# مجازر وَهم
بقـلمي انـا { جـهونة المـزيونة🩷🦋}
لَتنسون التصويت + التعليق بين الفقرات + المُتابعة
لحسابي💫
اللهم صلِ على مُحمد وآل مُحمد وآل مُحمد🌸
فدوه لعيونك تروح ، الروح والديره وعربها
{_______🪽_______}
" بلسم "
بعد الي مريت بي من تجارب بحياتي فهمت شغلة وحدة
إنو مهما كانت حياتنه تعيسة لازم نحمد ربنا عليها لأن اكو
غيرنه مر بتجارب اتعس من الي دنعيشة مثلاً اني چنت
دائماً اتذمر واللعن حظي واگول ليش اني امشي رغم
قصري النشاز الي مو موالم عمري، لحدما اجة يوم
وخلص عصر هذا التذمر اخيراً واجة ببدالة، ليش اني
گاعدة بعربانة ! ليش ما امشي مثل البنات ليش راح
اقضي حياتي گاعدة والكل يتنمر ويسأل ويرجع يذكرني
بشي هوَ مو بيدي وهم خلص عصر هذا التذمر واجة
ببدالة، ليش مضطرة اعيش باقي حياتي واني محبوسة
بهالفراش ومالازم اتحرك هواي حتى ما أأذي نفسي !
بس قبل ليخلص هذا العصر بديت اتقبل واقعي واتقبل
التمييز الي ميزني بي ربي عن باقي الناس ومن بعدها
صرت بعز وجعي احمد ربي إنه مخليني لليوم اتنفس
حتلو چانت انفاسي تطلع بشهگة اكو غيري عاجز عن
التنفس الا بطريقة وحدة وهيَ الاوكسجين وبيوم الي شفت
بي الي بعمري يداومون وفرحانين واني گاعدة بالبيت
انتظر جيتهم هم حمدت ربي وگلت عالاقل اني گاعدة
ادرس بالبيت اكو غيري يتمنى الدراسة لكن الي غلطت
بي إني بكل هذني اللحظات چنت احچيهن بغصة ! بوجع
فضيع بس اكتمة لأن اخاف، كُلش اخاف إنو اذا بچيت
رب العالمين يعاقبني ويخليني بموقف بعد ابشع من الاني
بي، نسيت إنو لخايفة منه رحيم وعطوف وحنين عليه اكثر
من امي نفسها كتمت شهگتي بالوكت الي جان لازم
تطلع بي وبسبب هالشي
فالح :- دكتور دتگول بأنو گلبها مابي مشكلة لعد
ليش بين فترة وفترة جاي تتعب وتتشنج فجأة
وتوصل بيها تدخل مستشفى من الخنگة تفقد دكتور تفقد
باوعلي دكتوري ونظرات الحيرة متجسدة على وجهة
ابتسم بلطف بوجهي وحچة وي ماما
أنت تقرأ
مـجازر وَهم
Romanceارواح تائهة بين مجازر لا مُتناهية عقول تحمل بداخلها أوهام الخُبث والكراهية بينما القلب المُهشم يحمل اسرار هذه الأوهام، بين المجازر التي انتهت بصاحبها مكسور القلب عالق في متاهة مليئة بالاشواك السامة التي لا خروج منها الا بأقتلاعها عن ارضها، وما اص...
