ابو مؤيد : والله لو اشوفك ميت قدامي من حبها م تزوجتها ! تبيني اظلم بنت الناس عشان حبك ي الفاشل ؟ وانتي ي رنا اكوي ثوبي وثوبه بكره بنروح نخطب طيّبه بنت عمتك
رنا : ابشر يبه
مؤيد الي دارت فيه الدنيا يوم قال ابوه بيخطب طيّبه بنت عمته واغمى عليه ، رنا بالغرفه الثانيه وهي تكوي ملابسهم حست بشي قوي طاح بالارض وراحت ركض تشوف وش هو ، شافت اخوها طايح بالارض ومن الرعب اردفت : يييييبه ييييمه مؤيد مؤيد الحقو........
[ عند سلطان بالسياره ] :
سلطان مرتاح تاره ، وتاره متضايق ، يحبها وهي تحبه ، قام يخطط لزواجهم وكيف بيخطبها وكيف بيكون شكلها وكيف وكيف وكيف ، اسأله كثيره جات بباله بس مالها جواب ، جوابها الايام المقبلات ، عَلّى ع صوت عايض يوسف وقام يغني معه :
طالبك يارب كانه لي حبيب
قربه يااارب يارب البشر
وكان مالي فيه حظ ولا نصيب
عوّض عيوني بشوفه في القَدر .
[ عند عقاب ] :
متضايق وقاعد يتجول بشوارع القرية ، شاف علي جالس لحاله وراح له : سلام عليكم
علي : وعليكم السلام ياهلاا بالقاطع
عقاب : هلا فيك بيبي كيفك
علي : وش بيبي وش تخثردز انت ؟
عقاب : معلينا كيفك
علي : وش يرجال
عقاب : معلينا كيفك
علي : اسالك بالله وشو
عقاب : يارجال على زق لي اسالك ساعه كيفك وسافهني
علي : هههههههههههههههههههههههههههههههههه واخيراً رفعت ضغطك والله الحمدلله بخير وانت شلونك
عقاب : وشو
علي : شلونك انت
عقاب : وش لوني لوني اسمر
علي : يثقل دمك يرجال
عقاب : محسسني حرمه ادري اني رجال
علي : هههههههههههههههههههههههههههههههه
عقاب : يالله حيّه واحشني معاد شفناك
علي : الله يسلمك ، ابد والله اشغال تعرف شرطة عسكرية وكذا
عقاب : الله يوفقك ي رب
علي : امين يارب وانت شكلك بتسحب ع وظيفتك
عقاب : والله ناوي ارجع لهم قبل اتزوج بس للحين م قد لقيت بنت الحلال ؛ ( عقاب بينه وبين نفسه ، ليتك تدري انها معي بنفس البيت صح م تهون علي انت بس جعلك قبلها ) .
علي : الله يوفقك ويرزقك بنت الحلال
عقاب : اميين يارب وياك
علي : شف حسن تصفق من مسعده مردغته تمردغ منها
عقاب : ليه وش سوا لها
علي : مسوي غزل وكذا ويبي يرقمها وقال ياريحه العنبر ممكن النبر !
عقاب : ههههههههههههههههههههههههههههههههه بموتتتتتت وش ذااااا !!
علي : والله اني مثلك منصرع
عقاب : لا تشره ي رجل عمره ٣٩ يبي يشوف له وحده تربيه من جديد
علي : هههههههههههههههههههههههههههههههههه الله يقطع ابليسك
عقاب : م تشوفه يشبر شوارع القرية يبي الناس يتحمدون له بالسلامه ههههههههههههههههههههههه
علي : وربي صادقق بس صارو اهل القرية يدرون بالسالفة فسحبو عليه
عقاب : مريض والله
وتوالت الجلسة من سالفه لسالفه ومن طقطقه على حسن ومسعده لضيقه بعد م يتذكرون سلطان
استاذن عقاب منه وهو راجع حس بحركة ببيت طارق ولا اهتم ، وهو مكمل طريقه انخرش من صراخ البنت القوي الصادر من بيت طارق قام يركض بأقوى م عطاه ربي قوة الين وصل لبيت طارق وانفجع من باب السياره المفتوحه وفيها هادي والبنت الغارقة بدمها بالارض الي هي هيام ، من الخرشه قام عقاب الي راح لهادي وسوا الاسعافات ، وهو يحاول يسوي هالشي م انتبه للي وقف وراه متلثم واطلق ضحكته الرنانه الضحكه الشريره بأذن عقاب واردف بعدها بصوت مُضخم : ياهلا تو م نور بيت طارق
عقاب انلخم ومن الرعب م قدر يلف يشوفه واكمل بعدها هذا الشخص : جُثتين بالحوش وجُثتين داخل ، وشكلك بتكون الجثه الخامسة وبالحوش بعد ، وان لفيت قتلتك معهم سامع ؟
