🔥رواية #ضحية_انتقام🔥
🦋الحلقة الرابعة🦋
🌹Hăbošh🌹للكاتبة
........................ 🌺🌺🌺🌺🌺🌺🌺🌺🌺🌺🌺
وصل للشقة دق ع الباب
ايهم: ااركااان ارركااان ✊🏻✊🏻✊🏻✊🏻✊🏻؛
وخر وخبط الباب بجسمه بالقوة عاود الحركة مرتين لعند كسر القفل و انفتح الباب خش يسرع اينادي عليه..
فتح باب الدار و شبحه طايح ع الارض
ايهم: رفع راسه ضرب ع وجه بخفة؛ ااركان اركان نوض ؛
كان ائن و انفاسه مرتفعة. شده من ذراعيه؛ هيااا اااركان نوووض؛
ساعده مشى بيه لسريره رقده عليه و ريح راسه ع المخدة و مشى لرجليه رفعهم و قعد ايغطي فيه ؛
اركان: برعشة صوت؛ صقععع غطيييني ❄🔥؛
مشى ايهم طلع بطنية من الدولاب وجاء حطها عليه وقعمز بحذا رجليه يمسح عليهم و يشبحله بوجع كيف ائن و يرعش
ايهم: قرب منه ؛ اركان هيا نرفعك المستشفى ؛
هز راسه برفض و كش ضم البطنية و جسمه كله يهتز .
قرب يبي ينهضه
ايهم: بوجع؛ نوض اركان وضعك مش تمام لازم من مستشفى
اركان: بصوت متقطع؛ ززز ز يد غ غ غطيني توااا نقعددد كووويس
ايهم: بغضب؛ علاش العناااد بس؛ خبط ايديه؛ لا حول ولاقوة الابالله مش معقولة نقعد انتفرج عليك وانت بهالحالة؛
تنهد بضيق ومشى خذا بطنية زاد غطاه و طلع المطبخ خذا صحن فيه مية و حط عليه ثلج و خذا فوطة ورجع لدار حط الصحن ع الكومدينو و قعمز بطرف السرير بلل الفوطة عصرها كويس وحطها على جبينه و رجع عاود بللها ورجع حطها
و اركان ايزيد ينفض و يرعش..
خذا وقت طويل باش نزلت حرارته ونفسه اهدي اشوية
نحى الفوطة ولمس جبينه
ايهم: بتنهيدة؛ اااالحمدلله ؛
مسح على شعره و يشبحله بوجع💔 و اركان راقد بالنوم و الدموع تنزل من اطراف عينه
قعد بحذاه لصبح و كل ما ترقى حرارته ايديرله كمدات ثلج
بعد وقت اغفي ايهم و هو امقعمز و مستند ع لوح السرير
ساعة ثمانية
اركان: ايحرك في راسه و ايهلوس؛ وووين مااااشية جوووود اااستني. جوووود جووووود لاااااا؛
نقز ايهم بفزع و شبح لخوه كيف ايتحرك ويهلوس بنومه..
ايهم: شده بتثبيت؛ ااركاااااان ااركااان ؛
اركان: بهلوسة؛ ااانتم قت*لتوهااا و حرمتنوني من وولدي💔 وربي ننتقم منكم كلكممم 🔥
اركان: بعياط؛ تعااالي جووووود
ايهم: لا حول ولا قوة الا بالله. اررركان نووض؛ لمس حرارته نفخ بيأس و ناض ايدور في تلفونه لعند. ما لقاه و دار اتصال 📱
احمد كان يلبس في القروطة ع المرايا رن تلفونه لف يشبحله رفع حاجب ومشى خذاه من الشحن
احمد: الو صباح الخير اركان كي...؛ قاطعه
ايهم: انا ايهم يا احمد. تقدر اتجيني الحوش؟
احمد: بخوف؛ خيييررر. اركان صارله شي
ايهم: بوجع؛ اركان مريض حرارته مرتفعة من امس مابتش تنزل
احمد: هيااا جاااي مسافة الطريق بس ؛
صكر المكالمة و رجع خذا مفتاحه و شنطة الابتوب وطلع
ايهم: نزل بدل حوايجه و خش لحوش العيلة؛ صباح الخير
بوه و امه؛ صباح النور...
