# مجازر وَهم
بقـلمي انـا { هـجونة المـزيونة🩷🦋 }
لَتنسون التصويت + التعليق بين الفقرات + المُتابعة
لحسابي💫
اللهم صلِ على مُحمد وآل مُحمد وآل مُحمد🌸
وحَگ من حاطلك شامة على شفاك
احبك وليحب يفدي عالشفاك
يخايب هَل دنت نفسي على شفاك
تدنة وخَل حرام الله عليه
{_______🪽_______}
" بلسم "
ابتعد عني يلهث واني ما اكدر احرك نفسي حتى بس اباوعله
علي- خطبتج بس علمود هاي اللحظة بس حتى اراويج شلون
الاريدة احصل عليه بدون تعب حتى لو چان ببعد نجوم السما
بلعت ريگي بصعوبة حسيت بنفسي رخيصة بهاللحظة
سوة كل هذا بس حتى يفهمني إنه يكدر يسوي إي شي يريدة
مو لأن عنده مشاعر تجاهي، بحركة سريعة نزلني تراجعت
بخطوات بطيئة وعيوني بعيونه وماكو غير دموعي تحجي
بلسم- راح اندمك، صدگني اندمك
گلت هالاربع كلمات وطلعت من المكان كل جسمي يرجف
اخذت زاوية وكعدت ابجي من كل گلبي وامسح بشفايفي
متقززة كلما اتذكر هاللحظة وشلون تنازلت اكره روحي اكثر
طلعت تليفوني واتصلت على عمو حازم اذا بقيت اكثر اموت
گتله اني تعبانه وعلي ميكدر يطلع يلا اقتنع شوية واجة
رجعت ويا بدون ما احجي إي كلمة دخلت لغرفة شمس
الي بعدهه مراجعة من دوامها ذبيت روحي عالفراش منتهية
من وجع روحي وگلبي الي يزيدها عليه بدون ما احس نمت
كعدت على صوت تليفوني شفتها زينة رديت
زينة- وييينج بلسم سااعه ادور علييج گللبي وگف
كلت بتعب
بلسم- بالبيت اني مكدرت اكلج جنتي بالمحاضرة رجعت
زينة- ليش رجعتي صاير شي؟
بلسم- تعبت شوية كملي انتِ ليضل بالج عليه
سديته منها وبعد طار النوم من عيني كعدت اگلب بالتليفون
تذكرت هاجر صارلي فترة محاجية وياها وهيَ متتصل
زعلانه مني خابرتها شوية وفتحت الخط
أنت تقرأ
مـجازر وَهم
Romanceارواح تائهة بين مجازر لا مُتناهية عقول تحمل بداخلها أوهام الخُبث والكراهية بينما القلب المُهشم يحمل اسرار هذه الأوهام، بين المجازر التي انتهت بصاحبها مكسور القلب عالق في متاهة مليئة بالاشواك السامة التي لا خروج منها الا بأقتلاعها عن ارضها، وما اص...
