عريس لقطه😎

البارت الخامس

بعد ما فضلت طول اليوم اخد شاور وادعي علي فارس
كان لازم اخد حقي ولا ايه

ولا هما الحلوين عشان حلوين يعملوا كدهوا

طيب يا نونا لازم تفكري في حاجه لازم يعرف انك زي ما انتي نسمه كده ومش بتاذي حد وكيوت وغلبانه انك قويه ومفترية وبتعرفي تجيبي حقك ولا هوا يعني عشان انا طيبه معاه يعمل كده

دلوقتي بقا الخطه الرابعه ( غرام وانتقام) نيهاهاهاهاهاها

ماما : ايه يا بنت الهبله مش هاتبطلي تكلمي نفسك

..اسكتي يا ماما مش انا شفت فارس النهاردة

ماما : وعمل ايه

..روحت وكنت بجمع معلومات عنه اوم السيكيورتي يرموني في الشارع اللي ماعندهمش نظر دول جيت قدام العربيه بتاعته نزل وقعد يبص في عيني جامد اوي لدرجه اني اتكسفت الواد واقع اوي يا ماما

ماما : وايه اللي حصل بعد كده

..المهم مسك ايدي كده بكل حنيه ونفخلي فيها أصلها كانت واجعاني اوي وقالي بكل رقه وحنيه : انا اسف يا انسه مش انسه بردة ولا ايه وابتسم الواد بيعاكسني وبيبسبلي ما انا قمر بردة ما تقاومش

ماما : وبعدين

..وبعدين قومني تصدقي يا ماما أيده انعم من ايدي

ماما : وبعدين ...

..ايه بقا ياختي يقولي فاضيه شويه نشرب قهوة في حته بعيدة

ماما : ووافقتي طبعا

..لا طبعا ماترددتش اني اوافق وروحت شربت معاه قهوة وصارحته اني انا واتفاجئ من التنكر الخطير اللي كنت متنكراه تصدقي ماتعرفش عليا خالص لا انا جامدة جدا في التنكر ده

ماما : وبعدين ايه اللي حصل

..صارحني أنه معجب بيا من اول يوم شافني فيه وقعد يمجد في جمالي ويقولي بحب عيونك العسلي وشعرك الاسود الطويل وعود البطل ملفوف ..

ماما بضحك : ووقعك في المجاري وتوتا توتا وخلصت الحدوته

قربت مني ومسكتني من قفايا
في ايه يا جماعه هوا انتم مستهيفني ليه قفايا عملكم ايه كده متضايقين منه ليه

ماما : علي امك يا روح امك

..خلاص خلاص هاعترف يا كبيرة

ماما سابت قفايا

ماما : اخلصي مرارتي اتفقعت منك ومن الأفورة بتاعتك دي ربنا يكون في عون الواد ده انتي هتبقي اكبر مصيبه في حياته .

..دا انا هابقي احلي مصيبه مصيبه احلي حاجه قمر عسل كده في حياته

ماما: طيب يا آخرة صبري ايه اللي حصل

حكيتلها علي اللي حصل

ماما بضحك:حقيقي جمع ووفق وكملت ضحك