- تعالي هنا !
-نعم؟
-ايه الي اخرك يا استاذ ! وماشي تتسحب في البيت؟
ضحك:كنت بخونك يا ستي ها ايه تاني؟
-قولي كنت فين يا ليث عشان شعرك الجميل دا هيوحشك !
ابتسم بخبث وغمز: بتسالي ليه!؟ بتحبيني؟
- ها؟ لا بعد الشر عليا ، تف من بوقك يا اخي !
بس قولي ياليث ايه الشنط الكتير اللي في ايدك ديه ؟؟
- بتحبيني يالئيمه؟
اتعصبت: ليث!!
ضحك: حاضر حاضر دول يا ستي شويه اكل وجبت للهانم مراتي الشكولاته الي بتحبها!
- قول والله كدا !
- اه والله وجبت كبده وفينو وشويه توابل وشيبسي و.....
- ايييه كل داا ؟ انا مش بعرف اطبخ ياعم انت !!
- ومين قالك انك هتتطبخي ، مفيش مستشفي قريبه من هنا !!
-منا مش هط...مستشفي! انت تقصد ايه يالا؟
انا وليث اتجوزنا ولكني مغصوبه عليه حكم انه جاري وصحاب الطفوله ، اتجوزته غصب عشان رفضت ناس كتير بسبب اني عايزه اخلص دراستي واسافر واهلي اعترضو طبعا!
ضحك: جهزي السفُرهّ يا ام لسِانين وتعالي اتفرجي عليا واتعلمي!
ضحكنا شويه وغير هدومه ولبس مريله المطبخ ، حقيقي كان شكله قمر بيها ولا ضحكته اللي كل شويه تخطف قلبي ديه !
اعدت اتفرج عليه وهو بيقطع الكبده والفلفل والبصل والله ولا انه الشيف الشربيني!
بصتله بصدمه : ايه ياولا الطعامه والحلاوه ديه!؟
-عجبتك ؟ اعترفي!
- ناولني الساندوتش التاني كده
- هو انا مقلتلكيش؟
- لا مقلتليش!
- منتي ليكي ساندوتش واحد وانا الباقي!
نطيت عليه اخد السندوتشات منا مش هسيب العظمه دي بردو ! ..
تقريبا بحبه!؟ ...شويه ..؟...شويتين؟ ...تؤتؤ انا دايبه فيه!
- اعده في البلكونه لوحدك بليل ليه يا هانم؟
اتلفت ليه : عندي امتحان وقلقانه مش عارفه انِآم
- لازم تنامي يا ايسل متقلقيش هيجي سهل وانتي عملتي الي عليكي !
- بس انا خ...
- شش مفيش بس يا ست هانم يلا ادخلي نامي لحد ما اعملك النعناع يهديكي وتنامي يلا !
مفيش احلي من انك تلاقي شخص مهتم بيك وخايف عليك والاهم من ده كله انه بيحبك!
خلصت الامتحان ، كده خلصت دراسه لانو اخر امتحان خلاص!
