"မတွေ့ရတာကြာပြီ"
"အင်း ဒီတစ်ပတ်လုံး ငါနေမကောင်းလို့ထမနိုင်ခဲ့ဘူး။ဆေး၀ယ်ဖို့ အပြင်ခဏလေးထွက်တာကလွှဲလို့ အိမ်မှာပဲ "
မင်ဂျောင်းရဲ့အဖြေက ဂျီမင်းကိုပျော်သွားစေသည်။
ဆေး၀ယ်ဖို့ထွက်တယ်ဆိုတာက မင်ဂျောင်းတစ်ယောက်ထဲနေတာပေါ့။ဟုတ်တယ်...မင်ဂျောင်းမှာ ကောင်လေး ဒါမှမဟုတ် ကောင်မလေးရှိချင်ရှိမယ်။အနည်းဆုံးတော့ တစ်အိမ်ထဲအတူမနေကြရင်ရပြီ။
ဂျီမင်း အတ္တဆန်ဆန်တွေးလိုက်မိသည်။ဘယ်ကတည်း ဒီလိုအတ္တဆန်တတ်လာမှန်းလည်း ဂျီမင်းကိုယ်တိုင်တောင်သတိမထားမိပါ။မင်ဂျောင်း ဂျီမင်းရဲ့အမူအရာကိုအကဲခတ်နေမိသည်။ နှစ်ယောက်သားကြားက တိတ်ဆိတ်ငြိမ်သက်နေမှုက မင်ဂျောင်းအပေါ်သက်ရောက်မှုရှိနေပုံမပေါ်။ နေရခက်လာသလိုခံစားရသည်မို့ ဂျီမင်း...
"ဆိုတော့... ရှင်ပန်း၀ယ်မလို့ရောက်တာလား"
"အင်း တကယ်တော့ ငါJasminesပန်းတွေလိုချင်လို့ ရောက်လာတာ"
"Jasmines ပန်းကလေးတွေက သန့်စင်ခြင်း၊ မျှော်လင့်ခြင်းနဲ့ ခွန်အားကိုကိုယ်စားပြုတဲ့ ပန်းကလေးတွေဖြစ်တယ်။ မြင့်မြတ်တဲ့ချစ်ခြင်း နဲ့ စိတ်၀ိဥာဥ်ရဲ့သန့်ရှင်းစင်ကြယ်မှုကိုလည်းကိုယ်စားပြုတဲ့ပန်းကလေးတွေလည်းဖြစ်တယ်"
ဂျီမင်းရှင်းပြလျက် တောင်းထဲမှ အဖြူရောင် Jasmine လေးတစ်ပွင့်ကိုခြွေယူလိုက်လေသည်။ ထိုနောက်မင်ဂျောင်းဘက်ကိုလှည့်ကာ မင်ဂျောင်း၏လက်မောင်းများကိုကြည့်လိုက်သည်။
"အဲဒီတက်တူးရဲ့အဓိပ္ပါယ်ကို ကျွန်မသိချင်တယ်"
မင်ဂျောင်းလက်ပေါ်မှ တက်တူးတစ်ခုကိုညွှန်ပြကာ ဂျီမင်းပြောလိုက်ခြင်းဖြစ်သည်။ အရိုးစုတစ်ခုက နောက်ထပ်အရိုးစုတစ်ခုနှင့် ရင်းရင်းနှီးနှီးလက်ဆွဲနှုတ်ဆက်နေသည့်ပုံ တက်တူးဖြစ်သည်။ ၎င်းတက်တူးကလေးမှာချစ်ဖိုကောင်းသည်ဟု ဂျီမင်းတွေးလိုက်သည်။
မင်ဂျောင်း ဂျီမင်းလက်ညှိုးဖြင့် ညွှန်ပြသည့်တက်တူးအား တစ်ချက်ကြည့်ကာ ခေါင်းငြိမ့်လိုက်သည်။
"အင်း ဒီဟာကလည်း ကောင်းတဲ့တက်တူးတစ်ခုပဲ"
YOU ARE READING
တက်တူးနှင့်ပန်းကလေး(Mm trans)
Romance"ရှင့်လက်ပေါ်က အဲဒီတက်တူးရဲ့အဓိပ္ပါယ်ကို ပြောပြရင် ကျွန်မလည်း Violets တွေရဲ့အဓိပ္ပါယ်ကိုပြောပြမယ်လေ" This story is not mine. Crd to the original author.