الجزء 11:
بغات تهضر و هي تشوف داكشي اللي موراه بقات غا مصدومة ....
ملاك تصدمات من شاحنة كبيرة واقفة من موراه ديال طريطور مشهور ما عرفات ما تقول ما حيلتها لصدمة ديال الملابس و الحالة اللي شافها بيها ما حيلتها لشنو كاتشوف من موراه ...
منتصر منين شافها هاكاك قرب و بغا يسلم عليها بالوجه و تدكرات بلي ما غاسلة وجهها ما والو و هي تبعد و حركات راسها بالنفي و قالت ....
ملاك : ما غاسلاش وجهي
منتصر بغا يجاوبها و هو يسمع ماماها كتناديها ....
زهور : ملااااك شكووووون اللي جاااا
منتصر جاوبها فالبلاصة قائلا ...
منتصر : نسيبكم أ الحاجّة
ما هي الا ثواني قليلة حتى تحل الباب من طرف زهور اللي كتبتاسم و فرحانة بنسيب ...
ملاك استغلات الفرصة و هربات من حداه على الاقل غير تغسل وجهها و تقاد شعرها تجمع ما تبقى من الكرامة ديالها فالبلاصة طرفات حالتها فالحمام و خرجات لقات شي رجال هازين شي كرطان و كيديو للكوزينة ما بقات فاهمة والو ...
حلات ملاك الباب ديال زنقة بان ليها منتصر واقف برا مع شي راجل و رجعات دخلات وقفات حدا زهور و حليمة فالسيجور اللي بقاو غا مفهرين فداك الخير اللي جاب ليهم منتصر تكلف بكلشي ما خلاها توجد حتى حاجة البساطل الدجاج نص حولي مشوي شلايض العواصر الغواطو الديسير على الاشكال و الانواع كاع داكشي اللي غايحتاجو جابو ليهم ...
زهور : و الله حتى عدب راسو مسكين
حليمة : و هدا هو النسيب و الا فلا
ملاك نطقات فرحانة و عينيها كايلمعو ...
ملاك: و قولو تبارك الله لا تقوسو ليا على الراجل
زهور : هادشي يكون فخبار ميمونة
ملاك و حليمة ضحكو و قالو دقة وحدة ...
ملاك : محاااال
حتى سالاو هادوك الحطان ديال داكشي و خرجو عاد تبعاتهم زهور تشوف فين هو منتصر بان ليها كايهضر فالتيليفون و هادوك اللي خدامين مع طريطور ركبو فالشاحنة ديالهم و مشاو ...
منتصر قطع الخط و تقدم بخطوات ثابتة و الابتسامة على وجهو حتى قرب لعند زهور ...
زهور : الله يا ولدي و مالك معدب راسك
منتصر ضحك و قال بهدوء....
منتصر : بالعكس ما كاين عداب حنا غانرجعو عائلة ما بغيتكم تهزو الهم لحتى حاجة
بغات تجاوبو و هو يشوف ملاك حتى هي خرجات وقفات حدا زهور و قالت مسبلة عويناتها و صوتها الرقيق اللي كيختارق قلبو نيشان ...
أنت تقرأ
ملاك منتصر 🇲🇦 (مكتملة)
Romance-----------Romantic love Story ----------------- 🖤 ملاك منتصر 🖤 ✍️Fatima Zahra ouba ✨️ هي ضلعي الأعوج الذي بدونه لاتستقيم الحياة ✨️ ✨️إِتَخْذتُكَ ماءً، و نسيت أن الماء قد يَروي و قد...
