ريم : اوكي يلا مع السلامه
لفت و انصدمت يوم شافته واقف و سمع كل شي
ريم :ءء عيسى
هدها و دخل الصاله و دخلت وراه يلست شوي و قامت
ريم :أنا برد البيت
عبدالله: افااا ما تميتي وايد اليوم
ريم : تعبانه و لفت على حمدان وصلني ما عندي سياره
حمدان : مب متفيج اسير و ارد
عيسى قام : مع السلامه أنا بروح
حمدان : عواس وصلها على دربك
ريم اشرت لحمدان ان لا بس سوالها طاف
عيسى طالع حمدان عقب طالع ريم: بترياج فالسياره
طلع و طلعت ريم وراه و ركبت ورا تمو ساكتين طول الدرب و أصلا بيتهم ما كان وايد بعيد نفس الفريج وصلو ويت ريم بتنزل
عيسى : سلمى تعرف
ريم بلعت ريجها : لا
عيسى : في مره طلعتو ويا بعض ولا طرشت..
قاطعته : ولا مره و نزلت بسرعه دخلت غرفتها و دقت لسيف على طول
سيف : ها حبيبي رديتي
ريم وهي تصيح : سـيف
سيف : شو فيج ليش تصيحين
ريم : ولد عمي عرف
سيف : عرف عن شو!!
ريم : علاقتنا
سيف : كيف
ريم : سمعني يوم كنت أكلمك
سيف : لا تخافين انتي ما بيصير شي ان شاء الله
ريم : اخاف يخبر أبويه و اخواني كيف ما اخاف
سيف : بي اخطبج
ريم : وإذا سألوك كيف عرفتها
سيف : بقول انج ربيعه اختي
ريم : واختك
سيف : أنا بكلمها و الحين سيري ريحي و نامي لا تفكرين فالموضوع
ريم : ان شاء الله و بندت راحت انسدحت عالشبريه و نامت قامت الصبح على صوت مسجات ف قروب عايلتهم
عبيد : اليوم بنشوي فالحوش كلكم تعالو
خالد : أنا عندي شغل ما بي
عبيد : هات عيالك أنا أباهم
خالد : اففف الوالد ما تباني 😀
عبدالله: والله و عرفت تجبه ابويه🤣🤣
احمد : هيه شو عبالكم يدي حتى تيك توك عنده 🤣🤣
نوف : أنا بسوي سوفليه
سلمى : أنا بسوي لكم سنافر
احمد : بدون شرشبيل لو سمحتي 🤣🤣
سلمى : احمدو لو ما سكت يا ويلك
احمد : 🤣🤣
ميثه : أنا بسوي هوت شوكليت
شمسه : أنا بسويلكم عين الجمل
عبيد : هاي الاشياء السنعه اونه بتسويلي سنافر
سلمى : يدي ترا هو جي اسمه سنافر
سكرت القروب و راحت تحت طلعت مقادير الكوكيز و يلست تسوي يوم خلصت يت بتطلع بس سمعت صوت عيسى
عيسى : هيه ياريال فشلنا والله
حمدان : هههههههه حمدالله ما كنت وياكم
ريم ( الحين شسوي ) : حمدان
حمدان يا عندها : انتي شو تسوين هني
ريم : كنت اسوي كوكيز ابا اطلع الحين كيف
حمدان : فشله ما بطلع الريال اركضي سيري فوق
ريم : حمدان لا تتمصخر
حمدان : والله عيب شو اطلع الريال سيري سيري هو يالس وين الدريشه أصلا ما يبين
ريم : انزين انت سير جدامي وانا بطلع
مشى حمدان و مشت وراه و ركضت فوق على طول لكن اول ما وصلت فوق انعوت ريلها و يلست عالدري
ريم تصارخ : حمدان يالخايس تعال
حمدان ركض عندها : هههههههههههه كيف طحتي
ريم مدت أيدها : ما يضحك تعال قومني ما أروم
حمدان : قومي قومي و قومها وداها الغرفه ههههههههههه كيف جي طحتي زين ما طحتي جدام عواس و فشلتينا
ريم : اننن ما يضحك اطلع برع
طلع من عندها و نزل تحت
حمدان : سامحنا يا ريال طاحت عالدري
عيسى : هههههههه كل ها لاني يالس وتبا تروح فوق قولي بقوم
حمدان : عادي عادي ايلس انت الحين
عيسى : لا والله بروح عندي اشغال وطلع
فليل في بيت اليد :
عبدالله: شو رايكم نلعب اونو
عيسى : عبود العابك احلام القبر
زليخه : انت ايهه شو احلام القبر استغفر ربك
عيسى : اسغفرالله يدوه بس نتمصخر
عبيد:حد قالك تتمصخر جدام العيوز
زليخه : ألحين أنا العيوز
عبيد : هيه ترا ما عندج توك توك
ريم : يدي فشلتنا اسمه تيك توك
عبيد : كله واحد
زليخه : هاه يا الشيبه حتى ما تعرف تقول اسمه
شمسه : اميه ابويه خلاص فشلتونا جدام أحفادكم
عبدالله: يلا خل نلعب اونو
نوف : لا لا بنلعب صراحه ولا جراه
كلهم : يلا عيل
لفو الدبه و طلعت على عبدالله و احمد
احمد غمزله : تحب وحده مني مناك
عبدالله: بالهرم الحين بيتحسبون صدق أكييد لا
سلمى : هاه هاه عبود
عبدالله: انتي ما عندج
سلمى فجت عينها : أنا شو يخصني الحين السوال حقك
حمده : خلصونا ياخي قال لكم لا
خليفه : شو فيج انتي يمكن عنده سوالف مني مناك
راشد : يمكن انت عندك
عليا : ليكون صدق عندك
راشد : هههههههههههه لا يطيح نصج لا لا ما عنده
عليا : أنا براويك عقب
عبدالله: رحت فيها عيل هههههههههه
خليفه: انا براويك رشود
لفو الدبه مره ثانيه و طلعت على ريم و عيسى ريم توترت خافت يسألها عن سيف
عيسى : في مره طلعتي ويا واحد كلهم لفو عليه بصدمه
—————-
صوتو 🥹🥹
أنت تقرأ
ليتني ما عرفت الحب الاول
Actionريم عندها حبيب اسمه سيف و في يوم كانت تكلمه و انصدمت يوم شافت ولد عمها سمعها و بعد كم يوم خبرتها امها ان في حد خطبها و الصدمه كانت يوم عرفت منو خطبها....،.
