يلست مع الحريم فالصاله و كانت تحاول تسوي عمرها طبيعيه فجاه ياهم صوت صراخ من برع
عدنان يصارخ : مش على كيفك و بنتي بتاخذ ولد عمها يعني بتاخذه
سيف : بس ياعمي أنا ابغي بنتك ابغيها على سنه الله و رسوله
عيسى : لو كنت تباها كنت بتخطبها ما كنت بتكلمها بالخش و الدس
نزلت دموع ريم و عرفت ان مستحيل ابوها يوافق على سيف و على طول ركضت غرفتها و قفلت الباب
سيف : انت مب شغلك ولا غرت لاني اباها
حمدان : انت ايهه اطلع برع ولا حشم أهل البيت
سيف : والله ياعمي والله لو ما خذت بنتك ما أخذ غيرها الله يخليك يعمي بسويلك كل الي تبا
عدنان : اطلع برع بيتي مالك نصيب عندنا طلع سيف و دموعه بعينه لانه ما قدر ياخذها
عدنان : سمحلي يا اخوي ما توقعت الي يصير
سالم : مسموح مسموح يلا عادي بترخصك أنا الحين
حمدان :وين عمي تمو للعشا
سالم : لا لا بنروح و طلعو كلهم
حمدان و عدنان دخلو الصاله
جود : شسالفه شو مستوي
عدنان : وين ريم
جود : يوم سمعتكم تصارخون راحت فوق على طول
عدنان : يعني تعرف سواد ويها
جود : ليش شو مسويه
حمدان : ابويه هد أعصابك أنا برمسها
جود : انزين فهموني هي شو مسويه
عدنان : ترمس واحد من ورانا
جود شهقت : مستحيل ريم ما تسويها
حمدان قام : أنا بسير اكلمها و سار دق باب الغرفه ريم فتحي الباب
ريم مسحت دموعها و فتحت الباب
حمدان دخلها و قفل الباب و بلسها عالشبريه : عيسى بيحدد موعد الملجه
ريم : ومنو قال اني موافقه
حمدان : عيل ليش كشختي و تزهبتي
ريم سكتت
حمدان : تحسبتي سيف صح
ريم هزت رأسها ب هيه
حمدان : على فكره ترا ابويه وافق على عيسى حتى لو انتي مش موافقه و يوم عيسى بيحدد موعد الملجه بتملجون
ريم : حمدان الله يخليك كلم ابوي أنا ما ابغي عيسى ما أتخيل حياتي وياه
حمدان مارد و طلع اول ما طلع حمدان رن فون ريم و كان سيف
سيف : ريم الله يخليج عشاني لا تأخذينه نحنا نحب بعض لا توافقين عليه دخيلج
ريم تصيح : ابويه غصبني عليه سيف غصبني ما اروم اسوي شي
سيف : عشاني ريم عشان العشره الي بين..
ما كمل كلامه لانه ريم سكرت
عدنان : هاتي الفون
ريم عطته دخل واتس و كتب لسيف
بنتي لولد عمها لو شو ما سويت بنتي بتاخذ ولد عمها هو أولى فيها أولى عن واحد يكلمها بالسر و من ورا اهلها انت لو تحبها بتي تخطبها على طول ما بتيلس تكلمها بالحرام و سواله بلوك و حذف رقمه و عق الفون على ريم و طلع
ثاني يوم فالجامعه كانت ريم يالسه بروحها :
سلمى يت عندها : هلا والله
ريم بهدوء : اهلين
سلمى : تعرفين شو سالفه الضرابه الي امس صارت
ريم : ليش انتي ماتعرفين
سلمى : لا
ريم : غريبه اخوج ما قال لج
سلمى : لا صدمني كان مستانس
ريم بهمس : اكيد بيكون مستأنس و هو مخرب حياتي
سلمى : شو رايج أتين بيتنا اليوم
ريم : لا مش متفيجه ابا انام امس ما نمت عدل
سلمى : من الوناسه هاهه
ريم : ما يخصه كنت تعبانه شوي
سلمى : هييييه
وصل سلمى مسج من عيسى
عيسى : طرشيلي رقم ريم
سلمى : ليش شو تبا فيها
عيسى : طرشي ولا تسألين وايد و هيه تعالي داومت اليوم ؟
سلمى : هيه هكي جدامي بس احس فيها شي
عيسى : انزين ولا تقولين لها اني قلت لج ابا رقمها
سلمى : اوكي وسكرت فونها بعدين
ريم : أنا برد البيت تعبانه
سلمى : ما تبين تروحين المستشفى
ريم : لا بنام بس و راحت
وهي فالدرب رقم غريب دقلها
ريم : الو
عيسى : اهلين
ريم : منو معاي
عيسى : ريلج
ريم اتنهدت : شو تبا
عيسى : اقولج اني بحدد موعد الملجه
ريم : بس أنا عندي امتحانات الحين ما اروم
عيسى : عادي أنا ادري انج بترومين
ريم : عيسى خلاص ياخي انت شو تبا الحين تعرف اني احب غي..
