ပြိုင်ဘက်ကင်းမိုးကောင်းကင်သိုင်းဝိဉာဉ်(ကျွင်းရှောင်ယောက်) Book 2

781 - 785

အခန်း ( ၇၈၁ ) ရွယ်ယွဲ့၏ ကြောက်စရာကောင်းသော နည်းလမ်းများ၊ ငါ ကျွင်းရှောင်ယောက်ရဲ့ မိန်းမကို ထိဝံ့တယ်၊ မင်းတို့ သေချင်နေပြီပဲ။

ဓားပြဆယ့်သုံးယောက်၏ ခေါင်းဆောင်နှင့် ပတ်သက်ပြီး လူများဟာ အမျိုးမျိုး ခန့်မှန်းထားခဲ့သည်။

သို့သော်လည်း ယခုအချိန်မှာတော့ အခြေအနေဟာ လူတိုင်း၏ မျှော်လင့်ချက်ထက် သာလွန်သွားခဲ့ပြီ။

ကောလဟာလများ အမျိုးမျိုး ထွက်ပေါ်နေသည့် ကျူးရှန်းဓားပြက ငယ်ရွယ်သော မိန်းကလေးတစ်ယောက် ဖြစ်နေသောကြောင့်သာ မဟုတ်ပါ။

သူမ၏ ခွန်အားက ပို၍ပင် ပြင်းထန်လှပြီး လူများကို တုန်လှုပ်စေခဲ့သည်။

"ဓားပြဆယ့်သုံးယောက်က တာအိုခန္ဓာ အမျိုးမျိုးနဲ့ အဖိုးတန်သွေးမျိုးဆက် အမျိုးမျိုးတို့ကို စုဆောင်းနေခဲ့တယ်လို့တော့ ငါကြားပါတယ်။ အခုတော့ သူတို့အားလုံးကို ကျူးရှန်းဓားပြ သန့်စင်ထားပုံပဲ"

"ဒါက ဖြစ်သင့်တယ်။ သူ့အရှိန်အဝါက အရမ်းအစွမ်းထက်ပေမဲ့ နည်းနည်းရောထွေးနေတယ်"

"ဒါက ဘယ်လိုလုပ်ဖြစ်နိုင်မှာလဲ၊ တစ်ယောက်ယောက်က ဒီလောက်များတဲ့ တာအိုခန္ဓာနဲ့ သွေးတွေကို ဘယ်လိုလုပ်ပြီး သန့်စင်နိုင်မှာလဲ"

ကျူးရှန်းဓားပြ ရွယ်ယွဲ့၏ ကျင့်ကြံမှုလမ်းစဉ်က ရှိနေသူ ပါရမီရှင် အများအပြားကို ထိတ်လန့်တုန်လှုပ်စေခဲ့သည်။

ယင်းက သတ်ဖြတ်ခြင်းနှင့် စွန့်စားခြင်း လမ်းစဉ်တစ်ခုပင်။

ရွယ်ယွဲ့သည် ဆက်လက် တိုးတက်လိုပါက လူများစွာကိုသတ်ပြီး တာအိုခန္ဓာနှင့် သွေးမျိုးဆက်များကို ပို၍ ရှာဖွေနေ‌ရမည် ဖြစ်သည်။

"သူက ကျန်းမိသားစုရဲ့ နတ်သမီးကို လှုပ်ရှားလာတာ အံ့သြစရာတော့ မရှိပါဘူး။ သန္တောစွမ်းအင် တာအိုသန္ဓေက ထိပ်တန်း တာအိုခန္ဓာတွေထဲက တစ်ခုပဲ‌လေ"

ပတ်ဝန်းကျင်မှ ပါရမီရှင်များလည်း ကျူးရှန်းဓားက ကျန်းစန်းယီအနောက်သို့ လိုက်နေရသည့် အကြောင်းရင်းတချို့ကို နားလည်ခဲ့ကြသည်။