الجزء 9:
حنان شافت فماماها و قالت بعصبية موجهة صبعها لملاك ...
حنان: هادو شنو جايين يديرو هنا ؟!
ميمونة بغات تجاوب و لكن ملاك مستحيل تسكت و تقبل الاهانة خصوصا من حنان اللي عارفاها شنو كاتسوا و ما كتصرطش ليها كيفما لوخرى ما كدوزش ليها شي ما كيحمل شي كن تلقا تيري فيها ما تكره ...
ملاك: و عليكم السلام ا ختي حنان ما علموكش صواب فدواركم
زهور ما رضاتش قرصات بنتها و غمزاتها باش ينوضو يمشيو فحين حنان قالت بعصبية ...
حنان: فين خليتي فيها شي سلام و لا كلام و و زايداها بختي و لايني وجهك قاصح
حبيبة غير جالسة تهبط عين و تهز لوخرى و كاتسجل شنو تمشي تقول لجارات لوخرين اما ميمونة واخا عاجبها الحال حيت بنتها جالسة تعاطا مع ملاك و بردات ليها قلبها و لكن خايفة لا يجي ولدها يسمع و ينوضو قربايلة ....
ميمونة عضات على شفتيها بمعنى حشومة و قالت موجهة كلامها لحنان ...
ميمونة : حنان سكتي شوية ناس جايين ضياف و غايمشيو بحالهم
حنان شافت فملاك دايرة يديها على جنابها و قالت بنطرة ...
حنان: هي الا فهمو راسهم و ناضو دردبو مع دروج و الا ما عرفوش انا نوريهم الطريق
زهور ناضت و قالت و الدموع فعينيها ...
زهور: الله يرحم الواليدين ابنتي حنان و الله يجازيك بخير هدا ما غانقول ليك حنا جينا فسبيل الله نشوفو مّك و لكن سرنا نيت نسمعو المنقي خيارو من عند البراهش
ملاك ناضت وقفات حدا ماماها وكتشوف فحنان بنظرات نارية و قالت بهدوء مبردة اعصابها ...
ملاك: ما قلتي عيب ا ختي حنان و لكن هاد دار ديال خالتي ميمونة و حنا اصلن جايين عندها و جايين نشوفوها ما جايينش نسعاوك أ الغزالة
حنان هزات صبعها باتجاه ملاك و قالت بعصبية ...
حنان : نتي بدااات غاتسكتي و ما نسمعش صوتك اللفعة الكرطيطة تلويتي على خويا يعلم الله شنو درتي ليه فقيهك صحيح ا بنتي
ملاك بغات تجاوب و لكن زهور نطقات هازة يديها و ميمونة غير كاتشوف كاتحط عين و تهز لوخرى مزال مهلوكة بالقلب ...
زهور : حدك تم أ بنت ميمونة حنا ما موالفين بفقهة عارفة راسي شنو مربية قبل ما دكري سمية بنتي شللي فمك بالسمن و العسل
حنان قهقات بصوت عالي و قالت موجهة كلامها لزهور ...
حنان: نوضي الله يجيبك على خير بنتك ما كاينش اللي ما كيعرفش شحال تخرج مع دراري و تصاحب سيرو قلبوها لا تكون متقوبة
آخر كلمة جا صدها فودن منتصر اللي كان هابط بالشوية فالدروج ما حدو كيقرب و ما حدو كايسمع الصداع و الغوات ديال ختو قرن حجبانو بعصبية و سرع فخطواتو حتى وصل لصالون و ما يسمع غا كلام ختو ...
أنت تقرأ
ملاك منتصر 🇲🇦 (مكتملة)
Romance-----------Romantic love Story ----------------- 🖤 ملاك منتصر 🖤 ✍️Fatima Zahra ouba ✨️ هي ضلعي الأعوج الذي بدونه لاتستقيم الحياة ✨️ ✨️إِتَخْذتُكَ ماءً، و نسيت أن الماء قد يَروي و قد...
