عريس لقطه😎

البارت العاشر

..اعمل ايه يا ماما مش راضي يكلمني حاولت كتير اصالحه وهوا متجاهلني تقوليش قاتلاه  ما انا طلعته هاعمل ايه اكتر من كده يعني اموت نفسي دي دماغه صغيرة خالص

ماما: بصي بطلي شغل الهبل بتاعك ده واستغلي انوثتك

انا بتفكير وحركات ما تيجي نجيب مليجي

لاتفاجأ بقلم نازل علي وشي  اله

ماما :مش اللي في دماغك يا زباله هو انا عرفت اربي

.اله اومال قصدك ايه يعني

ماما: قصدي تغريه بجمالك بطلي شغل المقالب ووريه أن انتي رقيقه وجميله

انا  هههههه أن شالله يسلح حالك ويجبر خاطرك يا رب

ماما : انا عارفه انتي هتنيلي الدنيا

..انا دا انا هبهرك

دخلت اوضتي استعدادا لتنفيذ الخطه الاستراتيجيه  اثناء ما كنت بعمل عنه سيرش (اه دا انا جامدة جدا في الانجليزي مايغركوش يعني ) وجدت أنه بيروح نايت كلاب واحد لا غير يتردد إليه دائما وده أن شاء الله هيبقي المحطه الجايه

اكرمنا يا رب
...............
مكالمه هاتفيه...

سيف: ايه يا بني انت فين

فارس: في البيت بريح اعصابي

سيف: تعالي نسهر النهاردة ماتكسلش بقا

فارس: بجد مش قادر

سيف: لا يا عم انت واحشني وعايز اشوفك تعالي بقا المكان بتاعنا

فارس: ماشي هاجي

سيف: اشطا يا برو

فارس: اشطا هلاقيها منك ولا منها ولا من مين

سيف بضحك: الله يكون في عونك يا بني
.............
في النايت كلاب ...

سيف بضحك: ايوه كده فك ماحدش واخد منها حاجه

فارس: انا عايز اعرف وشي عليه ايه كل ما تبصلي تضحك

سيف: ها لا ولا حاجه يا بني انا مبسوط اني شفتك

فارس: يارب يكون ده السبب

سيف: اومااال هيبقي ايه يعني

فارس بصله بلامبالاه
...............

لبست فستان سهره قصير وسبت شعري وانا واقفه قدام المرايا حطيت ميكب هادي طلعت قمرين قمرين ايه تلاته اربعه ايه ده كله ايه ده كله يخربيت جمالي اوديكي فين يا ثقه

لبست عبايه فوق الفستان اهل الحته عندنا أن شافوني كده هبقي ماكنش يومي

ركبت تاكسي وقلعت فيه العبايه
الراجل كان مفكرني لا مؤاخذة بس احنا اشرف من الشرف

نزلت قدام النايت كلاب ودخلت ربنا يستر

فارس  كان قاعد علي البار