ملاك صرطات ريقها بصعوبة من كلامو رجع كيبان ليها بصح احمق ماشي لعب عاد تأكدت علاش كان فالشارع كان كايجيها انسان عادي و لكن بدا كيبان ليها بسيكوباط ماشي نورمال فمخو تزيزنات ما عرفات باش تجاوبو خاصة منين قال هاد الكلام اللي نزل على قلبها كي الصاعقة رجعات متوقعة منو أي حاجة رجعو دموعها يسيلو من بدا وجديد و هي كاتشوف فيه كايكمي و كيبتاسم معاها بحال ما قال ليها والو كيلوح الكلمة و يخليها مصدومة و هو كايتصرف بكل برودة ....
منتصر حالف حتى يخرجها منها علاه يصحاب ليها غايدوز ليها الخروج مع دراري فالطوموبيلات مزال ما تسرطات ليه منتصر عزيز عليه الانتقام غا بالبارودي يصحاب ليها كلات ديك تصرفيقة من عندو صافي راه ما غايدير ليها والو هدا هو منتصر اللي غلط معاه ما كيدوزهاش بالساهل واخا يقتلك غا بالبارودي هداك هو نهار الكبير عندو و هادشي اللي كايدير فيه لملاك ما هو الا قرصة أدن و مازال الخير جاي لقدام الا فكرات غا مجرد فكرة تدير شي حاجة من مور ضهرو ما غايدوزهاش ليها ..
منتصر صاط دخان و قال بكل برودة ...
منتصر : تخلعتي مني ؟؟؟
ملاك حركات راسها بالايجاب و بدات كتحس براسها غاتسخف ليه تاني الخلعة قضات عليها فحين منتصر نطق بكل برودة ...
منتصر : الا درتي عقلك معايا ما غايوقع ليك والو
ملاك طلعات منها شهقة بكاء و نطقات ...
ملاك : و..و..واش بصح كنتي ...كنتي مزوج ...و ..وقت..قتلتي مراتك
منتصر حرك راسو بالايجاب و نتر نتيرة من الكَارو و غمزهاو نطق ...
منتصر : عادي هادشي خاصك تكوني متوقعاه من واحد بحالي و توقعي مني ما اكثر باش تعرفيها من دابا انا ما كندخلش على الكدوب كانحط كلشي من ديبار
ملاك كاتحس بالدوخة و الضبابة تكونات على عينيها من بدا وجديد و وحلات ليها بدات كاتكح فحين منتصر ناض مشا للكوزينة عمر كاس ديال الماء و اتاجه عندها لقاها ناضت من فوق السرير و باغا تسد عليه الباب جا معاها غاتسدو و هو يدفعو و دخل عندها هي تبدا تغوت ...
ملاك : واااااا بعد مني واااااااعباد الله وااااااا عباد الله وااااااعتقو روح واااباغي يقتلني واااااااعباد الله
طاحت على ركبيها لارض مهبطة راسها مستسلمة صوتها بح خاصة فاش عرفات بلي ما غاينقدها حد منو واخا تعيا تغوت فين هو الصوت و فين هو جهد كلشي مشا بالخلعة هزات يديها كاتلطم وجهها و تبكي غاتحماق خاصة فاش كاتدكر كلامو ما بقا ليها والو و طلقها فسروالها ...
فحين هو واقف على راسها حاضيها و خاليها حتى تكمل على خاطرها حتى بانت ليه بدات كاتهدن شوية و هو يمد ليها الما باش تشرب و هي تهز راسها شافت فيه مخنزرة و بلا ما تشعر هزات يديها ضربات داك الكاس ديال الما طيحاتو تشتت من فوق الارض فحين هو هز حجبانو للاعلى و نطق بكل برودة ...
أنت تقرأ
ملاك منتصر 🇲🇦 (مكتملة)
Romance-----------Romantic love Story ----------------- 🖤 ملاك منتصر 🖤 ✍️Fatima Zahra ouba ✨️ هي ضلعي الأعوج الذي بدونه لاتستقيم الحياة ✨️ ✨️إِتَخْذتُكَ ماءً، و نسيت أن الماء قد يَروي و قد...
