All Heaven's Sons are Surrounding my Wife
(ငါ့ရဲ့တစ်ဦးတည်းသော ချစ်ဇနီးက ကောင်းကင်သားတော်တွေရဲ့ အသည်းစွဲ)Genre : Xianxia, Martial Arts, System, Reverse Harem, Cuckold
အပိုင်း ၆
ယုရွှမ်းယွဲ့လည်း ဟန်လင်းဆီမှ ထွက်လာပြီး ရှောင်းတန်အား နှင်းဓားတောင်ထွဋ်သို့ ခေါ်ဆောင်သွားသည်။
နှင်းဓားတောင်ထွဋ်သည် သုံးဆင့်ရှိပြီး ပထမတောင်ထွဋ်၏တောင်ခြေသည် မြေပြင်ပေါ်တွင်ရှိနေရာမှတစ်ဆက်တည်းပင် တိမ်တိုက်များဖြင့်ထိလုနီးပါး ကောင်းကင်ပေါ်သို့ ထိုးထွက်နေသည်။
ဒုတိယတောင်ထွဋ်မှာ ပထမတောင်ထွဋ်၏ အပေါ်ဘက် ၃၀၀ မီတာအကွာတွင် လွင့်မျောနေကာ ဥက္ကာခဲတစ်ခုနှင့် ပိုတူသည်။
တောင်ထွဋ်၏ အောက်ခြေမှာ တိမ်တိုက်များဖြင့်ဖုံးလွှမ်းနေပြီး တောင်ထိပ်မှတော့ တိမ်များပေါ်သို့ ထိုးထွက်နေသည်။တတိယတောင်ထွဋ်သည် ဒုတိယတောင်ထွဋ်၏ အပေါ်ဘက် ၁၀၀၀ မီတာအကွာတွင် လွင့်မျောနေကာ ပုံသဏ္ဍာန်မှာ တောင်ထွဋ်တစ်ခုထက် နန်းတော်တစ်ခုနှင့်အလားသဏ္ဍာန်တူသည်။
ယုရွှမ်းယွဲ့သည် ရှောင်းတန်အား ဒုတိယတောင်ထွဋ်သို့ခေါ်သွားကာ ဆင်းသက်လိုက်ကြသည်။
ထို့နောက် ရှောင်းတန်အား
"တို့ရဲ့ နှင်းဓားတောင်ထွဋ်က သုံးဆင့်ရှိတယ်။ ပထမအဆင့်က အတွင်းစည်းတပည့်တွေအတွက်ဖြစ်ပြီး ဒုတိယအဆင့်က တိုက်ရိုက်တပည့်တွေအတွက်လေ"
ပြောရင်းမှ တောင်ထွဋ်၏ အလယ်ရှိ အိမ်တော်နှစ်ခုဆီသို့ စကားသံလွှင့်လိုက်ပြီးမှ
"တတိယတောင်ထွဋ်ကတော့ တောင်ထွဋ်သခင်နဲ့ အကြီးအကဲတွေအတွက်သီးသန့်နေရာပေါ့"
ထို့နောက် အဝေးမှလာနေသော အလင်းတန်းနှစ်ခုအားကြည့်ရင်း
"မင်းကိုတော့ အခု တောင်ထွဋ်ရဲ့ ပင်မတည့်နှစ်ယောက်နဲ့ မိတ်ဆက်ပေးမယ်။ မင်း အကူအညီလိုရင် သူတို့ကိုလည်း ပြောလို့ရတာပေါ့"ယုရွှမ်းယွဲ့လည်း သူမရှေ့သို့ဆင်းသက်လာသော လူနှစ်ယောက်ကြောင့် စကားစကိုရပ်လိုက်သည်။
"မင်္ဂလာပါ နှင်းသခင်မ"
"နှင်းသခင်မ"
ထိုနှစ်ယောက်လည်း ယုရွှမ်းယွဲ့အား ဦးညွှတ်ကာ နှုတ်ဆက်လိုက်ကြသည်။
ယုရွှမ်းယွဲ့လည်း ခေါင်းညိတ်ကာ အသိအမှတ်ပြုလိုက်ပြီး ရှောင်းတန်အား ကြည့်ကာ ထိုနှစ်ယောက်ဖြင့် မိတ်ဆက်ပေးလိုက်သည်။
"လီမင်၊ လွမ်အာ၊ ဒါက ရှောင်းတန်တဲ့ မင်းတို့ရဲ့ ဂျူနီယာဖြစ်လာမယ့်သူပေါ့။ သူ့ဆရာက ငါ့ခင်ပွန်း ဓားသူတောင်စင်ပဲ"
ထိုနှစ်ယောက်လည်း အံ့ဩသွားကြသည်။
YOU ARE READING
All Heaven's Sons are Surrounding my Wife
FantasyAll Heaven's Sons are Surrounding my Wife (ငါ့ရဲ့တစ်ဦးတည်းသော ချစ်ဇနီးက ကောင်းကင်သားတော်တွေရဲ့ အသည်းစွဲ) Genre : Xianxia, Martial Arts, System, Reverse Harem, Cuckold ဟန်လင်းသည် ဤကမ္ဘာတွင် ဓာတ်လိုက်သေသွားပြီး ကျင့်ကြံသူတို့ရဲ့ ကမ္ဘာကိုရောက်သွားခဲ့သည...