اخذت سلمي تفرك يديها وهى تجلس فوق الاريكة تارة و تارة اخرى تنهض لتتحرك فى ارجاء الغرفة بغضب اعمى و ندى تراقبها وتهز كتفيها بلا مبالاة لتصرخ سلمي بعنف
= انا هتجنن راحوا فين كل ده اخد البت دى وراح فين
لتقول ندى
= اهدى يا سلمي مش كده
التفتت اليها سلمي
=اهدى بتقوليلى اهدى وانا عارفة ان جوزى خارج مع واحدة غيرى طول اليوم ومش عارفة فين وتقوليلى اهدى ا ه لو قدامى دلوقتي كنت قطمت لها رقبتها
ثم اتبعت كلامها بحركة من يدها كما لو كانت تلوى شيء بكل غل نظرت ندى اليها لاتدرى اتتعاطف معها وهى تراها بتلك الحالة وتحاول التهوين عنها ام تتجاهلها وتنهض من المكان فهى لاتريد مشكلة اخرى معها وخصوصا انها لم تعد تستطيع التكهن بافعالها مرت الدقائق وسلمي ع تلك الحالة حتى سمعت صوت سيارة تتوقف ف الخارج لتهب سريعا تذهب الى النافذة تنظر الى الخارج لتتغير ملامحها للشراسة وهى تقول
=اهم شرفوا وتهب سريعا للخروج من الغرفة لتفتح باب القصر الخارجى تنتظر امامه تتابع بعينيها صقر ينزل من سيارته ويتجه الى باب روح يفتحه وهو يبتسم لها لترد روح له ابتسامته بخجل احست وقتها سلمي بالنيران تشتغل بداخلها وهى تراه قادم
باتجاهها يمسك بيده يد تلك الفتاة كما لو كانت طفلة صغيرة لتبادر باستقباله ف محاولة منها لتجاوز شجارها معه ف الصباح لتبدو الامور طبيعية لتضع كفيها فوق كتفه وتميل عليه تقبل وجنته وهى تقول بصوت حاولت اظهاره طبيعيآ
=اهلا حبيبى واحشتنى
راقبت روح استقبال سلمي لصقر بشىء من الضيق وهى تراه يضع فوق خصر سلمي يضمها بخفة ثم يبتعد دون اى تعبير ع وجهه ليقول بهدوء
= اهلا ياسلمي
لكن سلمي لم تفوت فرصتها وامسكت ذراعه تشده لتذهب معه الى الداخل تحاول اظهار السعادة وانها تجاوزت شجارهم تقول بهمس مغرى
= انا مستنياك ع الغدا من بدرى بس انت اتاخرت عليا اووى
راقبت روح ما يدور وهى تسير خلفهم تستمع الى حوار سلمي الهامس مع صقر تحاول لا تعيرهم اهتمام ولكنها ارهفت سمعها لتستمع الى رد صقر عليها يقول بجمود
=معلش يا سلمي اتغدى انتى احنا اتغدينا برا
تصلب جسد سلمي عقب سماعها لاجابته ولكنها حاولت عدم اظهار ذلك لتقول بمرح مصتنع
=مفيش مشكلة يا حبيبى المهم انك جيت بالسلامة
دخلوا جميعا غرفة الاستقبال لتجلس روح بجوار ندى التى ابتسمت فور دخلوها تقول لها فور جلوسها بفضول بهمس
= شكلك مبسوط روحتوا فين احكيلى لترد روح بنفس الهمس
= هقولك بعدين
ونظرت بطرف عنينها ناحية سلمي لتفهم ندى مقصدها ولم تمر ثوانى حتى دخلت احدى الخادمات تقول باحترام صقر بيه كل الشنط والحاجات اللى ف العربية نزلت تحب نوديها فين قال صقر بهدوء طلعيهم اوضة روح هانم لتلتفت اليه سلمي تساله بجمود =حاجات ايه دى يا صقر
ليرد صقر دون الالتفات اليها بنفس الهدوء
= حاجات تخص روح
سلمي بعصبية
= ايوه يعنى ايه هى الحاجات دى التفت اليها يقول
=حاجات ميخصكيش تعرفيها ياسلمي لتهب واقفة تقول باستهجان
=يعنى ايه متخصنيش انت لازم تقولى ايه الحاجات دى بالظبط والا......
