تسريعاً للاحداث ، بعدَ مُضيّ اسبوعاً كاملاً :
١: المهمه في خطر ، كُلما خططوا لشيء فشلت خُطتهم ، ويبحثون عن الخائن .
٢: وداد هربت خارج المملكة بِصفّتها هاربه ولاجئه ، واهلها تبرؤا منها ، وبكذا انتهت قصتنا مع وداد .
٣: ساره والبنات قاعدين يتحهزون للزواج الي بيصير يوم الخميس برفقة عمهم ضاري .
٤: مؤيد دخل بحالة اكتئاب حاد نتيجة خطبته من بنت عمه ، لذلك اضطروا تأجيل الملكة والزواج لحتى يتحسن .
٥: طارق وهادي مشتغلين على عقاب وبدر مقالب لا نهائيه .
٦: الجد صالح والجدة منيره ووجدان وعقاب عايشين اوقات جميلة وصُدف غريبة .
٧: ثنيان ولطيفة متهاوشين للان ، ومشعل بغرفته ولا طلع منها من وقت الهوشة .
٨: خالد مدلع فرح وانهار اخر دلع وساحب ع بدر .
٩ : بدر عايش احلى ايامه مع ساره الي بدت تتجرأ عليه وتمون معه .
١٠: واخيراً فيّ الي مشتاقه لسلطان ، ورهف الي مبتلشه بالاختبارات .
._______.
[المهمة ]:
العم سعيد بعصبية : ابي افهم كيفففف كييييف ؟؟؟؟؟
ذيب : يارجال هد نفسك الخطة ذي بدالها مليار خطه
خميس : يارجل استهدي بالله م يصير !
ذيب : وش الي م يصير ؟ انت صاحي
العم سعيد : ذيب وخميس رجاءً اسكتوا
خميس : بنمسكه لا يطق فيك عرق
ذيب والعم سعيد وسلطان عطوه بومباستك سايد اي ، قمط خميس وجلس ع الكرسي
العم سعيد بغضب : سلطان
سلطان الي كان مدنق راسه ورفعه : سم طال عمرك
العم سعيد : تدور لي الخائن وتطلعه لي خلال يومين فاهم؟
سلطان : ابشر طال عمرك
خميس : طيب عطني المهمه ي سعيد خلني اتولاها
العم سعيد : شكله ي خميس شكله بس لو بعطيها لغيري بعطيها لسلطان
خميس : براحتك
العم سعيد اشر بيده ع الباب : خلاص تفضلو
دقو تحية وطلعو بدون اي كلمة .
[الخائن ] :
بعد رُبع ساعه طلع الخائن من مقر العمل واختبئ خلف احد الكتائب ، كان مذعور لو احد يدري فيه الفصل من الوظيفة والسجن من 5 الى 6 سنوات اذا دس الدسائس للدولة المعادية او التواصل معها مباشرةً للاستيلاء على خيرات الوطن ، كان بيده خشبه ويرسم بالارض من التوتر واردف بعدها
..:يقول ذيب بدال الخطة مليار خطة ولا تضيق بالك
..:ههههه مشكور وبنشوف وش تاليتها معاهم
..بخوف: هذي اخر مهمه تسلمني اياها بعدين تعطيني فلوسي وتتركني بحالي
..:طيب طيب ماقلنا شي بنعطيك فلوسك .
..: مع السلامه .
سلطان وسند وجارالله حسو بحركة غريبة وخربشة ورا الكتيبة ، مشوا للمكان بدون ان يُصّدرو صوت ولقوا هالشخص الخائن امامهم ، صُعقوا وصُدموا م توقعوا ولا واحد بالمئة ان يكون هو ذلك الشخص !
صُعق جارالله ولا توقع 1% انه يكون هذا الشخص ، التفت سند عليه بصدمة وجارالله نفس الشي ، دنق جارالله راسه ودخل يدينه بجيوبه والتفت على سلطان ، حس بجارالله وتكلم بهدوء : واخيراً كشفتك بربع ساعه
..: تكفى يا سلطان نخيتك لا تعلم احد
سلطان بنفس الهدوء : تفضل قدامي لو سمحت
..: سلطان سن....
