الجزء 4:
و زادت ابتسامتها فاش سمعاتو قال بصوت رجولي ...
منتصر : أنتِ ملاك
ملاك ضحكات و حطات يديها على لحيتو و نطقات بابتسامة ...
ملاك : بديتي تعنب عليا و ها اللي ما بغيناش . و لكن مقبولة منك الله يشافيك أ منتصر تهلا فراسك و ما تخليش ناس يبقاو يتعداو عليك ماشي ديما غاتلاقا بناس بحالي يعاونوك خاصك تعلم ما تخلي حتى واحد يقرب ليك
منتصر صرط ريقو و بقا ساهي كيشوف فيها بنظرات مليئة بالحنين للماضي كأنه باغي يقولها كن تعرفي شكون هاد الشخص اللي قدامك كاع ما تقولي هاد الهضرة تمنى كن كان قادر يقولها هو شكون و لكن لسانو مربوط ما قادر ينطق بوالو دماغو مزال عاد كايسترجع دكريات الماضي . مزال كلشي جديد بالنسبة ليه من بعد ما دوز عام كان من اصعب الاعوام اللي مرو عليه ها هو اليوم بدا كيتكلم و حالتو بدات كاتحسن و هادشي شنو سر فيه و شنو اللي خلاه يوصل لهاد الحالة هدا هو السؤال المطروح ...
ملاك فتحات الباب و هو يحنى راسو و خرج من دار هو الاول عاد تبعهم وحيد اللي هاز الملايات فيديه و عاوناتو ملاك فتحات باب سيارة حطهم فالخلف ...
ربتت على كتف وحيد و نطقات
ملاك : شكرا شاب وحيد ديالي ما منكش جوج سير الله يكثر من امثالك
وحيد : [ بابتسامة ] سيري الله يقلل من امثالك
ملاك : وحيد و باراكة صافي شبعتيني معيار هاد نهار راه ما كانبغيش ندير فيك راسي
وحيد : تصبحي بخير حتى نتلاقاو فلافاك أ ختي واخا ما عارفش شنو دنب اللي درت حيت باقي غانشوفك يلاه تهلاي
وحيد اتاجه لباب السياقة فتحو فحين ملاك فتحات باب السيارة الامامي بيديها لمنتصر اللي كان واقف غير كايسمع الحوار اللي كيضور بين ملاك و وحيد ...
ألقى عليها آخر نظرة قبل ما يمشي كانه كيودعها فحين هي ابتاسمت ليه و لاول مرة كتشوفو كيبادلها الابتسامة ولو طفيفة ما عرفاتش علاش فرحات و حسات براسها و كأنها حققات انجاز عظيم فهاد اللحظة...
طلع و سدات الباب فحين وحيد ديمارا طوموبيل و هي تبدا تدير ليه باي باي بيديها و هي تشوفو حتى هو هز يديه كيودعها هو الآخر بنفس الطريقة زادت فرحات فاش شافتو كيتفاعل معاها واضح انه كيفهم و كيتكلم غير شنو قصتو حتى رجع بحال هاكا ما زال ما عارفاتش و ما غاتمشي حتى تعرف ...
قلع وحيد و تحركات سيارة فحين ملاك بقات واقفة كتشوف فيهم حتى اختفات الطوموبيل على أنظارها و كتنهد متعبة من احداث اليوم و هادشي اللي عاشت ماكانتش متوقعة شي نهار غاتعيشو ...
كي قالت بسم الله فطنجة تعرفات على مجنون و لكنه ليس كباقي المجانين هاد المجنون هو صاحب أغلى ساعة يدوية في العالم كيف دارت حتى وصلات ليديه اضافة لوشام اللي مزينة داتو اضافة الى انه نقد صاحبتها من شفار و بشهادتها كانو ضرباتو قاصحين ما كاش شخص عادي و ما عمرو غايكون عادي اشياء كثيرة شاغلة بالها ...
أنت تقرأ
ملاك منتصر 🇲🇦 (مكتملة)
Romansa-----------Romantic love Story ----------------- 🖤 ملاك منتصر 🖤 ✍️Fatima Zahra ouba ✨️ هي ضلعي الأعوج الذي بدونه لاتستقيم الحياة ✨️ ✨️إِتَخْذتُكَ ماءً، و نسيت أن الماء قد يَروي و قد...
