ليتني ما عرفت الحب الاول

15

عيسى: سيري ركبي انا بحط الأغراض ف السياره

بعد سبوعين :
عيسى : يعني ما بتين بيت يدوه ولا شو
ريم : قلت لك ما يصير تشوفني قبل العرس
عيسى : ليش انزين
ريم : اسال يدوه
عيسى : انزين انتي تعالي سوي عمرج ما تعرفين
ريم : ما ابا
عيسى : ليش
ريم : ما يستوي عيسى افهههمم
عيسى : ليش ما يستوي
ريم تنهدت: ترا والله بسكر
عيسى : لا خلاص
ريم : انزين انا بطلع بعد شوي
عيسى : وين بتسيرين
ريم : مينونه أنا أقولك عشان اتي ما بقولك المهم اني بطلع
عيسى : انزين
ريم : خلاص عيل بند عشان اسير اجهز
عيسى : يلا باي و سكر
راحت ريم تجهزت و راحت الكوفي
ريم : hey one iced Matcha, latte, coconut milk
..: ok mam
لفت ريم و فجاه شافت سيف ف دخلت داخل وين كانت واقفه و يلست تشوفه شو يسوي
سيف : أمم عنده هالكوفي و هو يحب هالكوفي بس والله ما أخليك و بحرقه ف يوم عرسك و بحرق قلبك
ريم انصدمت ما توقعت ان سيف ممكن جي يسوي بس سكتت و تمت تطاله
سيف طلب قهوه
سيف : حتى قهوتهم خايسه
..: اختي
ريم تبتسم: هلا
هني سيف لف وشاف ريم
..: في عندكم نفس سياره تي تسوي القهوه في البيت
ريم : هيه حبيبتي عندنا
..: انزين ممكن رقم تواصل
ريم : دقايق و نادت فادي ( الموظف )
ريم : عط البنت رقم الكوفي و يوم بتدقين حبيبتي قولي من طرف ريم و بيسون لج خصم
..: مشكوره حبيبتي
ريم : العفو و دخلت وين يسون الكوفي
سيف راح عندها
سيف : اوه مبروك مبروك
ريم تبتسم : الله يبارك فيك
سيف : حمد...
رن فون ريم

عيسى : ريم ادري انج ف الكوفي سيري فوق بسرعه
ريم: ليش
عيسى : في ورقة اباج تصورينها لي م اروم اي الكوفي وانتي هناك
ريم : لا عادي تعال
عيسى : تتمصخرين
ريم : لا تعال عادي بترياك
عيسى : اوكي يلا باي و سكر

ريم : هيه سيف شو كنت بتقول
سيف : الحمدلله اني هديتج لانج وحده ..
ريم : خلصت ؟؟ انا بسير ريلي ياترياني و هدته وسارت فوق المكتب
طق طق طق
ريم تغشت
ريم : تعال
عيسى خل المكتب و يلس ينبش بين الأوراق
ريم : اي ورقه تدور
عيسى : ورقه الايجار
ريم : هيه حطيتها ف الملف هاك و اشرت ع الملف
عيسى فتح الملف و شل الورقه و راح صوبها باس راسها و طلع
ريم تفكر الحين صدق سيف يمكن يحرق المكان هو ما يسويها اف خلاص خلاص ما ابي افكر ف شي و طلعت ردت بيتهم

ثاني يوم :
جود : ريم قومي بسرعه الساعه 12
ريم : ليش محد وعاني بتاااخرررر
وقامت بسرعه سارت تسبحت و لبست لبس خفيف و عبأتها و طلعت سارت القاعه يجهزون

ف القاعه  :
ريم : افففف ماما يوتررر جوفي ايدي كيف ترجف
جود : بسج دلع مافي شي يوتر
ريم : شو ما يوتر والله يخوف
سلمى دخلت : عيسى بيدش
ريم : والله بصيح خل يصبر شوي
سلمى : بسم الله ليش
ريم : شوي بس والله يخوف
سلمى رن فونها
سلمى : الو
...
سلمى : انت برع
...
سلمى : خلاص الحين بفتح الباب دقايق وسكرت
سلمى : يلا
ريم : بسم الله فتحي
فتحت سلمى الباب و طلعو هي و جود
عيسى : السلام عليكم
ريم ما ردت
عيسى راح وقف جدامها
عيسى يبتسم : ما شاء الله حصنتي عمرج
ريم هزت رأسها ب هيه
المصوره دقت الباب و دخلت و صورتهم و خلصو و سلمى دخلت
سلمى : يلا خلصتو
عيسى : هيه بس خلينا بروحنا شوي
سلمى تخصرت : ليش
عيسى : استغفرالله سلمو والله طراق
سلمى : انزين انزين و طلعت
عيسى : واخيراً واخيراً صرتي لي
ريم ساكته
عيسى : هالكثر مستحيه
ريم بعد ساكته
عيسى : قربي شوي بحصنج مره ثانيه
ريم ما تحركت
راح عيسى عندها و بدأ يحصنها وبعدين باس رأسها وراح بيطلع لكن قبل م يطلع ريم نادته
ريم : ءء عيسى
عيسى راح عندها : عيوني
ريم : سيف
عيسى تنهد : شو فيه
ريم : بيحرق الكوفي
عيسى يضحك : ههههههه شو
ريم بجديه : عيسى سمعته بأذني
عيسى : كيف و متى
ريم : امس يوم كنت ف الكوفي يا وسمعته
عيسى يبتسم عشان يطمنها : لا تحاتين ما بيصير شي و انتي استأنسي لا تهتمين
ريم : ان شاء الله
عيسى طلع و اندق الباب و دخلت عليا
عليا : يلا بتنزفين
ريم : شكلي زين
عليا : هيه لا تحاتين و أنزفت ريم

