وصية جدي

الفصل الخامس

تعامل المحامي مع صدمتهم بملل لتنظر له هناء والتي كانت اكثرهم صدمه وهي تقول:
" جميله المهدي ...جميله المهدي ولا جميله المهدي مش جميله المهدي؟؟؟؟...بالله عليك قولي جميله المهدي مش جميله المهدي"

قال خالد بتذمر:
"واللهي ابويا دا عنصري ....هو عارف اني نفسي اتجوز "

بينما ليث شعر انه الاسم الذي قرأه في ذالك الملف اخفي صدمته سريعاُ وقال ببرود:
"لي "

استغرب المحامي سؤاله وقال :
"اي"

قال ليث بنفس البرود:
"لي "

قال المحامي:
"لي اي بالظبط... وضح اكتر"

وضع ليث قدم فوق الاخري وقال ببرود:
"لي الوصيه دي... ولي البت دي ....ولي انا اتجوز اصلاً ...ولا يكون كان خايف عليا ..لا كتر خيره"

ابتسم المحامي بسماجه وهو يقول:
"واللهي انا اللي اطلب مني عملته ومليش دعوه بالاسباب ....وحضرتك المفروض تتجوزها تاني يوم تتفتح فيه الوصيه واللي هو بكرا"

قال خالد يغيظ :
" يعم يخربيت برودك ...و متعرفش اسباب ازاي دا انت وهو كنتو ليل نهار في المكتب والشركه مع بعض انا اصلا كنت شاكك فيكو ...ويقولي ميعرفش اسباب ياراجل يا كداب"

لم يتأثر المحامي بكلام خالد اكمل حديثه بجديه:
" جدك فكر كتير في خطوه الوصيه ومش هيجوزك لوحده شمال ولا من عيله مش كويسه ...البت دكتوره وكويسه ومحترمه وبعدين انت هتخسر اي انت ولا متجوز ولا عندك عيال ولا اي حاجه من الحاجات دي ...انا رأي انك تجرب مش يمكن تحبها "

نظر له ليث ببرود وتركهم وذهب الي غرفته بينما هناء كان فمها يكاد ان يصل الي الارض ليقوم يوسف باغلاقه وهو يقول بسخريه:
"اقفلي يا حبيبتي ...في دبان بيلعب جوا"

نظرت له هناء بصدمه وهي تقول:
"طلعت جميله المهدي جميله المهدي ....احيه احيه "

قال المحامي باستغراب:
"انتي تعرفيها"

اومأت له هناء وهي تقول:
" she is my best friend"
ليقول المحامي بملل:
"كويس احسن ما تكوني عمتو الحربوئه"

نظرت له هناء بغضب لينظر لها بسماجه ليسمعو سيف يقول بغباء :
"انا مفهمتش حاجه خالص....ومين جميله الهدهد دي"

صفعه يوسف علي رقبته من الخلف وهو يقول:
"وانت من امتي بتفهم ياسيف"

سمع الجميع المحامي يقول :
"المفروض نروح نتقدملها دلوقتي عشان يتجوزو بكرا ...حد يقول لليث بيه يجهز يالا عشان يروح"

نطق محمد اخيراً بعدما كان يلتزم الصمت:
"بص يا متر خلينا ناخدها بالعقل مين الاب اللي هيرضي يجوز بنته في يوم واحد من غير ميتعرف علي العريس وفتره قرايه فتحه وفتره الخطوبه وبعدها فرح ...دا لو وافقو اصلا ...وكل دا كوم ابوها اكيد مش حيوافق يجوز بنته عشان وصيه وهي كمان مستحيل ...ازاي بقي تقولي توفيق بيه فكر كتير في الموضوع ده هو تقريباً مفكرش وهو بيحط الشرط دا "