سعود: هلا والله الف مبرووك
عيسى وقف : خير شو يايبنك
سعود : ياي أبارك ل بنت خالتي
ريم : ما اب..
قاطعها عيسى : ريم
ريم سكتت
عيسى : محد يبيك تبارك و سير احسن عن ما تشوف شي ما يسرك
سعود : شو بتسوي يعني
عيسى تنهد : سعود روح احسن لك
سعود :ما عليه و راح
ريم : عيسى خلاص ياخي ها يبا يخرب علينا
عيسى يمسح على ويهه : خلاص خلينا منه متى تبين العرس
ريم تبتسم : بعد خمس شهور
عيسى شهق : شو خمس شهور تتمصخرين لا ماشي شهرين بس
ريم : عييييسى شسوي ف ه الشهرين ترا ما يسون شي أنا يبالي وقت عشان اجهز
عيسى : هاذو جهزتي ف أسبوع حق الملجه
ريم : انت قلت ملجههه مش عرسس العرس غييير بكشخ اكثر و بدور فستاااان صنع لأجلي مش مني و الدرب
عيسى : أصلا كل الفساتين صنعت لاجلج وانتي أصلا حلوه بدون ما تكشخين
ريم تبتسم : جب جب
عيسى يغمز لها : تبين بوسه ثانيه
ريم : اييهههه عيب استح على ويهك قليل الأدب بخبر يدوه عليك ما عليه أنا براويك
عيسى يبتسم : خلاص خلاص ما بنسوي شي
ريم : هيه جي تأدب
عيسى يبتسم
ريم : ليش جي تبتسم
عيسى : ابتسم لاني سويت إنجاز
ريم : وشو ها الإنجاز
عيسى : صدق انج غبيه يعني الحين انتي جدامي و كاشخه و صرتي زوجتي بالاسم و تسألين شو الإنجاز
ريم : انزين يالسه جدامك هيه بس صدق شو الإنجاز
عيسى : الإنجاز سلمج الله ان حبيتج و خذتج حتى غصبا عن ويهج ه الخايس
ريم شهقت : الحين أنا ويهي خايس خلاص بسير بخلي سعود يوصلني بيتنا
عيسى : والله كف يلسي مكانج والله يا ويلج
ريم تبتسم: مش ويهي خايس سعود بيموت علي وانا ادري خلني بسير له بنفسي ليش أتعبه
عيسى : والله يا ويلج لو سرتي بس والله ما اردج البيت طيبه بردج البيت متكسره
ريم تبتسم : تخسي والله تمد أيدك علي
عيسى : أروم ترا
ريم : م تروم
عيسى : ليش ان شاء الله م اروم
ريم تبتسم : م أهون عليك
عيسى يبتسم : يعني تعرفين
ريم : اكيد
عيسى : لا تخليني اطلقج الحين
ريم : م تروم أصلا تتحسبني م سمعت صوتك يوم قلت ما أباك خلاص
عيسى فج عينه : الهرم كان حاطنه سبيكر
ريم : هيه شو على بالك
عيسى : لا بس ما توقعت يسويها(يهز رأسه بيأس ) الحين بطيح من عين عمي بيقول اني خفيف
ريم : أنت أصلا خفيف بدون شي
عيسى : والله من منو!! مش منج !!
ريم تبتسم
عيسى : لا تبتسمين جي
ريم تضحك : هههههههههه ليش
عيسى : لانج تخليني احبج اكثر
ريم : ايههه عيب
عيسى : شو عيب !! ريال و يتغزل ف حرمته وين العيب
ريم : العيب يوم يكون جدام الناس
عيسى : لا والله وانتي كيف عرفتي
ريم : شو تتحسبني ماعرف العيب !!
