنهار .
•
