ريم : حمدااان
شوي ويت النيرس و نادت ريم تسوي التحليل و طلعت النتيجه
الدكتوره : الف مبروك انتي حامل
ريم تبتسم : الله يبارك فيج
الدكتوره : الحين انتي ف الشهر الاول لازم .. ويلست تقولها شو لازم تسوي و شو م تسوي وطلعت
حمدان : ها شو قالو
ريم : ماشي تعب عادي يلا امش بسير الصيدليه وراحو البيت
عيسى : م صورتي شي ف الكوفي غريبه
ريم :هي رحت المستشفى م رحت الكوفي
عيسى : سلامات شو فيج ليش م قلتي لي
ريم : بطني يعورني وقالو تعب عادي
عيسى : مره ثانيه قولي لي أنا بوديج و جهزي بنسير بيت يدي
ريم : اوكي و جهزو وراحو بيت اليد ودخل عيسى ميلس الريايل و كانت ريم بتدش بس سمعت يدها يقول لازم ايب ولده و الأحفاد يتعرفون على بعض وراحت داخل تركض
ريم : لحقو في علوم يديده
جود : شو مستوي
ريم : اول شي وين يدتي
عاشه : ف المطبخ
ريم : عيل قومو فوق م اروم اقول هني وقامو كلهم راحو فوق
شمسه : يلا قولي
ريم : يدي معرس و عنده عيال و احفاد ويبا أبيهم يتعرفون علينا
شمسه : متاكده هو جي قال
ريم : هيه سمعته
جود : ريمو ه السوالف م فيها مصخره
ريم : والله سمعته بأذني هو الي يقول صوته
العصر :
زليخه : مبروك
عبيد : على شو
زليخه : سمعت انك معرس و تبا تيب أحفادك يتعرفون على أحفادي
ريم فجت عينها لانه يدتها سمعتها
عبيد : اي عرس و اي بطيخ أنا قصدي عيال سليمان
زليخه : سليمان ولدنا
عبيد : عيل منو مثلا
زليخه تصارخ : ريمو مسوده الويه ليش تجذبين
عبيد قام بالعصى : يعني انتي الي تنقلين علوم
ريم تركض بالخفيف : يدي لا لا
عبيد : شو لا
ريم : والله حامل لا تضرب
عيسى : حامل !!
ريم تيلس كانها م سوت شي : هيه
زليخه : من متى
ريم : اليوم عرفت
حمدان : و تقولين تعب عادي
ريم : كنت بسوي مفاجاه بس والله خفت يدي يضربني م فيني
جود : اي شهر
ريم : الاول
ويلسو يباركون لها
ريم : المهم الحين منو سليمان ليش م نعرفه
عبيد : تبين تعرفين عشان تنقلين علوم
سلمى : لا صدق منو سليمان ليش م نعرفه
شمسه : ي الاغبياء سليمان اخونا بالرضاعة
عبيد : تزهبو الجمعه بسوي عزيمه عشان ايي
نوف : وناسه في عايله يديده
ميثه : هيه والله بيستوي شي يديد ف حياتنا
شمسه : يلا قومو بنروح
زليخه : تو الناس
ميثه بمصخره : سندريلا ريلها م يرضى ترد متاخر
زليخه : ميثو ويهد عيب
نوف تضحك: م قالت شي غلط
عبيد : تمو تمو أنا بكلمه
ميثه تبوس رأسه : قسم بالله احسن يد ف العالم
عبيد : هيه حق المصلحه بس
كلهم ضحكو عليها عقب راحو البنات الغرفه الي دوم يتجمعو فيها
ريم : وناسه بيكون في ناس يداد سلمو بندخلهم شلتنا
سلمى : اي شله وانتي حامل م بنروم نسوي شي
ريم : عادي توني اول شهر
سلمى : هه تتحسبين بيخلونج حبيبتي ها اول حفيد حتى يدوه بتحبج
رن فون ريم
ريم : ايههه عيسى يدق يا ويلي
حمده : ليش
ريم : لاني م قلت له
سلمى : روحي روحي م بيروم يسوي لج شي
ريم ردت
( عيسى : يلا بنرد البيت
ريم : تو الناس تريا
عيسى : عندي شغل
ريم : عيل برد مع سلمى
عيسى : اوكي لا تتأخرين
ريم : اوكي باي )
ريم : سلمو يوم بتردين قولي لي برد وياج
سلمى : أنا يايه ويا قوم ماما تعالي ويانا
ريم : اوكي
ميثه : سوو فعاليات ملل
عليا : شايفتنا مهرجين
سلمى : صدقها شو رايكم نسير كوفي ونرد
كلهم : اوكي وراحو السياره
فالسياره :
نوف : اي كوفي بتودينا
سلمى : كوفي ال نيو ماما الي عدنا
عليا : مال ريمو!!
