دخل ادهم الى جناحه الذى يقطن فيه هو زوجته وطفلهم البالغ من العمر سنة ونصف وهو يشعر بارهاق اليوم كله يجتمع ف جسده وياله من يوم فمازال ماحدث من زوجة اخيه امام العائلة كلها
يشعره بالغضب والاستنكار فما باله باحساس اخيه نفسه هتف ادهم بحرقة كان الله ف عونك يا اخى حقا كان الله ف عونك وجد زوجته تضع ابنهم فوق فراشه بعد ان نام سار اليه وانحنى بجسده فوق فراش صغيره يقبله بحنان
فما حدث اليوم لم يترك له الفرصة لرؤيته قبل نومه وقفت ندي تنظر الى زوجها تحاول ان تفهم من ملامحه ماحدث بينه وبين اخيه فلم تستطيع فهى لاترى غير نظرة حنان يوجهها الى صغيرهم فلم تقاوم فضولها فتسارع بسؤاله بلفهة ياكلها الفضول
=هااا يا ادهم عملت ايه مع
صقر عرفت هو ناوى علي ايه ؟؟
تحرك ادهم بارهاق باتجاه السرير وجلس عليه يرفع انظاره اليها ناوى على اللى هى طلبته وهينفذه ليها صرخت ندي بذهول
= بتقول ايه يعنى ايه ينفذ اللى طلبته هو ما صدق ولا ايه
نهض ادهم بعنف عن السرير وهو يتوجه اليها ويمسك بذراعيها بخشونة " =وطى صوتك الولد يصحى وبعدين مستغربة ليه ما انتي دايما بتقولي الاشعار ف حب صقر لسلمى وانه مش باخر لها طلب اشمعنا المرة دى
ارتبكت ندي وهى تتلعثم ف الكلام
=اص... ااا.... يعن..... ماهو مش كل طلب تطلبه الست من جوزها يعمله ليها ادهم بغضب
=ومش كل ست بتطلب من جوزها انه يتجوز عليها وادام اهله كلهم
تلعثمت ندي بالكلام وهى تحاول الدفاع عن صديقتها
=ما اننت عارف هى عوزاه يخلف وخصوصا انهم متجوزين معانا من 3 سنين ولسه ربنا مكتبش ليهم بالاولاد ضحك ادهم بغضب وهو يترك ذراعيها ويتحرك بعيدا عنها وهو يقول
= ندي لامتى هتكونى زاى البغبغان بيردد كلام سلمى من غير مايفهم
نديي بغضب
= تقصد ايه انى ما بفهمش وانى..... قاطع حمرةكلامها ببرود يخفى تحته الكثير من الغضب " لا يا حبيبتى مقصدش بس انتى فاهمة انك بترددى كلام سلمى وانتى عارفة ومتاكدة انه مش صح واظن العيلة كلها عرفت ده النهاردة
سكتت ندي بارتباك وهى تنظر لادهم بحزن فهذه طبيعتها دايما ترى الجانب الطيب من الناس مهما كانت طبيعتهم " =بس يا ادهم سلمى صعبانة عليا اوووى هى حاولت تفكر ف سعادة صقر
تحرك ادهم اليها وهو ينظر اليها بحب فهو اعلم الناس بقلبها وصفاء نيتها اخذها بين ذراعيه يحاول ان يظهر لها الامور
=ندي انتى بتتكلمى عن سلمى كأن موضوع الاطفال ده غصب عنها مع انك عارفة انه بمزاجها قررت انها متخلفش من اخويا فاهمة يعنى ايه ده بالنسبة لاى راجل لما يعرف ان مراته بتفضل انه يتجوز غيرها يخلف منها على انها تشيل من صلبه طفل فاهم ده بيقتل ايه ف اى راجل صقر صبر عليها 3 سنين وافق انهم ياجلوا الموضوع وقال مع الوقت هتحن لامومة والاطفال بس لااااااااااااا الست سلمى قررت ونفذت وعلي صقر السمع والطاعة
ندي بحزن وهى تفكر ف كلام ادهم
=فعلا صعبة اوووى ازاى انا مفكرتش بالامور من ناحية صقر يمكن علشان صقر دايما شديد ومفيش اى حاجة بتقدر تهز شخصيته فمتخيلتش انه ممكن ينجرح زينا لم يشعر ادهم بذراعيه وهى تشتد حول ندي من مشاعر الغضب التى تستعير بداخله وهو يتذكر ماحدث اليوم
يتذكر سلمى وهى تقف امام العائلة كلها تعلن بكل برود وثقة عدم نيتها الانجاب من صقر وانها بتسمح له ان يتزوج غيرها وقتها لولا انه استطاع امساك اخيه بعد كلامها لكان صقرقد قتلها من شدة غضبه وقتها
قال ادهم
=اسمعينى يا ندي اللى قرره صقر هو القرار الصح اللى عملته سلمى النهاردة كسر شيء ف صقر مش ممكن الايام تصلحه يمكن صقر بيحبها بجنون بس زاى ما صقر بيحب بجنون بيكره برضه بجنون وده الللى سلمى ما تعرفوش عن صقر وهى بدات تشوف الوش التانى لصقر اللى ماتمناش لالد اعدائى انه يشوفه