سلطان بعصبية : تفضل معي رجاءً
استسلم الخائن للامر الواقع ، ربطه سند عشان م يحاول الافلات وغطى راسه ووجهه بقماش اسود اللون ، مسكه جارالله من يد وهو لا زال بنفس الصدمه وسند من يد لعدم افلاته من بين يديهم ، طلب سلطان الدخول لاسباب مهمة للعم سعيد .
سلطان بعد م استراح : سلام عليكم ياطويل العمر
العم سعيد بشك : وعليكم السلام ، امرني ياسلطان؟
سلطان : احب اقولك اني لقيت الخائن بربع ساعة فقط
العم سعيد وقف بفرحة : وشووو ! انت صادق؟
سلطان ببتسامه : اي والله
العم سعيد : من هو ؟
سلطان يصّوت على سند : ياااسند ياجارالله ادخلو به
دخلو سند وجارالله وهم مربطينه ومغطين راسه ورموه على الارض وضربوا التحية للعم سعيد ، العم سعيد : استرح ياعسكري .
استراح سند واردف : حاب تشوفه ولا ؟
العم سعيد : لحظة بس اتصل على ذيب وخميس يجيون
سند ابتسم : خذ راحتك
العم سعيد : الو ، ذيب تعال بسرعه فيه شي ضروري
ذيب : امرك
حاول يدق على خميس بس م يرد ابداً
دخل ذيب وهو يتنفس بسرعه من الركض وضرب تحيه للعم سعيد : استرح
استراح ذيب وجلس يناظر في الي طايح بالارض ومربط وعلى وجهه قماشه سوداء ، أردف بأستغراب : وش العلم ومن ذا ؟
العم سعيد ببتسامه : هذا الخاين ، سند وخر عن وجهه القماش
سند : سم
انصدموا العم سعيد وذيب من الي امامهم ! مستحيل يكون هو اكيد سلطان غلطان !
من هول الصدمة التفت العم سعيد على ذيب الي رافع يدينه فوق راسه بصدمه !
العم سعيد : انت ؟
خميس مسوي نفسه قوي عشان لا يبين خوفه : الله الله
ذيب مازال بنفس الصدمه : سلطان يُبه انت متاكد منه ؟
سلطان : لو م كنت متاكد م جبته هنا حتى لقيت له مكالمات دوليه وصور مهمه للمخططات وادله تثبت انه هو
العم سعيد بعصبية : سند
سند : سم طال عمرك
العم سعيد : الكل يجي بالساحة الااااان
سند : ابشر ابشر
دق سند تحية وطلع يجمع الكل ، بداو الجنود بالاصطفاف ، خرج العم سعيد وذيب وسلطان ، الكل ضربو لهم تحية اردف العم سعيد : استرح ياعسكري .
التفت لسند يجيب خميس من مكتبه ، جاء سند وجاب خميس ، واكمل العم سعيد بحدة : بسم الله الرحمن الرحيم والصلاة والسلام على اشرف الانبياء والمرسلين سيدنا محمد عليه افضل الصلاة واتم التسليم ، كما قُلت لكم بالسابق ان اي خائن لهذه المملكة ، او خائن لاسرارها ، او دس الدسائس للدولة المعادية لنا ، سيكون عقابهُ عسيّر ، بعد فشل خُططنا في هذه المهمة تم اكتشاف خائناً بيننا ، اولاً سوف يُجرد من الوظيفة ، ثانياً تعتبر خيانته من الخيانة العظمى لانهُ افشى الاسرار الامنية ، ثالثاً السجن لمدة تصل ٦ سنوات كاملة اذا لم يتم اقامة الحد عليه .
التفت لسند : سند ورنا من يكون هذا الخائن
هز رأسه سند وفك القماش عن وجهه ، الكُل انصدم م توقعو انه خميس ابداً لان خميس له هيبته وله قوته ونفوذه ، اكمل العم سعيد : سيتم الان فك الرِتب وتسليمك للنيابة العامة .
بدأ العم سعيد فك الِرتب من كتفيّه وتجريده من وظيفته ، اكمل العم سعيد : لِمن يُفكر او يَخّطر على باله بخيّانه البلد ، سيكون مصيره مثل مصير خميس واخس .
