# مجازر وَهم
بقـلمي انـا { هـجونة المـزيونة🩷🦋}
لَتنسون التصويت + التعليق بين الفقرات + المُتابعة
لحسابي💫
اللهم صلِ على مُحمد وآل مُحمد وآل مُحمد🌸
اريد ازرع خلگ يتحمل فراگ
يل فراگك جنازة وحاضنه گبور
تعال ومرني ليل بجفن سهران
يرسم حلم جَيتك ويه الطيور
اباوع للسما وانطر شهب لليل
واثاري الليل من فرگاك مهجور
وبقت صفنات تكسر خاطر البال
تدعي الله لخريفك بلكي ميطول
والله الصبر مَـل وعلى ساعه يموت
عدا فراگك صعب والباقي مگدور
{_______🪽_______}
{ عـلي الجـزار }
- انتبه على اخوانك يمه خليهم بعينك يابعد عيني
علي الجزار- شهالحجي ماما
ابتسمت ابتسامة باهته التفتت على مهيب مسحت على
راسة وباسته وبعدها لزمت ادين زينة لصغيرونات
بلعت ريگها وعيونها لمعت بالدموع
- اني ما دايمتلكم حبيبي ييجي يوم واعوفكم تواجهون
هالدنيا وحدكم، اريدك انتَ تصير سند الهم وتحميهم من
كلشي انتَ چبيرهم لاتخليهم يتأذون ماما، خاصة زينة
هايه بنية تحتاج حنان وعطف لاتحرمها من هالمشاعر
لاتخلي الخوف يجيس گلبها بيوم
نغزني گلبي حيل كعدت يمها وكلت بخوف
علي الجزار- شنو هالحجي ماما انتِ يمنه ليش تفكرين
بهالاشياء عفيه لاتخوفيني صاير شي؟
ضحكت وباست راسي حيل
- ماصاير بس الحذر واجب حبيبي، تدري شنو وصيتي الك!
علي الجزار- شنو!
ابتسمت وكالت بحنان وهيَ مغمضة عيونها
- ابتعد عن كلشي، بس لاتبتعد عن ربك بيوم من الايام
بكل خطوة بحياتك اعرف هوَ وياك ويراقب اعمالك بكلشي
تسوي خلي بين عيونك لاتهمل دينك حتى ماتهملك الآخرة
أنت تقرأ
مـجازر وَهم
Romanceارواح تائهة بين مجازر لا مُتناهية عقول تحمل بداخلها أوهام الخُبث والكراهية بينما القلب المُهشم يحمل اسرار هذه الأوهام، بين المجازر التي انتهت بصاحبها مكسور القلب عالق في متاهة مليئة بالاشواك السامة التي لا خروج منها الا بأقتلاعها عن ارضها، وما اص...