عيسى : أنا من يوم عرفتج ما شفتج تعرفين العيب
ريم تقرصه : جب جب
عيسى يضحك : ههههههه والله صدق ولا مره شفتج تستحين
ريم : جب جب
عيسى : كلي كلي
ريم : الناس يقولون بالعافيه
عيسى : بالعافيه
ريم : الله يعافيك
خلصو اكل و ردو البيت ريم كانت بترقد بس فونها رن
عيسى : هلا
ريم : اهلين
عيسى : شو تسوين
ريم تتثاوب : ماشي بنام
عيسى : هيههه انزين اقولج
ريم : همم
عيسى : ما تروحين بيت يدج سليمان
ريم : و منو قايل لك أصلا اني بروح
عيسى : لا بس اقولج
ريم : لا تقولي ولا أقولك لو شو ما يستوي ما بروح
عيسى : هيه احسن
ريم : انزين يلا أنا بنام
عيسى : ليش مستعليه
ريم : ف عينك مستعيله أنا واعيه من الصبح فيني رقاد
عيسى : خلاص خلاص نامي نوم العوافي
ريم : الله يعافيك يلا باي و سكرت
حطت فونها ع الكومدينه لكن سمعت صوت مسج
...: معقوله ب ه السرعه نسيتيني تزوجتي ولا همج ما فكرتي ف حبيبج ولا كل شي كان كلام ترا انتي لو ما تبين عيسى ما بتاخذينه لانه انتي تبينه انتي جي حقيره و سافله و وصخه الله بلاج ف واحد نفسه الخبيثون للخبيثات اكيد كل شي بيني و بينج كان جذب و اتفاق من بينكم لكن أنا اعرف شو اسوي والله ما اخليج تتهنين ف حياتج مع واحد غيري أنا سيف ولد فلان الفلاني تقصين علي والله ما عليه
ريم تنهدت : ألقاها من وين ولا من وين و كتبت له
ريم : كل شي كان صدق لكن سبحان الله نيتك الحين طلعت الحين طلعت حقيقتك وين كلامك هذا قبل !!! ما كنت تقوله تعرف ليش!! لأنك خواف و جبان و مش ريال لو ريال ما تقول ه الكلام لبنت و تيلس تسفل ف أخلاقها
و سوت له بلوك و سكرت فونها و نامت
قامت اليوم الثاني على رنه فونها شلته و ردت بدون ما تقرا منو
ريم : الو
عيسى : انتي لين الحين نايمه !!
ريم بعدت الفون تشوف الساعه : هيه عادي اجازه و بعدين انت شو مقومنك ه الوقت
عيسى : شو تتحسبين كل حد نفسج أنا عندي اشغال
ريم : انزين خلص أشغالك بهدوء و خلني انام والله فيني رقاااد ما شبعت
عيسى : انزين نامي يلا باي
ريم : باي و سكرت
قامت بعد ساعات و حصلت باقه ورد صوبها شلت الورقه و شافت مكتوب : صباح احلى عروسه
عيسى
شلت فونها و دقت له
عيسى : صباح الخير قمتي
ريم : صباح النور مشكور
عيسى : ها اقل شي أصلا المره اليايه شي ثاني
ريم : انزين عيسى
عيسى : عيون عيسى
ريم : أنا بسير كوفي مع ربيعتي مهور
عيسى : سيري بس لا تتأخرين قبل التسع انتي فالبيت
ريم : ان شاء الله يلا بسكر عشان أتجهز
عيسى : لا تطلعين شعرج من الشيله
ريم : ههههههههه لا ما بطلع لا تحاتي يلا باي و سكرت
راحت ريم تجهزت و لبست عبأتها و طلعت مرت على ربيعتها و راحو الكوفي
كانو يالسين يسولفون فجاه سيف يا
سيف يبتسم : حبيتيه ما شاء الله روحات و ييات
ريم تنهدت : عطني من الآخر شو تبا
سيف : ما اباج تتهنين ف حياتج ضيعتي سنين من عمري و بخرب حياتج
ريم : سو الي بتسويه تراك ما تخوفني
سيف : ما علي بتشوفين و الايام بينا و راح
ريم تنهدت عقب ابتسمت بإحراج: سوري مهور
مهره : لا عادي ما قلتيلي شو صار امس و غمزت لها
ريم : ايههه أصص
مهره صحكت: ههههههههه قولي قولي الله يخليج
ريم : مافي أصص
دق فونها و كان عيسى
عيسى : هلا انتي فالكوفي
ريم : اهلين هيه
عيسى : انزين شوي شوي و تحملي على عمرج
ريم : ليش
عيسى : شو ليش تحملي على عمرج
ريم : ان شاء الله تبي شي
عيسى : سلامتج و شوي شوي فالدرب وانتي راده
ريم : ان شاء الله مع السلامة
عيسى : مع السلامه و سكر
مهره تبتسم : هاه الحب داق يتطمن
ريم : هيه شو عبالج ربيعتج شخصه مهمه
مهره : هههههههههه يلا خلصي الكوفي عشان نسير بيتنا تتعشين عندنا اليوم
———-
شو رايكم ف البارت 😁😁
أنت تقرأ
ليتني ما عرفت الحب الاول
Actionريم عندها حبيب اسمه سيف و في يوم كانت تكلمه و انصدمت يوم شافت ولد عمها سمعها و بعد كم يوم خبرتها امها ان في حد خطبها و الصدمه كانت يوم عرفت منو خطبها....،.
