الجزء 1
تحلات باب ديال طوموبيل فالأسود من نوع jeep طوموبيل عالية و سوداء كتوحي بواحد الفخامة و رقي نزل منها شخص لابس كلشي فالاسود سروال فالاسود و شوميز حتى هي فنفس اللون محلول الصدايف ديالها من الفوق و باين لحمو المبرونزي و المزين بشعيرات خفاف مع وشام كايثير نظر حيد النظارات السوداء من عينو و علقهم فالصدرو و بان وجهو بوضوح شاب جميل وسيم طول و فخامة فيه واحد الهيبة كتوحي انه سيد أعمال او من إحدى الشخصيات المشهورة سمراء البشرة و لحية خفيفة مزينة دقنو عيونو سوداء و صغار و لكن زينهم فشكل كيلمعو ربما بالحب ، واضح انه العشق دار فيه حالة غير من البوكي ديال الورد اللي هاز فيدو و كيبتاسم علاش لا وهو مراتو اللي كيحماق عليها عندها اليوم عيد ميلاد .
سد الباب ديال طوموبيل و حط يدو من مور ضهرو كيتحسس المسدس اللي عندو تحسبا للحماية ديما دايو معاه نظرا لانه شخص معروف و كيخاف على راسو اعدائو كثار خاصة ان المهنة ديالو كتفرض عليه ياخد الاحتياطات ما كيخرجش بلا بيه بغا يحطو فالطوموبيل و لكن ما كيثيق فحد فضل انه يدخل و يخبيه فالمكان المخصص ليه حيت اليوم محال واش غايعاود يخرج من دار عوال يشد الزوجة ديالو ياكلها و يفتارسها حيت موحشها بزاااف خصوصا انها كانت غايبة عليه مدة و هي مخاصمة معاه و لكن اليوم ماشي بحال باقي الايام اليوم هو نهار مميز بالنسبة ليه شحال من مرة كان كينسى عيد ميلادها و لكن حبو ليها بدا كيغيرو مابقاش كيقدر ينسى نهار تزادت لدنيا هي الفرحة ديال حياتو قاسات معاه بزاف باش ترجعو الشخص اللي هو عليه اليوم و انه يتدكر نهار ميلادها اكثر حاجة بسيطة يقدر يديرها باش يشوف الفرحة فعينيها ...
بخطوات ثابتة اتاجه نحو الباب ديال الفيلا جبد سوارت من جيبو فتح الباب كيتمشى بكل ثقة راس مرفوع و داك البوكي ديال الورد فيدو ابتاسم باستهزاء حيت عمرو ما كان كايتوقع شخص بقصوحية قلبو و الكاريزما ديالو غايحن قلبو شي نهار للجنس اللطيف ...
اتاجه لبيتهم بخطوات ثقال حتى الخدمات ما مخليهومش ليها واخا عيات تهضر ما كايثيق فحد حط يدو على الباب بالحلة باش حلو الابتسامة تلاشات شنو أصعب من واحد الانسان يدخل لدارو و يلقا مراتو فوق الفراش مع صاحبو روح بروح كيقبل فيها بكل لهفة سرير كيتهز و قلبو كايتهز معاه الدنيا توقفات للحظات العافية شعلات فيه من صبعو الصغير حتى لآخر شعرة فراسو الدنيا بدات كتبان ليه ظلام خاصة فاش التافتت الزوجة ديالو لعندو شافت فيه و ابتاسمت ليه باستهزاء و صاحبو عنقها من بطنها كيشوفو فيه بالتحدي بجوج بيهم كانهم كيقولو ليه شنو ف شلك ما دير و كأنهم مستمتعين بشنو كايديرو ما كاين فعينيهم حتى قطرة ندم بالعكس جرأة كبيرة و تحدي كأنهم كانو منظمين مسرحية من داكشي رفيع و كان هو البيدق فيها هو كان غير واحد لعبة كيحركوها بيديهم طيلة المسرحية و اليوم طلعات الكتابة ....
أنت تقرأ
ملاك منتصر 🇲🇦 (مكتملة)
Romance-----------Romantic love Story ----------------- 🖤 ملاك منتصر 🖤 ✍️Fatima Zahra ouba ✨️ هي ضلعي الأعوج الذي بدونه لاتستقيم الحياة ✨️ ✨️إِتَخْذتُكَ ماءً، و نسيت أن الماء قد يَروي و قد...
