🔥رواية #ضحية_اتتقام🔥
🦋الحلقة الخامسة🦋
🌹Hăbošh🌹للكاتبة
...................... 🌺🌺🌺🌺🌺🌺🌺🌺🌺🌺🌺
قبس: الو
المتصل: في امانة جاية من تونس و اعطوني رقم هذا يستلم الامانة
قبس: اوكي. بس اني ما نقدرش انجي نستلمها
المتصل: باهي ابعثيلي العنوان
قبس: تمام؛ اعطاته النعته
المتصل: ايي عرفته. وقت نوصل انرن عليك
قبس: تمام؛
انتهت المكالمة و كملت غسل المواعين وخشت دارها اتهدرز مع براء
ساعة سبعة المغرب وقت طلع سالم لجامع رن تلفونها
قبس: الو
المتصل: انا توا في شارع اللي قلتي عليه. اما حوش
قبس: لحظة توا نطلع؛
مشت خذت وشاح حطاته على راسها ومشيت فتحت باب الخارجي طلعت راسها 😱وهوووب في حد دعس عليها صكرلها فمها وسحبها لسيارة سودة مظللة و طلعت من الشارع تجري باقصى سرعة 💔
خشت السيارة في مزرعة برا المنطقة و نزلوا زوز شباب نزلوا قبس اللي امصكرين فمها بلاصق و رابطين ايديها بحبل
المسكينة كانت اتعيط و اطيح ويرفعوا فاها لعند فتحوا كوخ عزقوها داخل وصكروا الباب من الخارج بقفل 💔
كانت طايحة تبكي بخوف و كل جسمها ينفض مع انفاسها المتقطعة بالشهقات.. و كان اخر صوت تسمعه صوت تصكير الباب بالقفل و بعديها ساد الهدؤء..
الهدوء المرعب اللي زاد ضربات قلبها و هي تسمع بترقب اي صوت داخل المكان المظلم 💔 تحركت باش اتفك ايديها و عيطت بصوتها المغموم يطلقوها و بعد حست مافيش حد معها و ان اللي خطفوها مشيوا قعمزت و رفعت ايديها المقيدة لفمها و نحت من عليه الاصق بصعوبة و تشبح لظلام و دموعها ايصبوا زي المطر و شفايفها يرعشوا برد و خوف
قبس: عيطت بصريخ؛ يااانااااس ساااعدوني ارجوووكم ساااعدوني؛ بلعت ارياقها و بصوت مبحوح ؛ يا بااباااا ياامامااا طلعوووني من هنااااا 😭 يااا قيس يااامحمد وينكم 😭 ؛
راح صوتها حطت ايدها على رقبتها و نهارت ابكاء..
خافت ايكون المكان مهجور بعيد عن الناس و مهما عيطت مش ح يسمعوها.. و توا مافيش قدامها غير تلقى وسيلة اطلع روحها وتهرب
شبحت لضؤ طالع من تحت الباب ناضت تمشي و اطيح لعند وصلت للباب لصقت فيه و حاولت تفتحه بكل قوتها 💔 خبطت بيديها الزوز و تعيط تطلب المساعدة.. المسكينة قعدت قريب نص ساعة اتعيط و تبكي لين تعبت و جسمها فشل وحست بالغثيان نزلت ع الارض و نفسها بدا ايضيق و اتغصص قريب روحها طلعت 💔 ارتخى جسمها وطاحت على جنب مغمى عليها 😢💔
خش سالم الحوش بعد ما صلى المغرب في الجامع وقعمز في الدار المعيشة ايتفرج ع الاخبار
و حميدة بعد صلت رجعت للمطبخ حطت العشاء ع النار و طيبت شاي و حطت لوز وخذت السفرة وخشت لدار قعمزت بحذا زوجها
سالم: وين قبس
حميدة: اتصب ف الشاي؛ قاعدة في دارها؛ مدتله الطاسة
سالم: خذا منها؛ ضبحي عليها خليها اتجي اتقعمز معانا
حميدة: شن صار في الشيخ امتى اتجيبه
سالم:نزل الطاسة؛ الهيت في مشكلة قيس معش دورته
حميدة: و انخلوها هكي يا سالم
سالم: خلاص بالكي الجمعة انكلمه كانه فاضي ايجي
حميدة: باهي ليش ما تلحق خوها في تونس ايشوفه دكتور غادي
سالم: توا خليها ايشوفه الشيخ قبل و بعديها ساهل؛
مدتله الوز و نادت على قبس اكثر من مرة
حميدة: بقلق؛ يستر الله ما تكون طايحة؛ ناضت مشت لعندها فتحت باب دارها؛ وينها. يا قبس يااا قبس ؛ مشت للحمام و برضوا مالقتهاش دورت عليها في المطبخ و السور
حميدة: طلعت لوراء الحوش و بقلق؛ العفو هذه وين اختفيت. ياااا قبس وينك يا بنتي. قبس قبس؛
صفقت بيديها وخشت تسرع للحوش؛ يا ساالم يا سالم
سالم: طلع من الدار؛ شن في . خيرها قبس
حميدة: تشبحله وجهها احمر وعيونها امدمعة؛ البنت مش قاعدة في الحوش
سالم: شنووو كيف مش قاعدة في الحوش
حميدة: قعدت تبكي؛ دورت عليها مالقيتهاش. ووووه عليا وين تكون طايحة😭
سالم: عيط عليها؛ دورتي عليها كويس
حميدة: ببكاء؛ دورت في كل مكان البنت مش قاعدة يا سالم وووه علياااا بنتي وينك 😭
