وصية جدي

الفصل الثامن

كان يقف بهيبته امامهم ويقف بجانبه زراعه الايمن عبد الرحمن قال ليث بإبتسامه عذبه وهو ينظر للفريق بتمعن :
" أهلاً ييكم في معسكرنا المتواضع ... احب اقولكو قبل ما نركب الهيليكوبيتر اي حد نايتي هنا وداخل شرطه بستعبط يتفضل يمشي لإن انا خلقي في مناخيري فمش ناقص حد يكون داخل شرطه عشان يعرف يشقط عزه ونرمين تحبه ويغيظ سوسن "

انصدم يوسف وقال بتوتر:
" انت عرفت ...مالكش عليا حلفان انا عاوز اخلص منها عقبال ما تتجوز تاني وبعدين هرجع بيتي معزز مكرم ابوس ايدك متمشنيش قبل ما تتجوز"

اردف ليث بملل:
" ياحمار أنا بدي مثال ...وبالمناسبه انا عايزكم تكونو اذكيه معايا شويه هاا لان مبحبش الغباء نهائي شغلو دماغكم في كل كلمه بتتقال ..ومن وجهه نظري ان شغلنا قايم علي الذكاء لا اللياقه البدنيه ولا المهاره في التصويب ..هو قايم علي الذكاء لما تكون ذكي هتوصل لدماغ عدوك لما تكون ذكي هتكسب عدوك ممكن يكون جسمك زي البرص بس لما بتضرب بتضرب بذكاء فتكسب بذكائك تقدر تربط احداث تركز علي التفاصيل وكدا "

احتضن يوسف سيف الحزين وهو يردف :
" فكك منه متزعلش علفكره الذكاء مش كل حاجه المهم قلبك الابيض ... بقولك مش بتفكر تمشي كفايه انه بقالو تلات ساعات بيلقح عليك واحنا في الاول "

قال خالد بسخرية هو الاخر :
" إحنا معانا واحد جسمه عامل زي البرص وغبي ...دا تستقبلوه ولا بتقتلوه ولا بتعملو معاه اي دا "

نظر لهم سيف بتذمر وقال :
" علفكره انا مش غبي ...انا بس مش لماح ودي مش قضيتنا هما عايزين واحد ذكي "

نظر لهم ليث نظره جعلتهم يخرسون ووعاد بنظره الي الفريق وهو يكمل :
"دلوقتي احنا هنركب الهليكوبتر ونروح الواحات نتدرب هناء ...هبدأ انادي علي الاسماء والي هلي اسمه يدخل الهليكوبتر "

وبالفعل بدأ ليث بمناداة كل شخص بإسمه وبدأ الضباط بركوب الهيليكوبيتر ولكن وقف عند اسم لم يرد عليه احد:
" الانسه عثمت عبد الغني"

نظر للجميع ولم يجد رداً لينظر للورقه مره اخري وابتسم وهو يردف :
" معلش... الاستاذ عثمت عبد الغني يتفضل "

ضحك جميع الجنود وشعر المدعو عثمت بالإحراج:
" انا جولت لأبوي إن اسمي مسببلي مشاكل مصدجنيش "

واتجه بإحراج الي الهليكوبتر وابتسم لليث الذي كان يكتم ضحكته وهو يردف :
" ادخلي يا عثمت ...قصدي ادخل يا عثمت"

ضحك الجميع مره اخري وهذه المره ضحك معهم عثمت وقال :
" شكلك هتاكلني تنمر لأخر المهمه ياباشا "

ابتسم ليث وهو يقول :
" متقوليش كدا يا عثمت واطلعي "

ابتسم عثمت وهو يركب الهليكوبتر وعاد ليث لمناداه باقي الأسامي

نظر جاسر الي يوسف وهو يشير الي الكاميرا المعلقه في رقبه احمد نظر لها يوسف قليلاً بإستغراب وبعدها غمز لجاسر وهو يردف :
" الا قولي يا جاسر انت مش قولتلي قبل كدا ...انا مستحيل البس القميص دا تاني وانك انت لازم تسمع كلام ابوك حتي لو علي حساب حلمك قصدي قميصك الجميل دا رأيك اتغيير بسرعه كدا لي "