عريس لقطه😎

البارت التاسع عشر

فارس بعد ما سيف مشي ...

فارس: يلا بقا روحي وخوديلي ميعاد مع بابا

بصيت ليه بخجل ..

فارس: بس ياريت يكون في اسرع وقت

..ليه ..

فارس: اصل انا تعبان

..اه يا قليل الأدب

فارس: صفي النيه شويه تعبان من بعدك عني يا جميل

..احم انا هامشي بقا عشان اتأخرت

فارس : انت بتتحرجي دا الدنيا هتشتي بقا ..
..........
في الصباح ...

واقفه قدام المرايا مشغله الاغنيه اللي غنهالي يا بختك يا اللي صاحي الليل بقت اكتر اغنيه بحبها وبتدخل قلبي 

شريط بيمر قدام عيني من اول يوم شفته فيه لما خبطني بالعربيه لما حسيت ان قلبي رفف لما شفته وبعد كده المقالب اللي عملناها في بعض

حتي لما ضربني يوم الكباريه كانت غيره ما هو لو ماكنش بيحبني ما كنش اهتم

لبست كالعادة بس النهاردة في جديد مبسوطه جدا عايزة ابقي اجمل بنت في الدنيا عشانه بس وعشان الكليه فيها بنات فورتيكه مش انا بنت وبقول عليهم كده ياتري الشباب بيقولوا ايه بس انا احلي طبعا جمالي الطبيعي فتاك
..........................
في الكليه ...

فارس ماسك التليفون...

فارس: ايه يا بني

سيف: حددت ميعاد يا زميلي

فارس: ايوه هاروح النهاردة  كلمت مامتها ..

سيف: طيب في موقف زي ده يتحتم عليا اجيلك بقا والبسك وابقي في ظهرك

فارس: تلبسني ههههه

سيف: ايوه اومال يا بختك اني في حياتك

فارس: طبعا يا بني مين كان هليبسني غيرك

سيف: انت في الكليه

فارس: ايوه ..

سيف: طيب انا فاضي هاجيلك

فارس: ما انت علطول فاضي اصلا

سيف: انا مشغول اخر حاجه بس افضالك انت بس يا جميل

فارس: مستنيك يا عم المشغول.
.......................

دخلت من باب الكليه
عينيا بتدور عليه وحشني ...

ببص لقيته واقف مع كذا بنت

قربت منه.....

..دكتور فارس ممكن كلمه علي انفراد

وكنت بتك علي اسناني من الغيظ.

فارس: اه طبعا

..يعني واقف مع بنات وياريتها واحدة ده 3 كمان وبتتضايق مني لما اكلم مع محمد أو سيف