عيسى : في مره طلعتي ويا واحد كلهم لفو عليه بصدمه
ريم : أكييد لا
عقب اللعبه حمدان نادا عيسى على طرف
حمدان: انت شايف شي !!
عيسى : لا
حمدان : والسوال!!
عيسى : مافي شي بس جي يا ف بالي و سالته
حمدان : انزين وراح عنه
عيسى في داخله والله ما خليج يا ريم تخربين سمعه عمي و باخذج غصبا عن الكل حتى لو كنتي تحبين غيري ورد عندهم بعد ما خلصو شوي كل حد رد بيته
في بيت سالم كانو كلهم يالسين فالصاله
عيسى : ابويه أنا ابغي اخطب
سالم : ما شاء الله منو سعيده الحظ
عيسى : ريم بنت عمي
سلمى : قول والله
عيسى : مش تسيرين ترمسين جدامها
سلمى تبتسم : لا لا اكيد بخليها مفاجاه
عيسى : ها ابويه شو قلت
سالم : بكلم عدنان و بنشوف شو يستوي وانتي عاشه كلمي ام حمدان
عاشه : ان شاء الله و اخيرا يا امي بتعرس ما بغينا
عيسى يبتسم غصب : هيه هيه
بعد سبوع في بيت اليد ف ميلس الريايل :
سالم : بو حمدان أنا طالب القرب منكم ابغي بنيتكم ريم لولديه عيسى
عدنان : والله ونعم لنا الشرف بس بنأخذ شور البنت
عبيد : لا مش كيفها غصبا عليها بتوافق
عدنان : أكييد بتوافق ولا وين بتحصل حد احسن عن ولديه عيسى
عيسى ابتسم لانه يحس عمه بيوافق
عدنان كمل كلامه : تعالو باجر العصر و ان شاء الله بتم الخطبه على خير
ثاني يوم الصبح :
جود : وانتي راده سيري الصالون زهبي ياين خطاب
ريم في داخلها ( ما شاء الله متى لحق يكلم أمه معقوله بس ليش ما قالي ): ان شاء الله و قامت طلعت سارت الجامعه و خلصت وراحت الصالون جهزت و ردت البيت لبست خلصت و دقت لسيف
سيف : هلا والله
ريم : اهلين ليش جي ما تقولي يعني تفاجأني
سيف : افاجاج في شو
ريم : سيف عاد مش وقت مصخرتك
سيف: لا صدق افاجاج فشو
ريم : يعني مش انت الي خطبتني !!
سيف : شوووو منوو الي خطبج
ريم دمعت : سيف لا تتمصخر والله مش وقتك
سيف : ريم انتي تعرفين شو يالسه تقولين!! حد خطبجج منو يعني الي خطبججج أنا ما خطبتج
ريم : أنا الحين جهزت شقول لامي
سيف : ريم دخيلج دخيلج لا توافقين راضي اليوم أني أنا وامي نخطبج بس دخيييلججج لا توفقين
ريم بصدمه : سيف انت تعرف شو يالس تقوللل ولا لااا انت ما خطبتنييي و غيرككك خطبنييي و الحين أنا زهبت ويالسه أترياها ايون اتحسب انت شقول لامي الحين شقول للناس
سيف : أنا بي الحين و بكلم ابوج بس ما تأخذين حد غيري و سكر الخط
ريم تنزل دموعها يعني الحين أنا أزهب لخطبتي من واحد غير سيف مستحيل مستحيللل
دخلت عليها امها و مسحت دموعها بسرعه
جود : هلا بعروستنا
ريم تتصنع الابتسامه : اهلين
جود : يلا الحين بيون بيت عمج
ريم : بيت عمييي!!! منو الي خطبنيييي
جود : شوفيج حبيبتي عيسى ولد عمج الي خطبج و الحين هم ياين فالدرب
ريم : عيسى !!
جود : هيه و يلا أنا بنزل هم بيوم بعد شوي و طلعت
يلست ريم عالشبريه تحاول تستوعب الصدمه شوي و سمعت امها ترحب و عرفت انهم وصلو
ريم فداخلها : خلاص أنا الحين بنزل و بسوي عمري طبيعيه و اول ما يروحون برفض سمعت امها تناديها و نزلت سلمت على سلمى و مرت عمها
عائشه : هلا وغلا فمرت ولدي
ريم : اهلين
سلمى يت عندها : والله اخوي بيغمى عليج لو شافج
ريم قرصتها : سكتي
سلمى : افاا شو فيج
ريم اتنهدت : مافيني شي
فجاه ياهم صوت عدنان : ام حمدان ريم راحو عنده
عدنان : ريم زهبي الريال يبغي يشوفج
ريم : بس ابوي..
قاطعها : لا بس ولا شي بتدخلين عالريال عيب ارده و هو متعني ومسكها و دخلها وياه و طلعو كلهم بس تمو هم الاثنين يلست بعيد عنه و قرب يلس صوبها
ريم : ليش تخطبني وانت تعرف اني اح.
حط صبعه على حلجها : اششش خلاص انتي بتصيرين حقي عيب تتكلمين عن مشاعرج لحد ثاني جدام ريلج
ريم دزت صبعه : واثق اني بوافق يعني
عيسى ابتسم : اكيد دام يدي قال عيب ترد ولد عمها
ريم : مش كيفكم و ما باخذ إلا الي اباه و طلعت راحت يلست مع الحريم فالصاله و كانت تحاول تسوي عمرها طبيعيه فجاه ياهم صوت صراخ من برع
—————-
شو تتوقعون صار
أنت تقرأ
ليتني ما عرفت الحب الاول
Actionريم عندها حبيب اسمه سيف و في يوم كانت تكلمه و انصدمت يوم شافت ولد عمها سمعها و بعد كم يوم خبرتها امها ان في حد خطبها و الصدمه كانت يوم عرفت منو خطبها....،.