ساسية: قعمز افطر قبل ما تطلع
ايهم: بعدين. ااااا بنرفع اركان للمستشفى...؛ قاطعوه
ساسية و بوه: برعشة؛ خيررره ااركااان 🥺
ايهم: عنده حرارة و توا كلمت احمد ايجي يرفعه معاي
ساسية: ناضت تبكي؛ كنت حاسة انه مريض يومين مصكر على روحه ماذاق حاجة يا ناااري عليه و على شبابه 😭؛ مشت فتحت باب السور و طلعت فوق
ايهم: يشبح لبوه يلبس في عباته؛ وضع اركان ما ايطمنش ضروري اتقعمز معه و تعرف شن ايفكر
بوه: بستفهام؛ شن في؛ طلع من الباب
ايهم: طلع وراه ع دروج ؛ كان ايهلوس وقال كلام غريب
بوه: بخوف؛ كلام شنو
ايهم: هو حاط في راسه ان موت جود مش قضاء وقدر ؛
وصلوا عند الباب؛
بوه: هو مزال مصدوم مش واعي روحه شن يدوي.ما تاخذش بكلامه؛ خشوا لداخل
ساسية: مقعمزة تبكي بحذاه شادة يده و تمسح على راسه وشعره؛ لاباس عليك يا روح امك . ربي يشفيك ويقويك 💔 ربي يشفيك يا حبيبي 😢
بوه: وقف بحذا السرير ؛ واعي
ساسية: بدموع؛ موجوع يا ناري مش قادر ايفتح اعيونه؛ شبحت لايهم؛ بتقعدوا اتفرجوا عليه هيا ارفع خوك💔😢
ايهم: اتشوفي فيه قدامك مش واعي لحاجة؛ رن تلفونه ؛ هذا احمد . شوفيله غيار نرفعوه معانا؛
طلع نزل يفتح الباب و ساسية مشت فتحت دولابه طلعت غيار و مشت ادور في شنطة في الدار الثانية
خشوا على اركان رفعوه بيناتهم و نزلوا بيه لسيارة و مشيوا المستشفى و هو مزال غايب عن الوعي
نزلوا بيه من السيارة و جو المسعفين خذوه و طول ع لطواري سعفوه و اعطوه ابرة خافظة للحرارة و ركبوله تغذية و الشباب معه في الغرفة واقفين بحذا السرير عند رجليه..
كمل الدكتور فحص و نزل السمعات
احمد: شن وضعه يا دكتور
الدكتور: الحمدلله نزلت الحرارة مافيش خوف
ايهم: بقلق؛ بس يا دكتور مزال مش واعي
دكتور: هذا مفعول الابرة فاها مهدي. اطمن ساعة ان شاءالله و يرجع لوعيه؛ طبطب ع كتفه؛ سلامته؛
طلع من الغرفة
ايهم: نفخ بوجع؛ اول مره انشوفه هك مش عارف كيف يرجع لحياته الطبيعة
احمد: قعمز على حافة السرير؛ الله يرحمها كان متعلق بيها هلبا و ماتنساش كانت حامل😞؛ بتنهيدة؛ اركان خسر مرته و ولده في يوم واحد و صعب يتخطى بسهولة💔
ايهم: خذا نفس طويل و زفر؛ الله يستر🥺
احمد: شاف للساعة؛ اني توا مضطر نمشي عندي شغل ضروري انتمه اليوم
ايهم: اوكي تمام.
احمد: ناض حط تلفون في جيبه و ماشي ؛ دورت شي كلمني . سلام
ايهم: مشى معه للباب ؛ سلام
.
.
جت تسرع طبست ع السفرة خذت خبزة غمزتها في الزيت والجبنة حشتهم في فمها دفعة وحدة
ربيعة: تشبحلها 🤨؛ بسم الله خيرك طايرة قعمزي افطري زي الخلق
براء: بفم مليان؛ ماانبيش اانتااخرر مممن اول يووم ؛ بلعت مغصوصة خذت طاسة الحليب من خوها شربتها؛ اادعلي. سلام
ربيعة: ربي ايسهل طريقك و يرزقك يا بنتي ويبعد عنك اولاد الحرام؛
طلعت استنت الباص اللي يرفعها لجامعة و بعديها نزلت في طريق الجامعة وقفت تاكسي يرفعها لشركة
خشت فرحانة قريب اطير وقفت قدام حاط كله مرش عاكس شبحت لروحها و هياتها ابتسمت على اناقتها البسيطة و خذت نفس طويل و اتجهت لمكتب السكرتيرة
براء: بابتسامة؛ صباح الخير 😊
السكرتيرة: اهليين صباح النور
براء: خشت داخل؛ مش عارفه كيف نشكرك بصراحة. انتي خدمتيني خدمة العمر🥺
السكراتيرة: وقفت جت لعندها؛ الشكر لله و لاستاذ احمد حب يعطيك فرصة. و على فكرة الشغل اهني يبي وسعت بال و قلب قوي هههه لان على ابسط غلط ح تتهزبي
