مساء الخيــر
بعد رفع الرواية عن ما يُقارب خمس سنوات، معروف أنها كانت بتتعدل فيهم بشكل يناسب كل الفئات العمرية، مع طرح الخطوط العريضة بشكل أنضح فكريًا ومستوى سردي أفضل رغبةً مني.
وعلى أساسه أنا حابة اوضح بعض التفاصيل،
الرواية بشتغل عليها بدون مبالغة سنين عشان تطلع بالنسخة ديه، معدلتش فيها حاجة ولا حذفت بس أضافت الكتير بما يتلائم مع تغيري الفكري، لأن البني آدمة اللي كانت بتكتب من كام سنـة مش هي دلوقتي بكل فكرها ومعتقداتها، يعني طرح الرواية ممكن يستغربه البعض ويقولي كلام على شاكلة أن النسخة القديمة أفضل أو إن رد الفعل مختلف عن زمان ..
مبدئيًا برفض فكر المقارنة، أساسًا هو بجد فيه حد فاكر أحداث القديمة بعد رفعها كل السنين ديه؟ أنا اللي المفروض كتبتها برجع للنسخة القديمة أقرأها وتقريبًا أنا قريتها لحد دلوقتي تلات مرات عشان أفتكر بس الأحداث
يعني يا جماعة الخير من البداية، اللي حابب يشرفني ويعتبر إن اللي قرأه لو لسه فاكره مجرد خربشات أهلًا بيك في رحلة هتمتعك جدًّا
لكن لو لازالت مستمر على التمسك بالأفكار القديمة والله ديه حاجة تخص القاريء ومقدرش ابدي فيها اعتراض، بس مظنش أنه هيحب سيري الجديد بكل بساطة ..
وتجنبًا للمنازعات، مشادات كلامية على المستوى الشخصي مبقتش حملها ولا عندي طاقة لاستيعابها، هرفض أي مقارنة بالقديم
ومش هلتفت ليه بكل صراحة، وهعتبر كأني مقرتوش أبدًا ده عشان أريحكم قبلي ..
وعشان ماحدش يزعل من البداية، أهو كل شيء واضح عشان المشوار في الرواية ديه متحدد سيره من أول فصل بالنسبة ليَّا ومعنديش استعداد أغير حدث واحد أو طريقة طرح في فكرة عشان فئة معندهاش استعداد تدعمني في رغبتي ومصرة تفرض رغبتها على الكاتب
فاللي جاهز، يربط الحزام من أجل الإنطلاق ❤️🥰
أنت تقرأ
أَسِيرَة مَاضَّيِه -قريبًا- -حصريًا-
Roman d'amour-الجُزء الأول- بين التملك والغرام شعرة قطعها! أمتلكها قلبًا وقالبًا بسحرٍ أودعها في سجن مُخملي قبلته هيّ! قدمت نفسها قربانًا لهُ تهوينًا عن ماض كانت أول ضحاياه فـ آسرها.! أولا تعلم أنّ من تقع في غرام السجان لا تطلب فك قيد الغرام؟!
