وصية جدي

الفصل العاشر

نظرو جميعاً بصدمه للهاتف واردف يوسف بعدم استيعاب :
"مش بنتك ازاي لامؤاخذه امال قعده ليل نهار في بيتك بتعمل اي ورايح جاي معاها في كل حته لي.... اوعي تقولي انها مراتك دا انا هنجلط فيها "

_ مراتي اي ياعيل يا اهبل انت ما لسا قايلك اني انا مش متجوز  ... دُنيا بنت اختي الله يرحمها وبتيجي كل فتره تقعد معايا اسبوع وبتعتبرني زي ابوها وانا بعتبرها زي بنتي ...انا اصلا بنسي انها مش بنتي

اردف يوسف بتساؤل :
" ايوه مين ابوها دلوقتي ولما اعوز اتجوزها اطلبها من مين "

_ابوها يبقي رجب شعبان رمضان

اردف يوسف بنرفزه :
" اي يعم بورعي ما انا حافظ الشهور الهجريه انا عاوز اعرف مين ابوها "

_ يابني اسم ابوها كدا رجب شعبان رمضان اسم من اسماء الله اي هنعترض

ضحك يوسف بشده علي هذا الاسم :
" يعني لو انا اتجوزها وخلفنا عيل هنسموه شوال .....احيه انا هتجوز واحده اسمها دُنيا رجب شعبان رمضان "

اردفت هناء بضحك هي الاخري :
" لا سميه ذي القعده عشان فيه العيد الكبير "

ضحك الجميع بينما اردفت جميله بجديه:
" عيب يا جدعان كدت متتريقوش علي اسم حد دا اسمه تنمر اكيد هي وباباها عندهم عقده وفي ناس كتيره اتريقت علي اسمهم وياريت محدش يتريق علي اسمهم في حضورهم عشان ميديقوش مننا "

_ الاخت اللي بتتكلم دي عندها يابيه ياللي عاوز تتجوز بنت اختي انا مش موافق علي الجوازه دي
جي تتريق علي اسمها من قبل ما تتعرف عليها ...وابوها كمان مش موافق هااا

تكلم يوسف بسرعه:
" خلاص والله انا اسف مش هتريق علي اسمها تاني قولي انت بش ازاي اوصل لأبوها وازاي اخليه يوافق وهكذا "

_ ابوها مستحيل يوافق عليك

اردفت هناء بإستنكار فهي مازالت لا تستلطف هذا الرجل المدعو بورعي:
" لي يا خويا ناقص ايد ولا رجل ولا مش راجل... انا اخويا سيد الرجاله متحطش بوزك في الجوازه بس وهي هتكمل "

_ بعيداً عن الردح واني بتهان بس انا بتكلم بجد جدك ولا كان بيطيق ابوها وابوها اصلاً بيسمع اسم عيليتكو من بعيد بيشيط ... ابوها وجدك اتعاركو مع بعض اكتر ما انا كلت ملوخية اه والله اصل أنا بحب الملوخيه اووي وباكلها ياما المهم انو كمان هو وليث اخوك مش بيستلطفو بعض واقولك علي حاجه كمان ابوها راجل تنك ورخم وهيكرهك في عيشتك خد نصيحتي وفكك من الجوازه دي

اردف جاسر بإستنكار:
" والله يا أخ بورعي لو انت قاصد تبوظ الجوازه مش هتعمل كدا قول كلمه للولا حلوا تبل ريقه ...ولا دا جذاته إنه دخل الباب من بيته "

اردف احمد هو الاخر :
" ايوا كان الاحسن يعمل زي ويدخل الشباك من بيته قصدي البيت من شباكه....يخربيتك لغبتني يا جاسر "