# مجازر وَهم
بقـلمي انـا { هـجونة المـزيونة🩷🦋}
لَتنسون التصويت + التعليق بين الفقرات + المُتابعة
لحسابي💫
اللهم صلِ على مُحمد وآل مُحمد وآل مُحمد🌸
اشتاگلك وارجَع طفِل
مايقتنع هوَ بعذُر
مايعرف فراگ وهَجر
كِل ليشوفة يريدة
حاجاتة كلهن بس اله
وممنوع واحد يقترب
حاضنهن بچف ايدة
{_______🪽_______}
" منقول عن لسان مُهيب "
- ياهو انتَ!
- انا طفل ضاع بضيعة اللعابة
اول جملة گلتهة باليوم لشفت بي روحي غير انسان
مو نفسة الطفل الماعدة هم غير يدگ ببيبان الوادم ويشرد
ولا الطفل لچان يطگ فروخ الشارع ويختل وره اخو حتى
يحمي، ولا الطفل ليداهر امه ويصعد ضغطهه لأن مايريد
ياكل لو يسبح، ولا الطفل ليغار من يشوف اخو حاضن اخته ويلاعبهة ويگوم يبجي لحدما اخو يعوف كلشي بيدة ويروح
يلعب ويا حتى ماينقهر انا بني آدم روحة طفت بطفية اضوية
بيت اهلة بآخر الليل، كلشي ابتدة من يوم المفروض يكون
يوم اعتيادي حالة حال غيرة كاعد اللعب بالالعاب لجابوهن
لبتهم الجديدة او خنگول اكسر بيهن وحدي بغرفتنه انا
واخوي سمعت صوت امي تصيحلي توترت ضميت الالعاب
كلهن جوة الفراش فتحت الباب ركضت عليهه وانا اضحك
مهيب- مامااا
طفرت بحضنهه اجعص بيهه واضحك وهيَ تضحك وياي
- ههههه كافيي ولكك ادغدغ وخرر وينك صار ساعة اصيح
علييك
مهيب- كاعد هنا مابية حيل اطلع
قلصت عيونهه ماعاجبهة
- انتَ مابيك حيل؟ لك ماما انتَ جامع حيلي وحيل ابوك واخوك
واختك الصغيرة كله بعيونك هاي ليطلعن شرارة وانتَ كلك
على بعضك عمرك ثمانية
مهيب- لاتكولين اختك الصغيرة اني الصغير خووش؟
ضحكت بخفة
أنت تقرأ
مـجازر وَهم
Romanceارواح تائهة بين مجازر لا مُتناهية عقول تحمل بداخلها أوهام الخُبث والكراهية بينما القلب المُهشم يحمل اسرار هذه الأوهام، بين المجازر التي انتهت بصاحبها مكسور القلب عالق في متاهة مليئة بالاشواك السامة التي لا خروج منها الا بأقتلاعها عن ارضها، وما اص...
