အခန်း ( ၈၂၁ ) ရွှေကျီးကန်း ဒသမမင်းသားက တကယ် ပြတ်သားတဲ့သူပဲ။
ရွှေကျီးကန်း ဒသမမင်းသား၏ မျက်နှာအမူအရာမှာ ပထမတော့ ကြက်သေသေသွားသည်။
နောက်တော့ နီရဲလာပြီး နောက်ဆုံး ခရမ်းရောင် ဖြစ်သွားတော့သည်။
အကယ်၍ ရောက်ရှိနေကြသူများက နေနတ်ဘုရားတောင်၏ အကြီးအကဲများ မဟုတ်ပါက...
ရွှေကျီးကန်း ဒသမမင်းသားဟာ သေချာပေါက် အော်ဟစ်ကြိမ်းမောင်းပြီး ချက်ချင်း ရိုက်သတ်မိလိမ့်မည် ဖြစ်သည်။
"အကြီးအကဲတို့၊ ခင်ဗျားတို့ ကျုပ်ကို လာနောက်နေတာလား။ ဒါ... အလောင်းကြီးပဲဗျ"
ရွှေကျီးကန်း ဒသမမင်းသား အံကိုတင်းတင်းကြိတ်ပြီး ပြောလိုက်သည်။
ယခင် သတင်းကြားရစဉ်ကတည်းက တစ်ခုခုမှားနေပြီဟု သူ ယောင်ဝါးဝါး ခံစားခဲ့ရသည်။
သို့သော်လည်း ထိုစဉ်ကတော့ သူဟာ အရမ်းကြီး မတွေးခဲ့မိပေ။
ထို့ပြင် လူသေကောင်ကြီး ဖြစ်နေမည်ဟု မည်သူက ထင်ထားခဲ့မည်နည်း။
"အရှင်မင်းသား၊ ဒါက အလောင်းတစ်လောင်းဖြစ်ပေမဲ့ ထိုက်ယင်စွမ်းအားတွေ မပျောက်ကွယ်သေးတာကြောင့် ဖရိုဖရဲခန္ဓာကို လေ့ကျင့်ဖို့ အခွင့်အရေးရှိပါသေးတယ်"
အကြီးအကဲတစ်ဦးက ပြောလိုက်သည်။
"ဒါဖြင့် ထိုက်ယင်စွမ်းအားကို ဆွဲထုတ်လိုက်ပါ"
ရွှေကျီးကန်း ဒသမမင်းသားက အေးစက်စက် မျက်နှာထားဖြင့် ပြောလိုက်သည်။
"မဟုတ်သေးဘူး၊ ဖရိုဖရဲခန္ဓာဆိုတာ ယင်နဲ့ယန်ရဲ့ သဟဇာတဖြစ်ခြင်းကနေ ဆင်းသက်လာခဲ့တာပါ။ အဲဒီအတွက် ပုံမှန်လုပ်ရိုးလုပ်ထုံးကို ဖြတ်သန်းရလိမ့်မယ်။ မဟုတ်ရင် အောင်မြင်နိုင်ချေ အရမ်းနည်းပြီး ဖြုန်းတီးရာကျလိမ့်မယ်"
အကြီးအကဲအချို့က အလေးအနက် ပြောကြ၏။
“ဒါပေမဲ့…”
ရွှေကျီးကန်း ဒသမမင်းသားက တစ်ခုခု ပြောချင်နေဆဲပင်။
ထိုအခါ အကြီးအကဲတစ်ယောက်က လေးလေးနက်နက် ဝင်ပြောလိုက်သည်။
"အရှင်မင်းသား၊ ကြီးကျယ်ခမ်းနားတဲ့ အရာတွေကို ဆောင်ရွက်မဲ့ပုဂ္ဂိုလ်က အသေးအဖွဲကိစ္စတွေကို ဂရုမစိုက်ပါဘူး"
YOU ARE READING
ပြိုင်ဘက်ကင်းမိုးကောင်းကင်သိုင်းဝိဉာဉ်(ကျွင်းရှောင်ယောက်) Book 2
Adventureဘာသာပြန်သူထံမှ ခွင့်ပြုချက်ရပြီး အကျဉ်းချုပ်.... ကျွင်းရှောင်ယောက်ဟာ လျှို့ဝှက်ဆန်းကျယ်တဲ့ကမ္ဘာကို ရောက်ရှိသွားပြီးနောက် ရှေးဟောင်းမျိုးနွယ်ကြီးတစ်ခုရဲ့ နတ်ဘုရားသားတော်တစ်ယောက် ဖြစ်လာခဲ့တယ်။ သူက ပြိုင်ဘက်ကင်းနောက်ခံနဲ့ မွေးဖွားလာခဲ့တာပါ။ သူ့မှာ ပြို...