وقف صقر يقابلها يقول بتحدى هادىء =والا ايه يا سلمي كملى كلامك احب اسمعه
تلعثمت سلمي بالكلام وهى تقول
= انا... ه...
ثم ضربت الارض بقدميها بغضب
= انا لازم اعرف انت اخدت البت دى ورحتوا فين واشتريت لها ايه بالظبط اقترب صقر من وجهها اكثر ليقول بغضب بارد
= قلتلك ميخصكيش ومش عاوز اسمع كلمة تانية
ادركت سلمي من حديثه انها قد خسرت بطريقتها تلك فهى ادرى الناس بان صقر لاياتى ابدا بالعند فقررت اللجوء لسلاحها المعتاد معه الا وهو دموعها لتغرق عينيها بدموعها وهى تنظر اليه وترسم خيبة الامل فوق وجهها
=كده يا صقر لتانى مرة النهاردة تتكلم معايا بالطريقة دى
ثم انهارت بالبكاء لتخرج من الغرفة ف مشهد تمثيلى رائع
بعد خروجها العاصف من امامه انتظرت ف غرفتها تنتظر حضوره اليها تعلم جيدا انه لن يمرر بكاءها امامه و حضوره لمصالحتها وهذا ما حدث بالفعل فقد جاء اليها ليجدها مازالت علي بكاءها ليضمها اليه بهدوء يقول
=انا مش فاهم انتى بتعيطى ليه دلوقتي
لتزيد من تصنعها البكاء وهى تقول علشان
=انت اتغيرت معايا وبقيت ع طول عصبى مش مستحمل منى كلمة عن الهانم
زفر صقر يحاول تجاوز حديثها بتلك الطريقة ليقول
= سلمي هترتاحى وتريحينى لو فعلا بداتى تأقلمى نفسك ان روح مراتى زى ما انتي مراتى بالظبط وبلاش كل شوية مشكلة ملهاش داعى
رفعت راسها تقول بعبوس
= انا يا صقر بحاول اعمل مشاكل وهعملها لمين لحتة البت الفلاحة دى زفر صقر بغضب يبعدها عنه بقوة
=تانى يا سلمي هترجعى لنفس الطريقة ليكمل صارخا
=افهمى دى مراتى ومش هسمح لحد يتكلم عنها باى طريقة متعجبنيش احتدت سلمي هى الاخرى تنسى كل ماحدثت به نفسها عن محاولة جذبه اليها لتقول بسخط وغيرة عمياء بصوت عالى النبرات
= محدش يبقى مراتك غيرى وحتة البت دى جاية بس تجبلك الولد يعنى حاجة تخلف وبس
احس صقر بالنيران تشتعل بداخله من حديثها ليقول بغضب ضاغطا على كل حرف يخرج من شفتيه بتصلب
= بالظبط الولد اللى انتى رفضتى تكونى امه
ويرفع سبابته يضغط بها فوق جبهتها ليكمل حديثه ببطء
= وياريت الدماغ دى تفهم الكلام ده كويس
ثم يلتفت مغادرا الغرفة بخطوات متصلبة مغلقا الباب خلفه بقوة اهتزت لها ارجاء الغرفة لتقف سلمي تنظر الى الباب ونار حارقة تكوى قلبها تشعر بسواد غيرتها يغطى كل شيىء امام عنيها لتقول بحقد
=كده يا صقر طب ما بقاش سلمي اما عرفت الفلاحه دي مقامها
