🔥رواية #ضحية_انتقام🔥
🦋الحلقة السابعة🦋
🌹Hăbošh🌹للكاتبة
................. 🌺🌺🌺🌺🌺🌺🌺🌺🌺🌺🌺🌺
ايهم: ااركاان شن صاااير؟ فهمني؟
اركان: مرر ايده داخل شعره وشده للخلف؛ خطفتها باش نوصل لخوها ون ق*تله مش هي اللي اتموت... 🔥
ايهم: بخوف😰💔 ؛ ماتت؟؟
اركان: نزل راسه 😞؛ مش عارف هوينها داخل العناية معها الدكتور ...؛
قاطعه بعصبية شده من قميصه
ايهم: عض على اسنونه؛ ووين كااان عقلك لما خطفتها يا غبي 😤
اركان: ما خلتوش مجال كيف نوصل لخوها الا بخطفها.. كان مفروض ما بلغتوا عيلته باش يهرب
ايهم: زاد ضغط عليه؛ لمصلحتك يا غبي ااانت مش واعي و لا مدرك بخطورة الشي اللي براسك كان نفذته؛
رخي يده ونفخ بتوتر مشى خطوتين اتجاه الباب وقف التفت شبحله
ايهم: شن قلت للمستشفى؟
اركان: بتسفهام؛ على شنو
ايهم: بغضب؛ البنت لما جبتها ما سالوا شن قرابتها ولا شن قصتها
اركان: بلع ارياقه؛ مافيش حد سالني
ايهم: تنهد بنفس طويل؛ ان شاءلله ما يصيرلها شي باش نلقوا حل لمشكلتك قبل ما توصل لشرطة ؛
طلع تلفونه يبي ايدير اتصال
اركان: يشبحله بستفهام؛ بمن تبي تتصل!!؟
ايهم: على بوي و يستر الله لما يعرف بعملتك ما ايطب ساكت
اركان: تنهد بضيق؛ ضروري اتقوله؟
ايهم: هيا مالا دور كيف اتحلها
اركان: بعقدت حاجب؛ انخليها في المستشفى و نمشي انفوتها
ايهم: بستهزاء؛ ااء فكرة حلوة و هكي انت طلعت منها
اركان: نفخ بغضب؛ مش نااقصك انت الاخر؛
مشى قعمز ع الكرسي الانتظار و حط راسه بين ايديه بعد ما حس باليأس ايلاقي حل لمشكلته و زفر بضيق لما سمع ايهم يدوي مع بوه و حكاله ع السريع ان اركان طايح في مشكلة
.
.
في قسم الشرطة
خشوا سالم و براء ع الضابط و سالم قدم بلاغ فلان الفلاني خطف بنته و فتحوا محضر و القاء القبض على باسم و طلعت كتيبة من عناصر البحث الجنائي
ساعة 6 بعد العصر
طلع اخ باسم الصغير يفتح الباب و بعديها خش يجري ايبلغ في بوه ان في شرطة برا
ناض فتحي اب باسم يسرع طلع لسور و لما شبحهم وقف ع الباب و عقد حواجبه بستغراب و عيونه تشبح في الضابط و العناصر اللي معه
الضابط: السلام عليكم
فتحي: بقلق؛ وعليكم السلام.. ان شاءلله خير !؟
الضابط: طلع ورقة؛ عندنا بلاغ على المدعو باسم فتحي و امر بالقبض عليه
فتحي: بخوف؛ باااسم ولدي.. خير يا حضرت الضابط شن داير
الضابط: متهم بخطف بنت الاستاذ سالم على سالم.. والد البنت فتح فيه محضر و ياريت اتخليه ايسلم نفسه او نلقوا القبض عليه بالقوة
فتحي: بصدمة؛ يااا حضرت الضابط ولدي برئ مستحيل ايديرها
الضابط: التفت للعناصر؛ فتشوا الحوش؛
بيخشوا العناصر وقف فتحي قدام الضابط ايدافع على ولده من التهمة و باسم طلع بعد سمع صوت دوشة في مدخل الحوش
باسم: بستفهام؛ شن فيه يا بوي؟
الضابط: قدم منه؛ انت باسم فتحي؟
باسم: يشبحله بستغراب؛ اي انا باسم.. خير
الضابط: بحزم؛ تفضل معانا؛ اشر لعنصرين جوا قبضوا عليه شدوه بيناتهم
باسم: ايفك في روحه منهم؛ شن في علاااش شاديني؛
حاول ايقاوم و بوه ماشي وراه طلعوا بيه و الناس اتفرج ع السيارات الشرطة في شارعهم وكيف شادين باسم و حطوه داخل سيارة
.
.
في المركز بعد ربع ساعة تحقيق
الضابط: بتخويف؛ ااخر مرة نسالك وين البنت؟ 😤
باسم: يشبحله بتوتر؛ والله ما خطفتهاش علاش ما اتصدقوني!!
الضابط: في شهود قالوا انت مهددها و ترسلها في رسايل تخويف.. لذلك ننصحك تعترف بجريمتك وتقول على مكانها
باسم: بلكلكة ؛ اااا اني صح هددتها زمان بس كنت انخوف فاها باش اتوافق اتصاحبني.. صدقني يا حضرة الضابط والله العظيم ما خطفتها
الضابط: ناض معصب و خبط يده ع طاولة؛ ماااتكذبش راه انخلي العناصر اتشوف شغلها معك وقتها ح تعترف غصب عنك
😡
باسم: قلبه وقف من الخوف؛ 😨ااانا برئ والله برئ
الضابط: عيط ع الحارس؛ يااا افندي
الافندي: خش ضرب التحية؛ نعم سيدي
الضابط: ارفعه لعماد خليه يعترف
الافندي: ضرب التحية؛ حااضر سيدي
.
.
في المستشفى
وصل بوه لاركان و شبحه مقعمز حاط راسه بين ايديه و ايهم واقف بحذا باب غرفة العناية جاء لعندهم يسرع و الخوف في عيونه وجهه
الحاج: يشبحلهم بفزع؛ فهموووني شن في و علاااش انتم في المستشفى
ايهم: خذاه من ايده؛ تعال قعمز توا انفهمك؛
رفع راسه في جت عينه في عين بوه
الحاج: يشبحله؛ الله يهديك شن داير بس!!؟ ؛
بلع ارياقه بتوتر و ايهم قعمز بيناتهم حجب الرؤية عليه
ايهم: انا توا نحكيلك.. اااء اركان خطف اخت الشاب اللي دار الحادث مع جود و هي توا في العناية
الحاج: ناض بفزع؛ خطفهاااا كيف !؟ ...؛ قاطعه شد ايده بيهديه
ايهم: بهمس؛ نقص صوتك يا بوي نحن في المستشفى.. قعمز خلي نحكوا بهدوا و نلقوا حل قبل ما توصل لشرطة
الحاج: تنفس بضيق ويشبح لاركان؛ و البنت شن درتلها يا فالح باش دخلوهااا العناااية
اركان: بصوت مغصوص؛ ما درتلها شي مرضت ابروحها
الحاج: لا حول ولاقوة الابالله العلي العظيم اكيد بتمرض بعد ما رعشتها المسكينة 💔؛ شبحله بعتب؛ شنو ان شاءلله ارتحت بعد عملتك السودة يا خسارة تربايتك ليك
اركان: ضرب بيده ع رجله وناض معصب؛ ايي اارتحت ومزااال لما نق*تله نرتااح ااكثر😤؛
