الجزء 4 :
و زادت صدمة على صدمة فاش بانت ليها طوموبيل ديال منتصر وقفات من مور المرسديس الكحلة عرفات بلي كحلات عليها لدرجة بدات تندب فخاطرها و تقول اش داني علاش جيت تزيزنات و اللون تسحب من وجهها حصلات حصلة واشمن حصلة ....
ما عرفات ما دير من غير انها عطاتو بالضهر باش ما يزيدش يحقق فيها فحين زهيرة غير تلاقات عينيها مع عيون يونس كحلات بالعما حيت ما بقات كاع كتجاوب لا على اتصالاتو و لا على رسائلو ضربات عليه ضربة وحدة ...
و حتى هي عطاتو بالضهر و صونات فالباب و كتمنى يحلو ليها الباب دغيا باش تهرب بجوج بيهم مكبتينها مع يونس لا ملاك لا زهيرة ....
عياو يصونيو والو ما تحلش الباب حتى وقف عليهم يونس من مور ضهرهم و نطق موجه كلامو لزهيرة اللي غير شافها عرفها بينما ملاك ما عطاتوش الفرصة فين يزيد يحقق فالبلاصة عرفاتو و ضورات وجهها ...
يونس : زهيرة سلام عليكم
زهيرة التافتت عندو فحين ملاك علاين تبكي فهاد اللحظة ما بغاتش ضور خافتو يشدها يعطيها العصا و هي عارفة راسها داية ليه مليون كيف غادي دير تواجهو .....
زهيرة : يونس و عليكم السلام شنو كدير هنا
بغا يجاوبها و هو يوقف عليهم يوسف اما منتصر كان بشوية عليه كيسد الطوموبيل راسو مرفوع و عندو شلا مطارق ماشاف كاع لا ملاك و لا زهيرة و لايونس عقلو غايب بقوة المشاكل تكا على الطوموبيل و جبد كاروه و جلس كايكمي و كايفكر كيف يدير يفك الحريرة ديال ملاك و ميمونة...
فحين يوسف حط يدو على يونس و قال ...
يوسف : فين أ بّا يونس لباس عليك
تسالمو هو و ياه فحين زهيرة بقات غير كاتشوف فيهم اما واحد ملاك راه عاطية بالضهر و مهبطة راسها ما ضارتش كاع لجيهتهم ...
يوسف لمح زهيرة و مد ليها يديه و بابتسامة قال ...
يوسف : زهيرة لباس عليك اختي ؟؟؟
زهيرة : حمد الله اخويا يسول فيك الخير ربي يخليك
يوسف لمح ملاك عاطية بالضهر و لكن ما عارفهاش قال مع راسو ربما ما باغاش تسلم ما حكرش على الموضوع فالبلاصة جبد سوارت و حل ليهم الباب ....
يوسف : دخلو ما تبقاوش واقفين مرحبا بيكم راه كاينة جميلة لداخل مراتي
دخلات ملاك هي اللولة باغا غا تهرب و تبعاتها زهيرة فحين يونس و يوسف بقاو فالباب ...
يوسف : قول كنتي ليا مع المدام أ با يونس راك عايش ليا الحياة
يونس : عايش الق*** ماشي الحياة ما بقات تهضر ما بقات تجاوب على ميساجات هادي باينة ما باغانيش غا انا لاصق فيها
أنت تقرأ
ملاك منتصر 🇲🇦 (مكتملة)
Romance-----------Romantic love Story ----------------- 🖤 ملاك منتصر 🖤 ✍️Fatima Zahra ouba ✨️ هي ضلعي الأعوج الذي بدونه لاتستقيم الحياة ✨️ ✨️إِتَخْذتُكَ ماءً، و نسيت أن الماء قد يَروي و قد...