امر الكل بالانصراف ، حس براحه نفسيه وخف التوتر الي كان محاصره ، وقف بمكانه هو وذيب المعتاد ، جاء ذيب كالعاده بالشاهي وسؤاله هل يضرب تحيه للعم سعيد او لا وبالنهاية ضرب تحيه غصب : السلامو عليكو يجدع ازيك عامل ايه ؟
العم سعيد وهو ياخذ الاكواب منه: وعليكو السلام ورحمه الله وبركاتو ، بخير الحمدلله وانت ازيك يراجل ؟
ذيب : والله*ي* زي منتا شايف بخير ونعمه الحمدلله
العم سعيد بتساؤل : سُرّك مقطوع في مصر ؟
ذيب بنظره جانبيه : ياحبك للتنكيت لو انه مقطوع في مصر كنت بتشوفني اشرب معك شاهي ؟ لا
العم سعيد وهو يرتشف من الشاهي : صادق والله
ذيب فز بسرعه يلعب قزوعي ، شرق العم سعيد من الخرشه : ي هذا الشايب علامك ؟ اصبر طيب تونا ماسكين لنا واحد
ذيب وهو مكمل لعب : قم قم العب معي قزوعي ، لعب الانتصار يرجل
العم سعيد كشر : ماش معاد اعرف له صرت العب عرضه
قام العم سعيد يعرض وذيب يقزوع ، سلطان كان يدور لذيب والعم سعيد يبي يجلس معهم عقب م سحبو عليه جارالله الي متضايق ودافن وجهه بالمخده ويبكي وسند يسمع صوت بكاءه ولا يقدر يسوي شي فكان الحل الوحيد انهم ينامون ، وانفجع من المنظر ثنين يلعبون ف الظلام واحد يعرض وواحد يقزوع ، عرف ذيب لانه متين شوي ويلعب لعبهم المعتاد : سكنهم مساكنهم
انفجع ذيب من صوته وطلع سلا/حه : بسم الله الرحمن الرحيم انت جن ولا انس ؟
سلطان وهو حاط يده على خصره : اختار الي تبيه
ذيب عرف الصوت : سطان ووجع طيرت عقلي
العم سعيد منخرش : زين محد شافنا الا هو ربي سترنا ولا بيقولون وش هذولا المهابيل الي يلعبون تالي الليل مع الجن
ذيب مسك يد العم سعيد : تحسس قلبي شوي ويطلع
العم سعيد : بسم الله عليك
سلطان : ردات فعلكم اوفر سايز اجل لو انها مقالب طارق وولده وش بتسوي ؟
ذيب حاط يده على قلبه : بنجن تقريباً
العم سعيد : سلطان اوفر سايز للملابس صح ؟
سلطان يحك راسه : ادري بس الناس بدو يقولونها استهبال
العم سعيد وذيب : اهاا
سلطان : يلا كملو لعب وانا برقص لكم مصري
ذيب يضخم صوته : استرجل
سلطان انفجع : ذا صوتك ؟
ذيب وهو يرتشف من الشاهي : لا صوت جدي السابع والعشرين
سلطان : اييه الله يرحمه
ذيب حط يدينه على خصره : الحين وشوله جالس مع ضباط ؟
العم سعيد : حضك المخيس
ذيب : وانت صادق والله ، عادي افضفض ؟
سلطان حس انها بتقلب فضفضه متزوجين قرر يروح ينام : عاد انا استاذن منكم وتصبحون على خير
العم سعيد وذيب : والساري في خير
بعد م راح سلطان التفت ذيب للعم سعيد : اي والحين وش نسوي ؟
العم سعيد بسخريه : بعرض وانت قزوع عشان يقفطنا سند وبعده جارالله
ذيب يدعي ويتمتم بكلام م فهمه العم سعيد : شفيك
ذيب : ادعي ربي وش تبي انت ؟
العم سعيد : مب دعاء هذي شعوذه
ذيب عطاه بومباستك سايد اي : الحين ورا م نروح ننام مع خليقه الله ؟
العم سعيد : قم نام انت انا ليلي طويل جداا
ذيب يهز راسه بأسى وقام : شايب عايب ويسهر الله المستعان
العم سعيد بنظره جانبيه : ارحمنا بالله هذاك تقوم على يدينك
ذيب ينفض يدينه : ماقول الا مالت عليك
العم سعيد كشه : وعليك
ذيب : تصبح على خير
العم سعيد : والساري في خير
راح ذيب ينام والعم سعيد يغني بصوته الشجي .
