عيسى :أنا بكلمهم و سارو السياره
عيسى : بشو تحسين
ريم : مصدعه
عيسى ما كان عنده حل غير انه يعطيها ماي مد لها الماي :شربي ماي
ريم : تتمصخر
عيسى : شو فيج
ريم : شارب من الماي و تباني اشرب وراك
عيسى : شربي عشان صحتج
ريم : مابا ردني البيت
طنشها و راح للمستشفى
ريم : قلت لك ردني البيت
عيسى : ما بردج لين ما نتطمن عليج
ريم تبتسم : أصلا هويتي فالبيت
عيسى : لا والله وليش ما تقولين من متى
ريم : نسيت توني تذكرت و ما عندي صوره
عيسى فتح فونه : خلاص عيل بدق حق عمي بطرشلي صوره
ريم مسكت ايده بدون ما تحس : ايههه لا تتمصخر بيقص راسي طالعه وياك
عيسى ابتسم : عادي ويا خطيبج مش ويا غريب
ريم استوعبت و هدت ايده : ءءء خلاص مش لازم ردني البيت
عيسى : كلميه يطرش لج صوره
ريم : لا ردني البيت
عيسى : قلت ما بردج لين ما اتطمن عليج
ريم كلمت ابوها و طرش لها صوره
ريم : خلاص طرشلي
عيسى : يلا عيل خل ننزل و نزلو
داخل المستشفى:
عيسى : دخلي شعرج
ريم دخلته بدون ما تتكلم شوي ويا الدكتور و حطولها مغذي و كان بيطول شوي
عيسى : شو تحسين الحين
ريم : احسن شوي
عيسى : الحمدلله
دق فون عيسى و كان حمدان
حمدان : اهليننن وينك
عيسى : هلا فالمستشفى
حمدان : سلامات شو فيك أيك
عيسى : لا لأتي ويا الأهل
حمدان : اها يلا عيل مع السلامة وسكر
ريم : عيسى
عيسى : هلا
ريم : ابا ماي
عيسى حط ايده ف جيبه : نسيت بوكي تريي بسير ايبه
ريم : ماله داعي هاك و مدت له فلوس
عيسى : تتمصخرين على راسي انتي خليهم حقج بسير ايب من السياره و بي
ريم : ياخي عيسى عطشانه سير يب ماي عقب تفلسف
عيسى : خلي خلاص بدفع بطاقه و طلع من الغرفه سار ياي لها ماي و رد حصلها واقفه مع واحد
عيسى : ريم
ريم : ءء هلا
سعود : سلام عليكم
عيسى : وعليكم السلام
ريم : هذا سعود ولد خالتي
عيسى : هيههه
سعود : منو هذا
عيسى مسك أيدها : خطيبها
سعود : هيه ما قلتو
ريم عرفت انه بيلس يسأل وايد : عيسى يلا نروح
عيسى : يلا حبيبتي وراحو و ريم كانت مصدومه و منحرجه من الموقف
فالسياره :
ريم : ودني بيت يدي سيارتي هناك
عيسى : ماله داعي انتي تعبانه أصلا بوصلج بيتكم
ريم : لا باجر عندي جامعه محد بيوديني
عيسى : أنا بمرج
ريم : مابا بسير فسيارتي
عيسى : انتي تعبانه
ريم : عادي طول عمري حتى إذا مرضت اسير بروحي
عيسى : ها قبل
ريم سكتت لين ما وصلو
عيسى : متى امرج
ريم : تسع إلا ربع ونزلت
عيسى يهمس : استودعتج الله
ثاني يوم لبست ريم و جهزت وراحت تتريق دق فونها و ردت
عيسى : الو يلا أنا برع
ريم : تريا يالسه اتريق
عيسى : خلي جوليت تبطل الباب
ريم : انزين جوليت فجي الباب
فجت جوليت الباب و دخل عيسى
عيسى : هود هود
ريم : تعال مافي حد
عيسى : ليش وينهم
ريم : ف دواماتهم
عيسى : يلا انزين ترا ف الرده بنسير بيت يدي يباني ف شغل عقب بردج البيت
ريم : برد ويا سلمى
عيسى : لا أنا بردج
ريم قامت : يلا خلصت
عيسى : تريي خل اخلص الكرك
ريم : لا بتأخر
عيسى : ما بتتاخرين
ريم : انزين
نزلها عيسى الجامعه و سار دوامه
الظهر
عيسى : الو انتي وين أنا من ساعه اترياج
ريم : تريا شوي يالسه اسولف مع ربيعتي
عيسى : وانا شو يخصني ف ربيعتج قلت لج يدي يباني
ريم :ما بيأثر شوي و سكرت فويهه
عيسى : والله أنا براويج و نزل من السياره وراح داخل و راح عندها هي و ربيعاتها
عيسى : ريم حبيبي يلا نروح
ريم ويهها صار الوان : بسلم ع البنات و بي
عيسى : بترياج فالسياره
ريم : اوكي راح عيسى
ريم تسلم ع البنات : يلا مع السلامة
مهره ربيعتها : الحب يا بتسحبين علينا
ريم : مهرههه!!!! يلا أنا بروح و راحت السياره
في السياره :
ريم : انت تتمصخر ياي داخل
عيسى : قلت لج تعالي و ما يتي
ريم : و بعدين انت ليش جدام الناس تقول حبيبتي
عيسى : لانج حبيبتي ولا بتعارضين بعد
ريم : اكيد بعارض انت تعرف اني ما احب..
