عريس لقطه😎

البارت الرابع

فارس يا عيني وهوا ماشي كان ميت من السعادة والفرح والسرور والبهجة ولما لا ها ها لما لا ما انا كميه طاقه ايجابيه وبهجه متنقله اله

ودلوقتي بقا وقت الخطه التالته.
نيهاهاهاهاهاها.

طلعت بقا لماماتي حبيبتي العقل المدبر المدرسة

..ها يا كبيرة هانعملوا ايه دلوك

ماما : ايه يا موكوسه اللي عوج لسانك كده

..ههههه مش عارفه الواد فرهدني يا ختي

ماما : الواد اللي فرهدك يا عين أمه

..لا تراجع ولا استسلام اوعي قلبك يحن انا حاسه أنه معدش راجع تاني بعد اللي حصله😂

ماما : بس ايه رأيك في أفكاري

..لوز اللوز  ما انا طالعالك

ماما : يلا نفذي الخطوة الجايه

..بسرعه كده

ماما : حلاوتها في حموتها الحديد لسه سخن

..انا بضحكه شريرة نيهاهاهاهاه استعنا علي الشقا بالله
وبرقت عيني زي ريأكشن ريا في مسلسل ريا وسكينه

عملت زي المفتش كرومبو قصدي زي جيمس بوند المهم هوا محقق وخلاص بس ايه بقا هابقي احسن منهم كمان

لبست نضارة سودا وطاقيه سودا وجاكت اسود شغل محققين بقا وعملت تحرياتي وحاسه الموسيقي شغاله تيراتاتاتيرا تيرا تيراتاتاتيرا تيرا

هيجنني ابن الايه

وصلت تحت شركته شركه استيراد وتصدير شكل الزهر هايلعب ولا ايه ولا اه ولا ايه

شركه علي مستوي اللهم لا حسد

السيكيورتي طبعا مارضوش يدخلوني بس عارفين لو شايفين وشي الحقيقي يفرشولي الأرض ورد إذا كان صاحب الشركه بيموت فيا حته سيكورتي مش هايموت فيا  اوديكي فين يا ثقه

عملت تحرياتي من برة برة اسمه فارس اكرم ابو الوفا أبوه متوفي ومامته وعايش لوحدة الحمد لله والتوفيق من عند الله مش مرتبط بس انا علي فكرة كنت متوقعه اه واللهي اصل انا اللي يشوفني ما يبصش لحد غيري ماشفتوش عمل ايه عشان اوافق عليه

تقريبا كده من الشغل للبيت وبيقعد بس مع أصحابه الذين يقلون حاجه بسيطه عن وسامته

مصاحب كل الهنود اللي في مصر ابن الايه

وطبعا عرفت بيجي امتي وبيروح امتي وبيته ياما علي بيته قصدي قصرة  بيروحوا امتي وكده

انا حاليا أو تقريبا فكروني مجنونه قال ايه عشان بكلم بصوت عالي وسمعوا كل اللي قلته

هما دلوقتي شايلني ايوه شايلني وهوب رموني في الشارع

وهوب في عربيه هتدوسني
هوا اللي بنعملة في الناس هايطلع علينا ولا ايه