سلمى : هيه
نوف : ما شاء الله من متى
ريم : قبل م اعرس
عليا : انتو خلو من متى من وين لج الفلوس
ريم : مش مالي مال عيسى أنا مديره بس
حمده : اوكي ي المديره قهوتنا عليج
ريم : عادي تتحسبون بدفع حبايبي أنا من قبل م أصير مديره وانا آخذ ببلاش
سلمى : تخيلو يوم ودتنا أنا و مهور شو صار
حمده : قولي قولي
ريم : سلمى كفف
سلمى تضحك : لا لا م بقول بس حبيب القلب ناداها ويلست اقولهم شو صار
عليا : حبييت عصافير الحب
سلمى : تدرون ليش اليوم ال...
ريم قاطعتها : والله بقولهم شو صار ف الشوفه
سلمى : لا خلاص والله بسكت
حمده : سكتتها والله
ريم : شو عبالج تربيتي
حمده : شو رايكم أنا اقول عليا و خليفه شو يسون
ريم : قولي
سلمى : الله سوالف متزوجين اليوم
عليا : طالعه منها انتي و حمدو والله لو قلتي بقول
حمده : خلاص بسكت
ميثه : هاه شو ماسكين ع بعض
على ه السوالف وصلو الكوفي و يلسو دقت ريم ل مريم
( مريم : قولي انج ف الكوفي
ريم : هيه بتيين
مريم : أنا ف الدرب يايه
ريم : تعالي في شي غيرته ابا آخذ رايج
مريم : عند اللفه الحين بيي
ريم : بترياااج و سكرت )
وصلت مريم وراحت عند ريم
ريم تحضنها : مريوووم من زمان م يتي
مريم : كل م ايي م احصلج
قامت ريم من حضنها : تعالي بعرفج ع بنات عمي و عرفتهم على بعض و بسرعه خذو على بعض
مريم : يلا أنا بروح
سلمى : جب م بتروحين شوفو البنت الفله مش انتو
ريم : أصص يلسي مريوم اعرف م عندج شي
عليا : يلسي حبيبي
سلمى : حبيبي هاي قوليها حق خليفه يلسييي مريوم
مريم : استحي
ميثه : من شو تستحين تعاليي
مريم : اوكي شوي بس
يلسو يسولفون ورن فون ريم
( عيسى : هلا حبيبي انتي وين يت هني م حصلتج
ريم : اهلين هني ف الكوفي
عيسى : و تشتغلين صح
ريم : لا والله يالسه مع البنات اسولف
عيسى : انزين ليش م قلتي لي عن الحمال
ريم : ف البيت بقولك
عيسى : زين مش تشتغلين
ريم : لا م بشتغل تبا شي
عيسى : سلامتج يلا باي )
حمده تغمز لها : ها شو يبا الحب
ريم : يسلم عليج
سلمى ؛ عيسو يسلم م اصدق
حمده : محد يصدق أصلا
ريم : يعني شو يبا يسأل أنا وين راح بيت يدي م حصلني
عليا : حب و حركات
نوف : هاك اليوم أنا طالعه مع منو ريلها م خلانا نتهنى ف الطلعه كل شوي يدق
ميثه تضحك ؛ زين تسوين فيها يعني ريلها داق
ريم تكلم حمدان واتس
( حمدان دخيلك )
" شو تبين "
( بطرش رقم سلمى دق عليها و غازلها )
" تمم" وطرشت له رقمها شوي ودق ل سلمى
سلمى : ايهه رقم غريب ارد
ريم : هيه و حطيه سبيكر ردت و حطته سبيكر
حمدان : هلا حبيبي سلمى شحالج
على طول سلمى شلت السبيكر وقامت
ميثه تضحك : من وين ياب رقمها
ريم : أنا طرشت له عيل تطنز علي الحين بترد و ويهها طماااط
نوف : الله فعاليه يديده
عليا : حمدو الدور ياي عليج
حمده : لا م يخصني
عليا : عيل تأدبي
مريم : م فهمت شسالفه
ميثه : مافي سالفه بس تتطنز على ريايلهم شوي ويت سلمى ويهها احمررر
نوف تضحك : ليش ويهج احمر
ميثه تغمز لها : ليش يعني اكيد حبيب القلب تغزل فيها
سلمى : جب جب و ريمو براويج تعطينه رقمي
ريم : خيبههه مسرع قالج
سلمى : يعني انتي عاطتنه !!! م عليه براويج بس مش الحين اول م تربين
مريم : انتي حامللل!!
ريم : هيه
مريم : مبروووك الله يتمم لج على خير
ريم : امين
مريم : أنا بروح
ريم : وين تمي
مريم : لا لا وراحت
أنت تقرأ
ليتني ما عرفت الحب الاول
Actionريم عندها حبيب اسمه سيف و في يوم كانت تكلمه و انصدمت يوم شافت ولد عمها سمعها و بعد كم يوم خبرتها امها ان في حد خطبها و الصدمه كانت يوم عرفت منو خطبها....،.