سالم: مشى يسرع لدارها؛ وووين تبي تمشي؛ خش لدار و كانت فاضية خذا تلفونه رن على رقمها و لقاه مقفل 🔥طلع قلبه يضرب ورجليه يرعشوا فتح الحمام و مشى المطبخ ولسور و لف على كل الحوش و مشى للمربوعة و طلع لفوق الحوش و مالهاش اي اثر 💔 نزل طلع لشارع شبح هك وهك و ترجل لعند المحل في راس الشارع و رجع للحوش
حميدة: واقفة فم الباب؛ شنو يا سالم
سالم: فنص فاها؛ خشييي؛
خشت وقفت في سور و هو خش خبط الباب وشدها من يدها خشوا داخل الحوش وصكر الباب
سالم: امفنص عيونه بغضب؛ بنتك وووين يا حميدة ؟ البنت وين تمشي
حميدة: ترعش؛ وين كيف😨 بالكي طايحة في ؛ قاطعها شدها من يدها بالقوة
سالم: عيط عليها؛ البنت مش قاااعدة يااا حميدة بنتك طلعت من الحوش وابصر وين ماااشية 😡
حميدة: تضرب على وجهها؛ لااا يا ساالم ما تظلمهاش حرام عليك و الله اتخاف تطلع حتى فم الباب ابروحها 😭
سالم: دفها بغضب؛ شنووو الارض انشقت وبلعتها. قسم بالله لما اترجع نشرب من دمهاااا بنت الكلب😤؛
و يناري ما يحسابش بنته مخطوفة و قاعدة بين الحياة والموت💔 استنوا على نار امتى ترجع للحوش بوها مقعمز يغلي و ناوي يقتلها و امها مقعمزة تبكي بحرقة عليها و على مصيرها 💔 فات الوقت وجت الساعة عشرة و قبس مزال ما روحت
حميدة: بتجداي؛ تربح يا سالم امشي شوفها في حوش عمها...؛ قاطعها
سالم: عيط عليها؛ و حوووش عمها من فيه باش تمشيله مانك عارفة عند هلها هي والصغار
حميدة: ببكاء؛ بالكي جاية تبرم ع الحوش و متصلة بقبس اتساعدها. خلينا انشوفوا شن خاسرين
سالم: تافف؛ رني و ديري روحك تسالي عليهم
حميدة: بامل؛ اااي ايه هيااا؛ دعست على تلفونها واتصلت بسلفتها ضرب ضرب وبعديها ردت
سمية: الووو اهلين حميدة كيف حالك
حميدة: برعشة صوت؛ سلم حالك يا وخيتي. شن اخباركم وكيف حال الصغار
سمية: الحمدلله كلنا بخير. كيف حاله سالم وكيف حال قبس
حميدة: بلعت ارياقها؛ كويسين ايسلموا عليك
سمية: الله ايسلمهم يارب
حميدة: قلت نسال عليكم لو قاعدة في حوشك انجي انسلم عليك
سمية: لا والله مزلت عند اماليا. ان شاءلله الجمعة انجي نبرم ع الحوش وناخذ منه شوية حاجات لزميني و انجي نشرب عندكم فنجان قهوة
حميدة: بلكلكة: اااا ان شاءلله. باهي ما نعطلكش سلمي على امك و خياتك. بسلامة
سمية: يوصل. مع السلامة؛
صكرت حميدة الخط و قعدت تبكي
سالم: بغضب؛ مزااال تبي ادافعي عليهاااا 😡
حميدة: تمسح في دموعها وخشمها؛ خلي انكلم صحبتها براء
سالم: لااااا مااا اتكلمي حد
حميدة: براء زي اختها و لو في حاجة اتقولهالنا
سالم:بعصبية؛ شني يا امراة تبي اتفضحي بينا و تخلي سيرتنا على كل اللسان
حميدة: ببكاء؛ وينك يا قبس وينك يا بنتي 😭؛
رفعت عيونها لفوق؛ يااارب استر عليها 😭 والله بنتي طيبة و درويشة مش زي البنات 💔😭؛ صوت ابكاها ارتفع
سالم: عيط عليها؛ خلاااص اااسكتي 😤
حميدة: ببكاء؛ حرام عليك مش خايف على بنتك يقعد صاير فاها حاجة
سالم: بغضب؛ ان شاءلله اتموت ويريحني منها ومن عارهاااا؛
ناض طلع وخبط باب الحوش وقعمز في السور عيونه امدمعة و قلب مكسور 💔 كان داخله ايتقطع و ايتألم بس اللي حارقه اكثر الفضيحة و كلام الناس 🔥💔
.
.
كان امقعمز تحت شجرة و ايدخن ويشبح للكوخ الصغير اللي في المزرعة و مستمتع بصوت اعياطها و الاستغاثة بعيلتها ايساعدوها .. و بعديها عم الهدوء و مافيش غير صوت الكلاب و صراصير الليل..
عزق السبسي و ناض من ع الكرسي ومشى خش لحوش صغير داخل المزرعة و كان عبارة عن دار وحمام وصالة ومطبخ ..
مشى خذا مية من الثلاجة وخش لدار حط المية ع طاولة و فتح ازار قميصه من فوق و سحب المسدس من حزام السروال
و مشى حطه تحت الفراش و جاء قعمز و عزق نص جسمه ع السرير و يشبح لسقف ورجعت بيه الذكريات مع جود و عاش معها ومن حلاوة الماضي نسى الحاضر و اوجاعه لعند ماخذاه النوم وغفي على الوضعية اللي كان عليها
