عريس لقطه😎

البارت الثالث

بعد ما دبست فارس قصدي دبسني وطبعا كان هيموت عليا

..يا حبيبي مستعجل اوي كده خمس ايام للدرجادي بتحبني

فارس بصلها بصدمه ..

...هيموت من الفرحة ما انا بردة ماتكررش

فارس بدأ يستعيد وعيه يا حبه عيني والاستيعاب رجع تاني ..

فارس وهوا مكلبش في أيدي وخايف لأهرب: سيبي ايدي بقا ...

..وان سبت ايدك مين غيري يمسكها

فارس: انا كنت جاي هنا عشان التليفون التليفون يا ناس انا هيجيلي جلطه

..من الفرحة طبعا ..

فارس: طب ممكن التليفون عشان امشي

..نيهاهاهاه هوا دخول الحمام زي خروجه

بيمسك نفسه اللي هوا انا قدامه زي حمدي الوزير وهعمل فيه حاجات وحشه

..لأ لأ ما تخافش  دا انا نسمه ومتربيه اوي واعجبك اوي

وحان موعد الخطه التانيه التدبيسه بلزقه
هابهركوا ....

لا تراجع  ولا استسلام

ماما دخلت بالشربات ولولولولولولي

فارس : ممكن اتكلم معاكي يا طنط

ماما : عمر طنط قلب طنط من جوة

فارس: انا كنت عايز.......

ماما : عايز تحدد ميعاد الفرح

انا كنت ميته من الضحك

هوبصدمه اللي هوا لو اتكلمت تاني مش بعيد تطلع من البيت ده وانت عندك 3 عيال فاسكت يا فارس احسن ..

ماما قعدت: بص يا فارس يا ابني

فارس وهو ساكت خايف ليتدبس: أيوة يا طنط

ماما: انا عايزة المهر 11000 يكون دولارات

فارس بص بصدمه.

ماما : وكمان عربيه وفيلا وست سبع عمارات

فارس لسه مصدوم..

ماما : طيب السكوت علامه الرضا

فارس مصدوم بزياده اوي

انا مش هاقول حالتي مستكنيصه اخر حاجه 😂

ماما : طيب اسيبكم بقا اشربوا الشربات

دخلت ماما وحان وقت تنفيذ الخطه التانيه

بشرب الشربات وبديله يشرب مش راضي وراح الشربات وقع مرة واحدة بدون تدخل مني هوا التوفيق من عند ربنا ..

وقع من صدرة لحد ما غرق البنطلون

..ايه ده يقطعني قوم لما أنضف لك هدومك

فارس : لا شكرا
اللي هوا مش مامن اني أنضف له هدومه اخص عليك هتلاقي حد متربي ومحترم وخجول اكتر مني فين دا انا زي النسمه ..