الجزء 3:
❤️🔥❤️🔥❤️🔥
فمكان آخر و بالضبط داخل حي شعبي فاحدى المنازل جالس شخص كينين و حداه صاحبو كيضمد ليه جراحو و نطق ...
~: أصاااحبي شكون عطاك هاد العصا كاملة
نطق هاداك الشخص المضروب بعصبية ...
~:هداك الاحمق اللي كايكون حدا داك السوسي
نطق صاحبو مجاوبو ...
~: وايلي يا داك الاحمق هو اللي عصاك ولايني ز****
جاوبو هاداك اللي واكل العصا ...
~: اااي بشوووية ا ز*** الا بقات فيه تبقا فيا اليوم نكرض ليه دوك اليدين
جاوبو صاحبو قائلا ...
~:وا صراحة يستاهل ديلمو اش داه يقرب ليك كنتي غاضرب بريكول حرمها عليك ولد الق***
قال لاخور بعصبية ...
~:ما توقعتهاش منو الاحمق لاخور و الله حتى نقتلو اليوم و نشرب من دمو الا ما عطبتوش ما نتسماش زيزوار الا بقات فيه تبقا فيا
❤️🔥❤️🔥❤️🔥
صدمة كانت قوية على ملاك اللي شافت منتصر ماد ليها ديك 200 درهم ما توقعتهاش منو تفاجئت و نطقات ..
ملاك : ديالش هادي ا منتصر ؟؟؟؟
ليلى نطقات فودنيها بخفوت تحت نظرات منتصر اللي ما قال والو ...
ليلى: عليها جايبة ليه الماكلة يا طماعة و انا نفهم
ملاك التافتت عندها مخنزرة و قالت بخفوت هي الاخرى...
ملاك : أشمن طمع أ زمر بحالي بحالك و ...
قاطع كلامها منتصر اللي قال بصوت رجالي خلا ملاك تلفت ليه بلا ما تشعر...
منتصر : خلاصك
ملاك تدكرات نهار جابت ليه الكسكس قالت ليه خاصك تبدا تخلصني عاد فهمت علاش ماد ليها ديك 200 درهم ، ابتاسمت بلا ما تشعر عاد عرفات منتصر مسكين غا نية و عندو نيشان نيشان و ما كاينساش ما توقعاتش أنه غايعقل على كلامها صرطات ريقها و نطقات موجهة نظراتها لعينيه ...
ملاك : انا جبت ليك هاد المرة الماكلة باش نشكرك ماشي باش تخلصني و ...
منتصر ما خلاهاش تكمل كلامها جر ليها يديها لعندو الشيئ اللي خلاها طرطق عينيها فيه بصدمة و حط ليها دوك الفلوس فيديها و قال بخفوت موجه نظراتو لعينيها ...
منتصر : شكرا
عطاها بالضهر و اتاجه لبلاصتو جلس فحين ملاك بقات غاكاتشوف فيه تارة و كاتشوف فداك الفلوس اللي فيديها تارة اخرى و دماغها خدام كايفكر حتى جراتها ليلى من حداه و نطقات ....
ليلى : اويلي واش متأكدة هدا احمق احمق ؟؟؟ اويلي عطاك ربعالف ريال على قبل دوك جوج بطاطات و جوج خيزويات اللي مطيبة مع شوية ديال شلاضة هاويلي يا ويلي و راه هبيل نيت كن غازدتيه شوية ديال ديسير كن عطاك مليون واقيلة
أنت تقرأ
ملاك منتصر 🇲🇦 (مكتملة)
Romantizm-----------Romantic love Story ----------------- 🖤 ملاك منتصر 🖤 ✍️Fatima Zahra ouba ✨️ هي ضلعي الأعوج الذي بدونه لاتستقيم الحياة ✨️ ✨️إِتَخْذتُكَ ماءً، و نسيت أن الماء قد يَروي و قد...