ادخلي عمري بخطوتك اليمين
اضوي ايامي وعتمات السنين
قرت عيوني بشوك مقبلة
يالملاك اللين العذب الرزين
اسمعي نبضي ورا صوت الدفوف
من لمحتك ضيع الشوق الحروف
يا ضيا عيني والله ما تشوف
اضحكي يا نور عيني واسعدي
خلي الفرحة في عمري تبتدي
العمر قبلك وهن ما يحتسب
هذي الليلة ترى ها مولدي
في وسط قلبي حفرت اسمك هنا
نورا بن تركي تراها لي انا
نصفي الثاني وفرحة دنيتي
دامي دام لي حياتي في هنا

عند عيسى :
يا ربيعه محمد يسلم عليه
محمد : مبروككك
عيسى : الله يبارك فيك اسمع
محمد : هلا
عيسى:طرش ناس من الشرطه لكوفي
محمد : ليش شو مستوي
عيسى : سالفه طويله بس انت روح الحين في واحد يبغي يحرق الكوفي
محمد : اوكي و راح

خلص العرس و كل واحد راح بيته

فالفندق
ريم : شو صار ع الكوفي
عيسى : لا تحاتين كلمت ربيعي يشوف الموضوع
و خلص اليوم

اليوم الثاني كان في عزيمه ف بيت اليد بمناسبة عرس ريم و عيسى
عيسى : يلا ريم خلصي
ريم : شو فيك لازم اكشخ
عيسى : بسرعه خلصي يدي يتريانا
ريم : لا ما يتريانا نحن المعاريس لازم نتأخر شوي
عيسى : ليش نتاخرررر!!!!
ريم : عشان يوم ندخل تكون الأنظار علينا
عيسى : يلا خلصي انزين
ريم : اسكت بسوي ايلاينر
عيسى : انزين بسرعه
تمت ريم تسوي الايلاينر وهي كل شوي تمسح و تعدل
عيسى : يلا شو 10 دقايق تسوين لينر
ريم : اسمه ايلاينر انزين و ترا يالسه اسويه نفس الشي
عيسى : انزين متى بتخلصين
ريم : باقي شوي
خلصت ريم و راحو العزبه لان وايد ناس بيون
ريم دقت لسلمى

ريم : اقولج في وايد ناس
سلمى : لا لا نفسهم الي ايون يوم اني العزبه بس الي زياده هم قوم أهل امج و أهل ماما
ريم : اها اوكي يلا الحين بننزل و سكرت

عيسى : في عايله يديد هناك
ريم : لا بس قوم أهل ماما و أهل امك ياين
عيسى : هيه يلا خل ننزل
و نزلو و مسك أيدها و دخلو

زليخه : هلا والله ب المعاريس
ريم و عيسى يبوسون رأسها
ريم : اهلين
زليخه : تعالو دشو داخل كل حد داخل
دخلو و سلمو ع الكل و سعود كان يطالع ريم
عيسى يهمس لريم : دخلي شعرج
ريم : شعري طالع ؟؟
عيسى : هيه دخليه
دخلت ريم شعرها
زينب : ريم امي متى بتسافرون
ريم : لا يدوه ما بنسافر الحين
زينب : افااا ليش
ريم : عندي جامعه عقب ف الاجازه بنسافر
زينب : هيه
زليخه تصارخ : اقربو ع العشا حياكم
ع العشا ريم قامت
ريم : أكرمكم الله
عبيد : ما كلتي شي
ريم : شبعت ( ريم م تأكل لحم ) وراحت الحمام تغسل أيدها و هي طالعه من الحمام شافت سعود واقف وطنشته يت بتروح بس مسك أيدها
ريم : انت شو تسوي
سعود : انتي تعرفين اني ابا اخرب سمعتج
ريم : م يهمني سو الي بتسويه
امنه ( بنت خالتها ) شافتها واقفه مع سعود وراحت عند العايله
امنه : تعالو شوفو ريم الي ما تستحي واقفه مع سعود
وعلى طول عيسى قام و راح شاف سعود ماسك ايد ريم و ريم واضح انها تحاول تهد ايده لكن م كان يخليها
عيسى يصارخ : ريييممم

—————
صوتو 🥹