جبروت أخي

من هي

.. نعم نعم بتقول ايه مين اللي هيتجوز عمرينو انت كداب ياض مستحيل يعني احنا ما عملناهاش يقوم هو يعملها 😕😕

ياسين وهو يقترب من عمار .. عمار انت متاكد من اللي انت سمعته مستحيل بابا يعمل كده مستحيل

سيف ... مستحيل ليه يا اخويا احنا جنسنا ملهوش امان 😁😁

عمار.. انت فيك دماغ تهزر وتضحك قل لنا هنعمل ايه في الكارثه دي

سيف.. ولا حاجه يا خبر النهارده بفلوس بكره يبقى ببلاش يعني هو لما هيتجوز مش هيقول لنا اكيد هيجمعنا ويقول لنا وساعتها هنعرف مين اللي اخذت قلب ابوك ⁦(⁠~⁠‾⁠▿⁠‾⁠)⁠~⁩

ياسين.. واحنا لسه هنستنى انا رايح دلوقتي اعرف مين هي

سيف ... شفت ادي اخره اللي يتكلم قصاد الفتان ده عليا النعمه عيله هم هتجيبونا ورا انتوا تخرسوا خالص وانا هعرف مين هي وساعتها نحط الخطه اللي تطفشها

عمار... بس ايه اللي خلاه يفكر يتجوز دلوقتي

سيف ... يمكن زهق منكم فقال يغير 😏😏

عمار.. بس احنا مش هنسمح بكده انت مش هتسيبني يا خال صح

سيف ... اه يا كلاب يا جزم ما تعرفوش ان انا خالكم الا في مصلحتكم بس لما نعرف هي مين الملاك المنتظر لعيله عز الدين ⁦(⁠~⁠￣⁠³⁠￣⁠)⁠~⁩

...... ليدخل زيدان وكارم في تلك اللحظه....

زيدان.. مالكم حاطين راسكم في راس بعض ليه كده مش كنت لسه بتضرب الواد دوت وسامع صوته بيقول حرمت حرمت ايه اللي حصل

ياسين وكالعاده... بابا هيتجوز يا زيدان ومش عارفين مين هي

.. هههههههههههه انت بتهزر صح مستحيل عمي يعملها ده ما عملهاش زمان يعملها دلوقتي سمعت الكلام ده فين ياض

سيف... عمار عيوطه قال كده بيقول ان سمع عمرينو وهو بيهدد الواد عثمان وبيقول له انا هتجوز وارتاح من خلفتكم السود ده يا عيله هم جننتوا الراجل الله يسامحكم وبسبب ان انتم جننتوه رايح للجنان برجليه حد يتجوز في راجل عاقل يتجوز طب هو تجنن مره ليه يتجنن الثانيه.

كارم .. سيف مش وقت هزارك الكلام ده لو بجد يبقى كارثه مين دي يعني اللي تخش بيتنا وحياتنا بعد العمر ده كله

سيف ... الكتعه ما فيش غيرها

الكل في صوت واحد ....اااالكتعه

سيف ... ايوه اكيد اللي هتيجي على البيت هتبقى زي الكتعه تسلخنا وتضربنا وتقص شعر الواد ياسين وتلسعه في بقه عشان فتان وهتلم الغسيل عمار عيوطه تخليه يغسله وهتخلي الواد عثمان يمسح البيت كل يوم لحد ما ظهره ينكسر وهتخلي الواد كارم ينزل السوق يجيب الخضار والفاكهه واللحمه وزيدان هتخليه يرمي الزباله وحسام يا عيني هتخليه ينشر الهدوم اما الواد معاذ فاكيده هتمسكه السلك عريان يا عيني يا حبايبي هتتعذبوا كتير هتبقوا عيال معذبة