عقاب بخوف : س س سامع
الشخص بضحكة : شاطر
وقف الشخص من بعيد يراقبه يبي يلاقي عليه حركه وحده عشان يطلق عليه ويصير مع الجُثث الباقيه لكن عقاب دخل بحاله هلع وقام يرجف وبدأ يتنفس بقوه ، قام الشخص ورجع لعقاب الي جالس ويرتجف ويحرك براسه يمين يسار مو مستوعب الشي الي قدامه ، اردف الشخص : اقول وراك كذا ؟
التفت عقاب بصدمة وجنون : كيف كذا
الشخص :هههههههههههههههههه هطف قسم بالله
عقاب : ليه قتلتهم ؟ ومن انت ؟
الشخص : يارجل لا تسأل كثير عشان لا تلحقهم
عقاب بفقدان امل : طيب
الشخص : حلو جدا انت مره مؤدب
طلعت تهانيّ وخربت كل المقلب الي سووه بمناداتها لهادي : هادي ي يمه وينك ؟
هادي كشر : يمه شفي خربتي المقلب الي مسوينه بخالي عقاب
تهانيّ : عزتي بس لولد عمي الي طيرتوا عقله
عقاب بحاله ذهول تام منجلط من الي قاعد يشوفه توه مسوي له اسعافات ! وغرقان بدمه ! مافيه نبض اصلاً ! صُعق بمعنى اصح ، قام عقاب ونفض ثوبه من التراب واردف بزعل مبين من صوته : اقول قوم هالمهبوله من الارض لا يقرصها شي
الشخص ( طارق ) : شلونك يعقاب
عقاب بزعل : لو يهمك عرفت
طارق : ههههههههههههههه واضح زعلت مني لكن تراها فكره هادي وهيام
عقاب : يرجال م خليت فيني عظم ولا عقل صاحي الله يسامحكم
هادي حب فوق راسه ونطق بندم: حقك علي ياخال وانا اعتذر منك
عقاب ببتسامه : ياحلوك وانت هاجد ومؤدب و تسمع الكلام
هادي : خلاص ياخي لا تدقها حنك
عقاب بتمثيل للعصبية : ويل امك ويلاه اكبر منك انا بمليون سنه ضوئية وتقول ذا الكلام لي ! ياحيف
طارق : جب القهوه ي هادي وتعال
هادي : تم
طارق : يالله حيه شلونك
عقاب : بخير سلمك الله تو م نورت الديره
طارق : منوره بأهلها
عقاب وهو يأشر على هيام : اقول ذي وراها م قامت شكلها صدق اغمى عليها
هيام قامت وتنفض ملابسها : مستحيه منك الصدق م عرفت كيف اقوم
عقاب مبقق عيونه بصدمه : بسم الله
هيام بخوف : خير شفييهه
عقاب لازال بصدمته : وش ذا الطول كم طولتس انتي ؟
هيام وعيونها مليانه دموع : يشيخ دز امها نفضت ام امي من الخوف
هادي الي جا وهو سامع حوارهم : تدري ان طولها ١٧٠ ؟
عقاب : والله واضح فيها صارت اطول من بدر
طارق : هههههههه بس طول بدر ١٧٨
عقاب : م شاءالله بس وش تاكلين انتي ؟
هيام : الاخضر واليابس
عقاب : اني داري والله من يوم شفت اخوتس يوصل لكوعتس
هادي : القصر مو عيب اهم شي المرجله
عقاب بنظره جانبيه : يرجال انت خل الشنب يخط وجهك بعدين تكلم
هادي : ابشر طال عمرك اي اوامر ثانيه ؟
عقاب : صب قهوه وانت ساكت
هادي : ابشر
طارق : عمي صالح موجود ببيته ؟ واحشني والله
عقاب : الله الله موجود مع سعيد بن ظافر اذا تذكره موجود بالدكه معه
طارق : يالله اجل قمنا نروح لهم
هادي : اقول عقاب
عقاب : همم
هادي : وين سلطان غريبه مب معك ؟
عقاب : راح لمهمة شهرين ويرجع
هادي كشر : لااااااا ليييهه
عقاب :وجع وش ذا الصراخ غصب عنك وعنه يروح
هادي : الله يستر عليه بس
عقاب : هادي وقف
هادي وقف وعقاب اطلق ضحكته الرنانه : طولك ١٤٠ انت ؟؟
هادي : ١٦٠
عقاب : ههههههههههههههههههههههههههههههههه يويلي كنك تريكسي متين وقصير
هادي : اضحك اضحك جعلها بدون سنون
راح هادي وعقاب لا زال يضحك هو وطارق على رده فعل هادي وتنمرهم عليه ، راحو مشي لدكة الجد صالح واخذتهم السواليف الين وصلو لدكة .
*كان معروف عن طارق وعياله التمثيلل ببراعه والمقالب*
