عريس لقطه😎

البارت السادس

اترميت علي الكنبه وانا بقول اه يا ضهري بعد ما فارس قال للسيكيورتي يرموني برة الشركه

ماما : شكله بيخلص القديم والجديد منك

..بصي يا ماما انا عمري ما حد قدر عليا ....زيه..عااااا

ماما فطست ضحك

..اضحكي اوي ياماما اضحكي دا بدل ما تشوفيني مالي بتشمتي فيا

ماما بضحك:  الواد طلع صعب وبيخلص كل اللي عملتيه معاه اقولك جنان بجنان واتعاملي بطريقتك بقا

دخلت اوضتي عشان ارتاح واخطط
ماشي يا فارس انت زودتها اوي اوي يعني هوا انا عملت ايه لكل ده يعني مش عارفه دا انا بحبك بس خلاص قلبي ده هيوديني في داهيه لازم تتعلم الأدب
نيهاهاهاهاهاها  وندخل بقا الخطه الخامسه وهنسميها ضرب الحبيب زي اكل الزبيب  نيهاهاهاهاهاهاها

ماما : مش هتبطلي بقالك ساعه بتكلمي نفسك زي الهبله يا مجنونة

..هوا انا بتكلم بصوت عالي اوي كده

ماما : لا خالص ابوكي قالي قومي شوفي البت لا تكون ملبوسه وعايز يجبلك شيخ

..واللهي شيخ الواد جنني يا ما جنني هيلاقي واحدة جميله مثقفه خجوله محترمة فرفوشه زيي فين وفوق كل ده بحبه

ماما بتضحك .

ومشت وسابتني لي هوا في حاجه في اللي قولته غلط ما تردوا ما تردوا

..اه اه
لاتفاجأ بالسلاح الفتاك ابو وردة في وشي

ماما بعد ما رمتني بالشبب : هما مين اللي يردوا يا بنت المجنونه طفحتيني

..ايه الواحد مايعرفش يفكر بصوت عالي في البيت ده

ماما : صبرني يا رب  ومشت وسابتني

خلاص المهم ندخل علي الخطة الجديدة
عرفت من مصادر موثوقة المصدر أن فارس عايش لوحدة بس عنده خدامين  طبيعي يعني مش هايعمل لنفسه كل حاجه بس لاحظت بردة أن فارس مش بيشتغل عنده إلا خدامات كبار في السن ودول مابيقعدوش كتير  طبعا عشان حالتهم الصحيه المهم هوا عايز خدامة بس تكون كبيرة في العمر مش صغيرة

وطبعا انا ايه اللي هبقى الخدامة بس المرة دي غير كل مرة هاعلمك الأدب يا فارس ....

صحيت الصبح لبست عبايه من عبيان امي الشرحه البرحه واستخدمت الميكب عشان أبين نفسي كبيرة في العمر ولبست باروكه وفوقها الطرحه ماهو مش كل مرة هاتعرف بقي ولا ايه  المرة دي عامله احتياطاتي وحطيت عدة الشغل في الشنطه اصل اللي جاي تقيل

وزي كل مرة هاروح أبهر امي بيا طلعت لقيتها قاعدة في الصالة اتسحبت

وبيييييخ .......

.. خلاص يا ماما وشي ماعدتش حاسه بيه بقا هوا كله ضرب ضرب ما فيش شتيمه

ماما : ما هوا خلفي انقطع من يوم ما جبتك هوا لسه هتقطعيه يا بنت المجنونه