براء: عقدت حاجبه بقلق؛ ربي يستر مش ناقصني بهدلة 😩
السكرتيرة: طبطبت على كتفها؛ هيا خشي المدير يستنى فيك
براء: هزت رأسها بتوتر؛ اوكي؛
دقت الباب✊🏻✊🏻
احمد: يشبح للاوراق؛ خشي فرح
براء: خشت تعصر في ايديها؛ صصباااح االخييرر يااا ااستاذ
احمد: رفع راسه شبحلها؛ صباح النور. تفضلي يا انسة ااا
براء: براء يا ااستاذ
احمد: براء ممم اسم حلو؛ وقف لف من المكتب؛ ليش واقفة 🫴 تفضلي قعمزي؛
جت للكرسي و احمد واقف في الجهة المقابلة حس بيها متوترة تراجع خطوتين و اعطاها بضهره.طول قعمزت ومسحت كف ايديها العرقانين في حوايجها و رفعت اعيونها فيه لما بدا الحديث
احمد: شوفي يا انسة براء؛ لف بجسمه و شبح لعيونها؛ اول شي المواضبة والالتزام بمواعيد الشركة ثانيا التقصير و الغلط عندنا ممنوع ؛ قدم خطوتين حط يده في جيبه؛ شغلك ح يكون في مكتب الاستاذ اركان يعني تبي تنتبهي كويس وتفتحي عيونك لكل صغيرة و كبيرة داخل المكتب. تمام
براء: هزت راسها بتوتر؛ اان شاءلله
احمد: قعمز ع الكرسي مقابلها؛ حاليا هو في اجازة و عندك فرصة تاخذي دورة و تتعلمي اكثر عن كيفية الشغل و لو في حاجة مش فهمتها اتجي للانسة فرح هي ح اتساعدك. مفهوم
براء: بلعت ارياقها؛ اايي مفهوم
احمد: تقدري تمشي؛ وقفوا الزوز و احمد خذا تلفون المكتب؛
فرح خوذي براء لمكتبها
فرح: من السماعة؛ حاضر يا استاذ؛
براء: عن اذنك
احمد: 🫴 تفضلي؛
ماشية بتطلع من المكتب و عيون احمد عليها لعند ما طلعت وصكرت الباب وراها
فرح: وقفت خذتها من يدها؛ ها شن شعورك 😊
براء: تمشي معها؛ بالاول كنت مرتبكة بس بعدين تمام😁؛
ضحوا و طلعوا من المكتب الخاص باحمد و مشيوا للقسم اللي ايدير فيه اركان و خشوا لمكتب فيه اربع موضفين ثلاث شباب و بنت كل واحد على مكتب وعنده جهاز
بعد تحية السلام عرفتهم على زميلتهم الجديدة و بدت اتوري فاها الشغل وووووو
.
.
سالم كان في عمله رن تلفون و كانت المكالمة من المستشفى رد عليهم وطلع يسرع وهو طالع رن على خوه جبريل يلحقه للمستشفى
بعد وصلوا طول خشوا ع الدكتور
جبريل: السلام عليكم يا دكتور
دكتور: و عليكم السلام. تفضلوا
سالم: قلبه ايدق و بخوف؛ خير يا دكتور شنو في
دكتور: تفضل ارتاح يا حاج؛
جبريل: بعد قعمز خوه جاء قعمز ع كرسي امقابل؛ ان شاءلله خير
دكتور: ما نكذبش عليكم الوضع مش تمام
سالم: قلبه نغزه؛ علاااش شن في
دكتور: للاسف تعرض الجرح في الحوض لميكروبات تسببت بالتهابات خطيرة في العظم
سالم: صوته انخنق؛ في حل و علاج ولا شن يا دكتور فهمني
دكتور: ان شاءلله له علاج . بس يبي وقت باش يتعافى؛
قعد يحكيلهم ع خطورة الالتهاب اللي واصل للعظم و الخوف على باقي الأعضاء خصوصي التناسليا 💔
طلع سالم من عند الدكتور مهموم وقلبه موجوع على ولده
جبريل: طبطب ع كتفه؛ الافضل ايتعالج في تونس احسن من اهني.
سالم: الدموع في عيونه؛ من وين باش نرفعه لتونس
جبريل: في شخص نعرفه بالكي يخدمنا انحصلوا على حساب الدولة
سالم: ياريت. بس خايف الموضوع ايطول ولا شي
جبريل: مش عارف خلي انكلمه توا؛ طلع التلفون ضرب عليه
و استنى لعند ما رد الشخص و احكي معه و قاله شن ايدير من اجراءات وهك و تم الموضوع بسرعة من خلال التلفون
بعد المكالمة خشوا على قيس شافوه وقعدوا بحذاه و المسكين كان يتالم من الوجع و كل كم ساعة يضربوله في المسكن 💔
