[ عند انهار ووجدان ببيت الجد صالح ] :
أنهار : وجدان
وجدان الي مكشره من ذبات أنهار عليها : نعم
أنهار : نعامه تدب ببطنتس وش نعم المفروض لبيه
وجدان قالت بغنج : لا تحسسيني انتس عقاب حبيب القلب والروح !
أنهار كشرت : وع ياربي اقول عاد لا تخرجتي الحين وش التخصص الي بتدخلينه يالبزر ؟
وجدان : تمريض
أنهار : صدق ؟
وجدان : اي والله تمريض
أنهار كشرت : حسافه كنت ابيتس معي وندخل هندسه صناعية
وجدان : تكفين وع التمريض احلا !
أنهار : براحتس اجل
وجدان : يلا بنام تصبحين على خير
أنهار : وانتي من اهله
طلعت وجدان واتجهت للغرفة ونامت ولحقتها بعد دقايق أنهار وناموا .
[ عند ساره ] :
بعد م رجعت شهد بالمفرحات الي معاها وسوت ساره الجلسة و جلسو جنب بعض وسالفه ورا سالفه والضحك عم بينهم
ساره : احم احم ترا البيرثدي حقي اليوم تعبت وانا المح لكم !
شهد : يليل ذي البزر انا بنام تصبحون على خير
قامت شهد وغمزت لدالين وغدي وليلى يلحقونها .
دالين : وانا بعد
غدي : وانا معاهم باي ساره
ليلى : هابي بيرثدي سوسو
ساره الي شوي وتبكي : كلو كلكم زق حيوانات والبنات ضحكو من تعليقها ودخلو داخل
وراحت ساره تشكي لبدر : تخيل يابدر قالو لي بزر والبيرثدي حقي م يهمهم !
بدر : سارتي ياروح بدر ليش تضيقين على نفسك الحين ؟
ساره : يع قهروني
بدر : طيب اقولك شي ؟
ساره باستغراب : لبيه وش ؟
بدر الي متردد وخااايف : مدري وشلون اقولها لتس لكن والله العظيم اني احبتس وشاريتس ورب الكعبة
ساره الي كانت شوي وعيونها بتطلع من الصدمه : مع السلامه البنات جو
قفلت ساره من غير م يعطيها رد وهي شوي وتموت من الخجل الي محاوطها وخدودها الي كانت حمراء وترتجف !
تعوذت من الشيطان ودخلت لداخل ولا امداها تخطي برجلها البيت الا وتحس بشي يسحبها بقوه لبرا ، أردفت دالين : مصروعه انتي ؟ العيال دخلو كلهم داخل
ساره : وليه م قالو بيجلسون وينامون ف المشب ؟
دالين وهي مرتبكه : معلينا منهم الحين وش تبين ؟
ساره الي بتبكي بأي لحضه : ابي عباتي بروح البيت
دالين : افا كلهم نامو معد باقي الا انا يبنت العم اجلسي بسولف معك
ساره كشرت : يشينكم بس من بنات عم وبنات عمات
دالين : هههههههههههههههههههههههههه لييييه ؟
ساره بنظره جانبيه : كذا
دالين بعد م شافت اشعار شهد انها تجيب ساره : امشي والله ان تقوميييين معي للجلسه
ساره : لانك اكبر مني بس ولا والله م كان قمت
دالين : وش قصدك انا عجوز ؟
ساره : اقول امشي بس انتي وتفكيرك يشيخه
دالين : لنا الله بس
مشو الين وصلو الجلسه بس بطلب من دالين جبرت ساره غصب عنها تغطي عيونها وفعلاً غطتها ويوم وصلو الجلسه فكت عنها غدي الغطا عن عيونها : هابي بيرثدي سوسو ؛ حضنتها غدي وساره بكت م كانت متوقعه ابد
شهد الي حضنتها : اشش وش ذي الدموع
ساره : انتي بذات كلي زق للحين حاقده
شهد : ههههههههههههههههههههههههه بعييير ؟؟
ساره : اي
تركتها شهد وهي ميته ضحك على وجه ساره الاحمر وحضنتها دالين : احبك سوسو والله
ساره : اموتتت فيك
جات ليلى الي معاها بوكيه ورد كبييير لساره وكل الورد لونه وردي : ليلى ليلى ببكي اكثر تكفيييننن
ليلى : كل عام وانتي بألف خير ي اجمل ساره بالحياه
ساره حضنتها ، وبعد الدموع والفرح جاء عبدالله وهذام ( اخو شهد وليلى .١٢. ) : م شاءالله تسوين انتي وياها بيرثديات لساره وانا لا
ساره : اقول هذام ورا م تضف وجهك قبل اقوم عليك ؟
هذام : سويييييره انتي هنااا ؟
ساره : لا منظر اجل ؟
هذام الي جاء وحضنها مصلحه عشان ياكل معهم ويجلس معهم
ساره : خلاص يخوي فكني م صارت ذي والله لو انك زوجي
هذام كشر : مالت بس واحشتني وجاي اضمك شتبين ؟
ساره : هذاموه وخر
هذام الي لصق فيها م يبي يفكها : اخذ معي حضن قبل ارجع الريااااااضضض
ساره : يارب صبر ايوب
وخر هذام بعد م حضن ساره ولا بغى يفكها الين استنجدت ساره بشهد عشان تفك هذام منها ، وبحكم ان هذام يخاف من شهد هرب على طول
ساره : وينك يشيخه من اول احس ضلوعي اوجعتني
شهد : هذا حب هذام والله
ساره : يجنن كبر مره مره
شهد : كبر بلا عقل والله
ساره وليلى وغدي ودالين : ههههههههههههههههههههههههههههههههههههههه
وانتهت جلستهم وكل وحده راحت بيتهم الا شهد وليلى بحكم ان م عندهم بيت في الجنوب فجلسو عند جدتهم .
دخلت فوزية الي مفلله عصبيه : متى جيتي ؟
شهد : امس مع خالتي سعاد استقبلتني بالمطار
فوزية : وليه تجين بدون علمي ؟
شهد : الله واكبر توه يجيك احساس ان عندك بنت ؟ توك ؟
فوزية بحده: انكتمي لا بارك الله فيك من بنت .
