🔥رواية #ضحية_انتقام🔥
🦋 تكملت لحلقة الاخيرة 🦋
(الجزء الثاني)
🌹Hăbošh🌹للكاتبة
................... 🌺🌺🌺🌺🌺🌺🌺🌺🌺
ثاني يوم
مشيو اركان و قبس الاستراحة قعدو فاها اسبوع عسل و عاشو احلى ايام ❤
و بعد روحو كان يوم جمعة و كانت ساسية عزمتهم ع الغداء و استسمحت منها و خلت حتى جبداء اتجي تعتذر منها و قبس لانها طيبة سامحتها و نست الموضوع
اما ياسمين قريب اتموت شادتها اتصلات على ايهم كل مرة برقم و ايهم ايحط فاها في الحظر
كان معصب منها هلبا و يبي ايعاقبها و يحساب مع العقاب و الوقت تحس بغلطها 🔥 و قرر يهجرها لين تندم و تحرم اتضر حد
و عند براء مشت للمحامية دلتها عليها صاحبتها و حكتلها ع الحوش و ان زهير يبي حصته و رافع عليهم قضية و المشكلة ان لو ينباع وياخذ حصته مش ح ايجيب حق حوش في نفس المنطقة ولا حتى في المناطق الاخرى
و قاعدة المسكينة ادور على اي امل باش ما يخسرو حوشهم
المهم المحامية بعد شافت القضية لقت مافيش غير ان ينباع الحوش و فعلا انكتب على حوشهم للبيع
بعد اسبوع
زهير: ✊🏻✊🏻✊🏻✊🏻
ربيعة: فتحت الباب؛ خير !!!؟
زهير: 😎 اكيد خير.. في حد يبي يشري باش اتفضو الحوش
ربيعة: بضيق؛ وين نمشو
زهير: ارض الله واسعة.. المهم غدوة خلي المحامية اتجي ع ساعة احداش؛
مشى و ربيعة صكرت الباب و دموعها نزلو زي المطر
لما روحت براء قالتلها ان غدوة يبو ايبيعو الحوش و عاد ما عندهم حد يفزعلهم و يوقف معهم في العصر مشت لمكتب عقارات ادور على حوش اجار ايكون سعره معقول
جاء اليوم الثاني و ع ساعة احداش حضرت المحامية مع موكل الشخص اللي شاري الحوش و زهير جاي مع ولده ايهاب و تم البيع خذا زهير حصته و طلعو و شوية خش
احمد: السلام عليكم
المحامية: و عليكم السلام
الموكل: انعرفك ع الاستاذ احمد
المحامية: سلمت عليه؛ اهلا وسهلا
احمد: اهلين بيك
الموكل: مدله ورقة الحوش باسمه؛ هذا عقد الحوش
احمد: خذاه و مزقه نصين؛ نبي اندير عقد جديد
المحامية: 😳
احمد: ما اتخافيش الحوش بننقل ملكيته لست ربيعة و صغارها
المحامية: مافهمتش !؟ الحوش من شراه
احمد: توا نفهمك.....؛
بدا ايفهم فاها ان الحوش بعد شراه ح يرجع ايبيعه لهم و المبلغ اللي فاضلهم هو اللي يبي ياخذو بيه الحوش يعني هم شاريينه
بسعر اقل من السعر الاول و هك يقعد الحوش بي اسمهم و مافيش حد ايشاركهم فيه ولا في حد ح يمن عليهم 👌🏻
خذت المحامية اوراق الملكية وطلعت
كانت تشبحلها بصدمة و علامات استفهام و رجعت شبحت لامها
ربيعة: يا بنتي كيف الحوش نحن شرينه و توا باسمنا
المحامية: اهن يا عمتي الاوراق تاكدي بروحك؛
خذته منها براء و توسعو عيونها
ربيعة: تشبحلها؛ شنو براء
براء: صح يا ماما الحوش قاعد باسمنا و مذكور في العقد نحن اللي شرينه
ربيعة: و زهير
المحامية: خذا حصته
براء و ربيعة:؟؟
المحامية: ههههه حتى اني صارلي زيكن هك.. توا انفهمكن شن اللي صار....؛ قعدت تحكيلهن ان الحوش انباع بسعر و اللي شراه قرر ايبيعه بالسعر اللي فاضل من المبلغ اللي دفعه واللي هو حصتهم في الحوش
ربيعة: بستغراب؛ علاش يشريه ان كان يبي ايبيعه يعني شن استفاد هك.. راهو راسي استك
براء: ممكن نعرف منو الشخص هذا
المحامية: اسمه احمد ا...؛ قاطعتها
براء: اااحمد
المحامية: اي
براء: شاب في الثلاثين ولا
المحامية: تقريبا
براء: شعره اسود و عيونه اكبار و فيه شامة في ذقنه من اهني
المحامية: 😳 ايي
براء: هوووو اااحمد متاااكدة هووو 😠؛ ناضت خشت دارها خذت تلفون و جت فتحاته ورتها صورة
براء: هذا ولا ؟
المحامية: يا بنتي هو🤦🏻♀️
براء: 😡 ماشي يا احمد؛
اتصلت بالسواقة اتجيها بس طلع عندها شغل مش ح تفضى و طلبت منها اتجيها غدوة الصبح ترفعها
.
.
ثاني يوم
قبس: طبست عليه مسحت على لحيته؛ حبيبي هيا نوض
أركان: فتح اعيونه بكسل ؛ صباح الخير
قبس: بابتسامة؛ صباح الورد.. هيا خش دوش جهزتلك الفطور
اركان: ساعة كم توا؛ خذا تلفونه شاف لساعة وقعمز؛ انتي علاش نايضة بكري
قبس: ماهو قلتلك امس نبي نمشي لجامعة انزل مواد
اركان: اها.. باهي جهزي روحك ما نبيش انتاخر ع الشركة
قبس: بفرحة؛ تطلع من الحمام تلقاني جاهزة؛ طبعت بوسة على خده و مشت تلبس و اركان نزل من ع السرير و مشى ايدوش
بعد ساعة كانو فاطرين و ماشيين لجامعة
اركان: درس السيارة؛ اتكملي رني عليا
قبس: اوكي.. سلام
اركان: شدها من مرفقها؛ استني
قبس: شنو
اركان: صاحبتك جاية اليوم
قبس: منو؟ براء؟
اركان: اي
قبس: لا هي كملت السيم معش عندها غير التخرج
اركان: يعني مش جاية اليوم
قبس: لا ما قلتليش.. علاش تسال
اركان: صاحبي يبي اتوسطيله و تقنعيها اتسامحه
قبس: خلاص بس انشوفها توا نقنعها اهم شي ايكون ايحبه حق
اركان: من ناحية ان ايحبها اي ايحبها و ايموت فاها
قبس: ضحكت؛ تمام .. باهي شن رايك ترفعني لعندها لما اتجي تاخذني
اركان: بتفكير؛ مممم اوكي
قبس: اموووووه💋.. بااي
اركان: بااي 😉؛
نزلت واشرتله بيدها 👋🏻 و مشت خشت لجامعة و هو قاعد يشبحلها لعند ما اختفيت عليه و بعديها مشى لشركة