عيسى قاطعها : بس أنا احبج حتى لو انتي تحبين غيري
ريم سكتت و ما ردت
عيسى وقف السياره ف مكان ولف عليها : ليش سكتي هيه أنا احبج عشان جي خطبتج ما خطبتج عشان اخرب حياتج
ريم : ردني البيت
عيسى : ما بردج و بنسير عند يدي عقب بطلعج
ريم : ما قلت حق ماما
عيسى : كلميها الحين و قوليلها ان بنطلع نحدد موعد الملجه
ريم : اوكي
فتحت فونها :
ريم : ماما أنا بطلع مع عيسى نحدد موعد الملجة
جود : اوكي و مش تتأخرين
ريم : لا ما بتأخر
جود : اوكي يوم بتردين تعالي بيت يدج سليمان ( ابو امها )
ريم : ان شاء الله ما تبين شي وانا يايه
جود : لا و خبري ابوج انج مع عيسى
ريم: ان شاء الله
عيسى : ها شو قالت
ريم : قالت اوكي بس بكلم بابا
عيسى : يلا كلميه
ريم : أوكي
ريم : بابا ،
عدنان : هلا
ريم : عادي اطلع مع عيسى
عدنان : ليش
ريم : يبانا نحدد موعد الملجه و عقب بخليه ينزلني بيت يديه سليمان
عدنان : اوكي و إذا تبين شي كلميني
ريم : ان شاء الله
ريم : قال عادي
عيسى : يلا عيل خل نسير بيت يدي و عقب بنسير كوفي و بنزلج بيتكم
ريم : لا لا تنزلني بيتنا
عيسى : ليش وين بتروحين
ريم : بسير بيت يدي سليمان هم هناك متيمعين هناك
عيسى : هيه و سعود موجود
ريم : اتوقع لأنهم متيمعين
عيسى : عيل ما تروحين
ريم : ليش !!
عيسى : بس جي مش انتي خطيبتي !! أنا ما اباج تسيرين هناك وهو هناك
ريم : انزين أنا شو يخصني ترا بيلس ويا البنات
عيسى : حتى ولو هو بيكون هناك يلا نزلي بخلص الأوراق و بي داخل
ريم : وين بتسير !!
عيسى : بدخل مكتب يدي
ريم نزلت و سارت داخل عند يدتها
ريم : هلا والله هلا بالحب
زليخه : هلا والله بالعروس
ريم : انزين ما ملجت عشان تقولين العروس
زليخه : متى بتحددون الملجه
ريم : الحين بيخلص شغله مع يدي و بنسير نحدد الموعد
زليخه : هيهه متى امتحاناتج
ريم : بعد سبوعين و حفيدج مستعيل اقوله عندي امتحانات يقولي عادي
زليخه: ما فيها شي عادي قبل الخطبه و الملجه و العرس نفس الشهر
ريم : يدوه ها ف زمنكم الحين في يكونون مالجين شهوووور
زليخه : بقص رقبتج لو طولتي فالملجه شهر و تسوين العرس
ريم فجت عينها : يدوه ههه شو شهههر أنا بخليه خمس شهور
زليخه : يا ويلج شو خمس شهور
ريم : هيه يدوه تراني بجهز حق الملجه عقب عندي امتحانات و عقب يستوي خير العرس
زليخه : لا حبيبتي بعد بعد العرس بشهر تسوين العرس
عيسى دخل
—————-
شو رايكم ف البارت 🥹
أنت تقرأ
ليتني ما عرفت الحب الاول
Actionريم عندها حبيب اسمه سيف و في يوم كانت تكلمه و انصدمت يوم شافت ولد عمها سمعها و بعد كم يوم خبرتها امها ان في حد خطبها و الصدمه كانت يوم عرفت منو خطبها....،.