عيسى : كم مره بقولج لا تتكلمين عنه جدامي
ريم : أنا بسكر
عيسى : جهزي عمرج يوم بتسمعين خبر الملجه و سكر
ريم : افففف ياخي شو يبا الحين شو يبا
وصلت البيت اول ما دخلت سارت الغرفه ترقد العصر قامت ما حصلت حد فالبيت
ريم : جوليت وينهم ليش مافي حد فالبيت
جوليت : كلو سير بيت بابا كبير
ريم : اها شو غدا
جوليت: مجبوس دجاج
ريم : اوكي خلاص روحي
راحت ريم غرفتها ولبست لها مخور و حطت شوي مكياج و لبست عباتها و شيلتها و طلعت سارت كوفي و عقب سارت بيت يدها اول ما دخلت سلمت على يدها و يدتها
زليخه: هلا بالعروس
ريم تتصنع الابتسامه : اهلين وراحت يلست مع بنات عمها و عمتها
نوف : واخيراً وحده منا بتعرس بيستوي عدنا عرس
ميثه : هيه والله
فجاه يا عيسى صوب الصاله الي كانو يالسين فيها
عيسى : ريم تعالي شوي
قامت ريم بدون جدال لانها تعبانه
ريم : هلا
عيسى : ابا نروح مكان بروحنا عشان نحدد موعد الملجه
ريم : خلها يوم ثاني اليوم أنا تعبانه
عيسى : فيج شي
ريم : لا بس تعبانه شوي خلها وقت ثاني
عيسى : ان شاء الله و إذا صرتي زينه كلميني عشان نحدد وقت
ريم : ان شاء الله وردت عند البنات
حمده : اوب اول بدينا بالحركات
ريم : جب جب
عليا : هاه شو جب هههههههه
سلمى : قبل كنا نتطنز على عليو الحين عليج هههههههههه
ميثه : اقولكم شرايكم نسير السينما نازل فلم يديد
ريم : أنا ما بي
عبدالله يا عندهم
عبدالله: ليش وين تبون تسيرون
نوف : السينما
عبدالله لف على ريم : ليش ما بتسيرين وياهم
ريم : تعبانه
عبدالله: عادي قومي يلا أنا بي وياكم بعد
ريم : عبود ياخي
عبدالله: قومي يلا
ريم : انزين توه عيسى يا يبا اونه يحدد موعد الملجه ما سرت وياه بيتحسب اقص عليه
عبدالله: خليه يولي ماعليج
ريم : ياخي مش ناقصه مشاكل
عبدالله: أنا بكلمه جهزو و دقو لي
سار عبدالله عند عيسى
عبدالله: نحن بنسير السينما ريم بتي ويانا
عيسى : يعني تقص علي و تقول انها تعبانه
عبدالله: لا صدق تعبانه بس أنا قلت لها اتي
عيسى : بس وياكم
عبدالله: تعال بس سير هات اللكزس اكبر
سار عيسى باب الكزس و يو كلهم ركبو و وصلو المول
سلمى : شو رايكم نهرب ماك
عبدالله: كفج يلا خل نسير
نوف : تعال تعال مني و الدرب اول شي سير زارا خذ لنا شي من هناك عقب نسير ماك
عبدالله: لا والله ليش أنا اخذ لكم
ميثه : لأنك عمنا
عبدالله : يلا عيل
ريم : أنا ما بي بترياكم فالسينما
عيسى : انتو سيرو أنا بتم وياها
سارو كلهم و تمو عيسى وريم معاهم
عيسى يلس صوبها : شو فيج من شو تعبانه
ريم : ماعرف
عيسى حط ايده على جبهتها : قومي بسرعه
ريم : شوفيك وين اقوم
عيسى : قومي بوديج المستشفى فيج حمى
ريم : عيسى ماله داعي
عيسى : ريم قلت لج قومي
ريم : انزين و الباقي
عيسى أنا بكلمهم و سارو السياره
————-
صوتو 🥹🥹
أنت تقرأ
ليتني ما عرفت الحب الاول
Actionريم عندها حبيب اسمه سيف و في يوم كانت تكلمه و انصدمت يوم شافت ولد عمها سمعها و بعد كم يوم خبرتها امها ان في حد خطبها و الصدمه كانت يوم عرفت منو خطبها....،.
